¹ Naanpun Abraham haot matueh dan lanjut umur e. Dan, TUHAN memberkati Abraham huang kaluhan hal. ² Eyau Abraham ga pelayan sa pangatueh tahuang lewu e, aye hio sa bartanggung jawab ga kaluhan harta sa ampun e, "Anak tangan nu ta kapit pangkal kahapangku. ³ Aku kakan hanyu basumpah demi TUHAN, aye hio Allah langit dan Allah bumi bahwa hanyu bakoi akan ngalap harau ga anakku neke nakia wawei Kanaan sa ta penah-penah e aku benyem. ⁴ Akan tetapi, hanyu mat tulak ga negeriku pahengau ga sahindraku pakai ngalap harau ga Ishak, anakku." ⁵ Pelayan hio ngantuh ga aye, "Kala awe amun wawei hio koi hakun uma aku ga negeri ina? Haruskah aku ngaun anak nu ga negeri asal nu?" ⁶ Namun Abraham ngantuh ga aye, "Mahulu! Ada ngaun anakku waleng ga onoy. ⁷ TUHAN, Allah samesta langit sa ngaun aku neke lewu amahku dan neke tane leluhurku; Aye sa bapaner ga aku dan bajanji ga aku ta huang sumpah-E, 'Aku akan ngami negeri ina ga keturunan nu,' akan mengutus malaikat-E ta muka nu mat hanyu tau kahaba harau ga anakku. ⁸ Amun wawei hio koi hakun uma ga ina pahengau nu, hanyu bebas teke sumpah ina, tapi ada aun anakku waleng ga aro." ⁹ Maka, pelayan hio nganak tangan e ga kapit pangkal kahapang Abraham, majikan e hio, dan basumpah ga aye mengenai hal ina. Mulai Ngalupui ¹⁰ Pelayan hio ngaun sapuluh ka ikui unta neke kawanan unta tuannya dan tulak. Aye gin ngaun macam ragam hadiah sa indah-indah dan tulak ga Mesopotamia, ga Kota Nahor. ¹¹ Ta luar kota hio, aye nunyu unta-unta e mat maharung ta tepi sumur ranu di andrau sanya, aye lah ganyah pulau wawei tulak nyauk ranu. ¹² Udi hio, hamba hio badoa, "Ya Tuhan, Allah tuanku Abraham! Ulah aku bahasil andrau ina, dan tutui lah kamurahan-Nu ga tuanku, Abraham. ¹³ Tena lah, aku mindri ta riet sumur dan nakia wawei neke kota ina hawi mat nyauk ranu. ¹⁴ Kirane gadis sa ga aye aku ngantuh: 'Awat tampinau guci nu mat aku tau ngoot,' dan ngajawab pahengau, 'Ngootlah, dan aku ley kakan ngami ngoot unta-unta nu,' aye lah sa Hanyu tetapkan bagi hamba-Nu, Ishak. Pahengau demikian aku mat karasa bahwa hanyu haut nutuy kamurahan-Nu ga tuanku." Ribka ¹⁵ Samete pelayan hio selesai badoa, tiba-tiba Ribka anak wawei sa na nganak ga Betuel anak Milka, harau neke sahindra Abraham sa baaran Nahor, hawi ga sumur nelang nuna buyung ta hamau papale e. ¹⁶ Wawei hio aye cantik tu'u. Aye ulun sa perawan; mete naan laki sa pahindra berhubungan intim di aye. Wawei hio tulak minau ga sumur dan ngisi buyung e, udi hio mamai waleng. ¹⁷ Pelayan hio malempat mat manalu e dan ngantuh, "Awat, izinkan aku ngoot doho ranu neke buyung nu." ¹⁸ Jawab Ribka, "Nyoot lah, tuanku." Dan, aye pun segera nampinau buyung hio ga tangan e lalu ngami pelayan hio ngoot. ¹⁹ Udi Ribka selesai ngami ngoot pelayan hio, eyau e, "Aku gin akan nyauk ranu mat ga unta-unta nu." ²⁰ Maka, Ribka nahinang menuangkan kaluhan isi buyung e ga huang palungan, udi hio aye malempat waleng ga sumur mat nyauk ranu lagi ga unta-unta ulun hio. ²¹ Koi rama kata-kata, pelayan Abraham mengamat-amati wawei hio. Aye kakan mamastikan inonkah TUHAN haut ngulah bapanulak e berhasil. ²² Udi unta-unta hio haot ngoot, pelayan Abraham ngalap isa kabuah anting-anting emas sa weat e satengah syikal, pahengau rueh kabuah