² Abraham ngeau tentang Sarah, harau e, aye pulak-sana i ku, ula hiyo Abimelekh raja Gerar nunyu ulun pakai ngalap Sarah. ³ Auk katika kamalem, Allah mawara ga Abimelekh ta huang upi, Eauw-E hanyu mat mate ula hanyu ngalap harau ulut. ⁴ Ulah hio, Abimelekh mete ngariet sara, jadi aye ngatuh, '' Allah tala, bujur koy hanyu munu bangsa sa bakoy ba hala ? ⁵ Aye koy Abraham kaeray sa ngatuh ga hanyu, 'wawey iti pulaksanai ku,'? Balalu koy sa wawey hio ngatuh ley ,' laki ina ley pulaksanai ku,'? Aku nganu ina ta huang katulusan atey ku balu pahengau tangan sa barasih.'' ⁶ Udi hio, Allah tala ngatuh ga aye huang upi, '' Hiih, aku karasa hanyu ngatuh ina huang katulusan atey nu. Aku lah sa manahan hanyu neke dosa ta hadap Aku, aye bakoy nuyu hanyu negey wawey hio. ⁷ Ulah hio, awuk ina sampudi harau ulun hio ulah aye hio sa ulun nabi. Aye kakan badoa ga hanyu mat pakai yalamat welum nu.Balalu hio,jaka hanyu bakoy yampudi harau e ga aye, mat hanyu karasa kaluhan ulun sa pahengau hanyu mat matei.'' ⁸ jari,kiat kiat tu'u, Abimelekh nerau kaluhan ulun palus ba kisah ga here kaluhan hio sa hingga jari takut. ⁹ Ari, Abimelekh nerau Abraham palus ba paner ga aye, '' Inon sa haot na ulah nu ta hadap kami, inon sa hala sa haot na lakukan ga hanyu balalu hanyu ngami dosa sa hante ga hamau tenga ku pahengau kerajaan ku ? Hanyu haot ngulah eha sa bakoi patut ta hadapan ku !'' ¹⁰ Balalu , Abimelekh ngatuh lagi ga Abraham , '' Inon sa nyuju hanyu ngulah hal ina ?'' ¹¹ Aeu Abraham , '' Aku mangira bahwa takut pahengau Allah tala tantu bakoy naan ta ina pahengau ulun ulun ta ina kakan munu aku ulah harau ku. Aye hio, aye hio pulaksanai ku; ¹² aye anak amah ku, bakoy anak ine ku, balau udi hio aye jari harau ku. ¹³ Awuk Allah tala nuyu aku merantau kaluar neke huang lewu amah ku, aku ngatuh ga harau ku, santarang kasihnu ga aku di ngulah ina ta satiap uneng sa takam tuju, wara bo keadaan ku: Aye pulaksanai ku.''' ¹⁴ Udio hio Abimelekh ngalap domba, lembu, amput hamba laki laki pahengau wawey ga Abraham; balalu hio yampudi sara,harau Abraham, ga aye. ¹⁵ Aeu Abimelekh, '' tena bo, negeri ku naan ta hadapan nu. Muneng bo ta awe sa hanyu kakan.'' ¹⁶ Abimelekh ngatuh ga sara, '' rengey lah, aku ngami saribu syikal perak ga pulaksanai nu, Abraham, mat jari bukti pembenaran nu ta hadapan kaluhan ulun sa sameh sameh pahengau hanyu. balalu ta hadapan kaluahan ulun,hanyu bakoi ba hala.'' ¹⁷ Udi hio, Abraham ba doa ga Allah tala balalu Allah tala nangkaoh Abimelekh,harau e,pahengau hamba hamba e wawey mat here tau ba anak. ¹⁸ Ulah, sa mete hio Allah tala manutup rahim kaluhan wawey ta huang kaluarga Abimelekh sa hingga bakoy tau mangadung ulah sarah, harau Abraham.