gelang mas sa weat e sepuluh syikal. ²³ Eyau pelayan hio, "Anak hie hanyu? Eyau ga aku, naan kamar ta lewu amah nu ga kami bamalem?" ²⁴ Jawab Ribka ga aye, "Aku iri anak Betuel, aye iri lah nakia sa laki sa nganak Milka ga Nahor." ²⁵ Eyau e lagi, "Kami sa ampun rama jerami dan panguta unta, pahengau uneng pakai bamalam." ²⁶ Maka, sujudlah pelayan dan manyembah TUHAN. ²⁷ Eyau e, "Terpujilah TUHAN, Allah tuanku Abraham, sa bakoi mengabaikan kasih setia-E ga tuanku. Dan ga aku, TUHAN haot manuntun bapanulakku manuju sahindra tuanku ina." ²⁸ Udi hio, Ribka malempat dan mawara ga seisi lewu ine e tentang kaluhan e hio. ²⁹ Ribka sa ampun isa pulak sa nai laki aran e Laban, dan Laban malempat ga luar mat panalu pelayan Abraham ta riet mate ranu. ³⁰ Hio na ulah e nahinang udi aye nena cincin dan gelang sa na dipakai pada tangan ani e, pahengau ngarengei perkataan Ribka: "Kalahio lah sa na eyau ulun hio ga aku." Laban panalu pelayan Abraham hio dan panalu e mindri ka tuhi unta-unta e ta riet mate ranu. ³¹ Eyau Laban ga aye, "Masuk bo, wahai sa na berkati TUHAN! Wa inon hanyu mindri ta luar? Aku haot nyansiapkan lewu, pahengau uneng ga unta-unta." ³² Maka, pelayan Abraham hio pun masuk ga huang lewu dan muatan sa na aun unta-unta e nampinau. Udi hio, jerami dan panguta ternak na ami ga unta-unta hio, dan ranu na sediakan mat pelayan Abraham pahengau ulun-ulun sa pahengau e tau ngui pe'e here. ³³ Akan tetapi, ganyah panguta na sajikan ta muka pelayan Abraham, aye pun ngeau, "Aku koi mat nguta semete aku mangeau ga hanyu inon sa harus na eyau ku." Eyau Laban ga aye, "Amun kala hio, eyau bo ga kami." Penawaran Ga Ribka ³⁴ Pelayan hio ngeyau, "Aku iti pelayan Abraham. ³⁵ TUHAN haot memberkati tu'u tuanku sehingga aye jari sugih. Aye haot ngami e pulau domba dan lembu, perak dan emas, pelayan dan hamba-hamba, pahengau rama unta dan keledai. ³⁶ Dan, Sara, harau tuanku hio nganak ga aye isa nakia laki ta masa aye matueh. Dan, aye haot ngami kaluhan sesuatu sa menjadi ampun e anak hio. ³⁷ Tuanku lako aku basumpah, eyau e, 'ada hanyu ngalap harau bagi anakku neke anak-anak wawei Kanaan, negeri sa takam muneng ina. ³⁸ Namun, hanyu harus tulak ga kaluarga amahku dan ga kaum nu mat ngalupui harau ga nakia lakiku ³⁹ Eyauku ga tuanku hio, 'kala awe amun wawei hio koi hakun hawi ga ina pahengau aku?' ⁴⁰ Jawab tuanku, 'TUHAN sa ta hadapan-E aku ngajalan welumku, mat mangutus malaikat-E mat menyertai dan ngulah panulakan nu bahasil sehingga hanyu iyuh kahaba isa harau ga anakku neke penah-penah kaumku dan neke kaluarga amahku. ⁴¹ Hanyu na bebaskan neke sumpah nu amun hanyu hampe ga kaumku, hindrapun here bakoi basadia manyarah anak wawei e ga hanyu.''' ⁴² ''Jari, andrau ina aku hawi ga sumur dan ngeyau, 'TUHAN, Allah tuanku Abraham, amun hanyu berkenan, ulahlah bapanulak ku ina bahasil. ⁴³ Tena nu, aku akan mindri ta riet sumur; amun isa ulun wawei hawi mat nyauk ranu, aku akan ngeyau ga aye, 'Awat izinkan aku ngoot doho neke ranu sa naan ta buyung nu.' ⁴⁴ Amun wawei hio ngeyau ga aku, "Ngootlah, dan aku gin mat ngalap ranu ga unta-unta nu," elahe aye sa ALLAH pilihkan ga nakia laki tuanku."" ⁴⁵ "Semete aku haot badoa tahuang ateiku, Ribka hawi ga sumur ngalap ranu pahengau ngaun buyung ta amau palale e. Waktu hio aye minau ga sumur mat nyauk ranu, aku ngeyau ga aye, 'Awat, ami aku ngoot.' ⁴⁶ Maka, aye pun hinang nampinau buyung hio neke palale e dan ngeyau, 'Ngootlah dan aku lei mat nyauk ranu ga unta-unta nu.' Udi hio, aku pun ngoot dan aye gin ngami ngoot unta-untaku. ⁴⁷ Udi hio, aku nyentane ga aye, 'Anak hie hanyu?' Jawab e, 'Anak wawei Betuel, aye lah nakia laki sa nalahirkan Milka ga Nahor.' Maka, aku pun ngamasang anting-anting ga urung e dan gelang ga tangan e. ⁴⁸ Udi hio, aku nampa tunduk ulukku dan manyembah TUHAN. Aku mamuji Tuhan, Allah tuanku Abraham sa haot ngaun aku ta lalan sa uwah mat aku panalu pahengau umpu wawei neke pulak sa nai tuanku ga nakia laki e. ⁴⁹ Wayah ina amun hanyu hakun nutuy kamurahan atei dan kasetiaan ga tuanku, eyau ga aku; dan amun bakoi, eyau gin mat aku karasa ga awe aku harus tulak." ⁵⁰ Udi hio, Laban dan Betuel nyawab, "Hal ina baasal neke TUHAN, ulah hio kami koi tau ngeyau ga hanyu maeh atau buruk e. ⁵¹ Tenalah, Ribka naan ta muka nu. Tuna aye dan tulaklah. Elah aye jari harau bagi anak tuan nu seperti inon sa haot TUHAN ngantuh." ⁵² Ganyah pelayan Abraham ngarengei hal ina, sujudlah aye ga tane ta hadapan TUHAN. ⁵³ Udi hio, pelayan Abraham hio nampalua perhiasan perak, emas, dan lama, udi hio ngami e ga Ribka; aye gin ngami hadiah-hadiah sa larang ga ine dan pulak sa nai. ⁵⁴ Udi hio, pelayan Abraham dan ulun-ulun hio nguta dan ngoot, dan here bamalam ta aro. Ganyah here baun pada katuni, pelayan Abraham ngeyau, "Izinkanlah aku waleng ga tuanku." ⁵⁵ Namun, pulak sa nai laki dan ine Ribka ngeyau, "Elah e Ribka muneng pahengau kami kira-kira sepuluh andrau lagi. Udi hio, tau boh hanyu tulak." ⁵⁶ Mat tetapi, pelayan Abraham ngeyau ga here, "Ada nahan aku, rasa nu bahwa TUHAN haot ngulah bapanulakku bahasil. Izinkanlah aku tulak mat aku tau tulak ga tuanku." ⁵⁷ Eyau here, "Elah kami nerau Ribka dan nyentane ga aye tentang inon sa na kakan e." ⁵⁸ Here nerau Ribka dan nyentane, "Inonkah hanyu kakan tulak pahengau ulun ina?" Jawab Ribka, "Hi'ih, aku kakan." ⁵⁹ Jari, here mengizinkan Ribka pahengau pasukan e tulak sasameh pelayan Abraham pahengau ulun-ulun e. ⁶⁰ Here memberkati Ribka dan ngantuh ga aye, "Pulak sa nai here, elah e hanyu jari berpuluh-puluh ribu; dan kira e katurunan nu maharungi lawang gerbang negeri-negeri sa memusuhi here." ⁶¹ Udi hio, Ribka pahengau pengasuh e mamai ga entuh unta dan uma pelayanan Abraham. Maka, pelayan Abraham hio ngaun Ribka dan tulak neke hio. ⁶² Naan pun Ishak haot waleng neke bapanulak ga sumur Lahar-Roi ulah wayah iti aye muneng ta Negeb. ⁶³ Ta andrau sanya, aye takia-takia ga alah mat raerai. Dan, ganyah aye melayangkan panena e, aye nena unta-unta hawi neke kelawitan. ⁶⁴ Ribka lei melayangkan panena e dan nena Ishak, lalu minau neke unta e. ⁶⁵ Eyau Ribka ga pelayan Abraham hio, "Hie kah laki hio sa takia ta alah mat panalu takam na?" Jawab pelayan hio, "Aye lah tuanku." Udi hio, Ribka ngalap cadar e dan menutupi rai e. ⁶⁶ Udi hio, pelayan hio mangkesah ga Ishak tentang kaluhan sa haot na ulah e. ⁶⁷ Udi hio, Ishak ngaun wawei hio ga huang kemah ine e dan ngadu e sahingga Ribka jari harau e. Ishak mengasihi e tu'u, dan aye na hiburkan seudi kematei ine e.