¹ Hampelah karuweh malaikat hio ga Sodom sanya anal yau e, pas waktu hio Lot ganyah maharung tariet pintu Sodom lalu aye ngulik here, aye mindri palus manalu here, nelang aye sujud hampe rai e uwah tane. ² Eyau Lot, Nu Bos, ada hanyu koy havui ga lewu ku, kaon bos-bosku tau bamalem pahengau mui pee, katuni kiat-kiat kaon Bos-bos tau ngalanjut kia kaon, here malaikat hio nuing, koy kami kakan bamalem ta alun-alun kota. ³ Tapi Lot tatap mamaksa tulak pahengau aye palus bamalem ta lewu aye, balalu Lot nguluh panguta ga here palus mangang roti sa koy baragi palus here kuman. ⁴ Samete here kakan mandre kaluhan ulun laki teke penjuru kota iya mata tueh ngaliling lewu lot. ⁵ Here kamiak nerau Lot, "ta awe sa ruweh kaulun sa hawi dapot hanyu malem ina? tuna here kaluar manalu kami na mat kami makai here. ⁶ Lot kaluar palus nutup pintu wading palus ⁷ Ngenyau uu pulaksanai atetku ada kaon ngulah kasalahan hio! ⁸ Rengei aku maan anak rumeh wawey sa mete pahinara mandre pahengau ulun laki, uni ku natu here mandre pahengau kaon amun kaon kakan gawi bo sasuai pangakan kaon. Asal ada kaon ngulah masaalah di here ruweh na ulah here ta lewuku. ⁹ Tapi ulun-ulun hio bapaner hulu! "here bapaner!" Lot hawi ga kota here sameh ulun asing, tapi aye bagaya sameh di ulun penting! kami kakan ngulah kejahatan ta hadap here" here mamaksa Lot ngadorong Lot palus ngadorong pintu. ¹⁰ Here ruwe nutup pintu narik Lot masuk ga huang lewu palus nutup pintu. ¹¹ Udi hio here nampa buta mate here sa naan ta manawang pintu hio, hingke sa iya hampe sa matueh, here uyuh ngalupui mahawang pintu hio. ¹² Laki ruweh hio bapaner ga Lot, hiye lagi kaluarganu sa muneng ta kota ina, tuna here kaluar teke ina. ¹³ Kami kakan nanrusak kota ina ulah kajahatan kaon na hampe ga silu Allah Tala; aye nunyu kami mat nanrusak tumpuk ina." ¹⁴ Lot kaluar palus bapaner di here nantu-natu e sa mat ngadu anak wawey here. Aye bapaner hinang tanan kota ina ulah Tuhan kakan namparusak e! Nantu-nantu e ngakira aye ekat pararia. ¹⁵ Pas sanya malaekat-malaekat hio maksa Lot, buan aun harau di karueh anak waweynu sa man ta ina, amun koy hanyu uma na natanrusak pahengau kota ina na hakimi. ¹⁶ Lot ba lawah-lawah lalu karuweh ulun hio narik tangan Lot di tangan harau e, pahengau tangan karuweh anak e, palus Tuhan sayang di Lot palus kaluar kota. ¹⁷ Pas here nuna Lot pahengau keluarga e ga luar kota, isa teke here bapaner, "Lempat hinang salamat tenganu! ada ngulik ga balakang palus bo ada tawire ta lembah." ¹⁸ Lot bapaner ga karuweh ulun hio, "ada kalahio, hanya tuan! ¹⁹ Hamba nu ina haot narime kasih sayang teke tuan e, palus Tuhan mawara kamaeh atey e nyalamat nyawa hamba e, tapi hamba hio koy sangup lagi malempat ga gunung palus matey! ²⁰ Ini naan kota sa sangat riet teke ina, kota hio halus. Huyu hamba hio malempat ga hio mat aye selamat." ²¹ Eyau malekat hio ga Lot, oy aku koy akan menghancurkan kota sa naantuh nu hio palus aku ngabul doanu. ²² Hinang lempat ga aro aku koy kaiyuh ngulah inon-inon sa mete hanyu hampe ga kota hio. Hio lah maka kota hio na antuh Zoar. ²³ Mate andrau japo timbul pas Lot hampe ta Zoar, ²⁴ Tuhan nampinau uran belerang pahengau apui gahamau Sodom di Gomora. Urun hio natampinau Tuhan teke langit. ²⁵ palus here nanrusak kota hio pahengau kaluhan wilayah e palus kaluhan marasia sa naan pahengau kabun kalaka here. ²⁶ Harau Lot sa takia ta wading aye, ngulik ga belakang palus jari tiang sira. ²⁷ Kiat katuni Abraham buan subuh-subuh palus waleng ga uneng aye mindri ta muka Tuhan. ²⁸ Aye ngulik ga hadapan Sodom di Gomora, palus aye kaini naan atuk apui teke karuweh kota hio sameh atuk parapian. ²⁹ Pas Allah Tala nan rusak kota-kota lembah hio, Allah tala mangingat Abraham. Aye ngaluar Lot teke penah-penah kerusakan hio, waktu aye nanrusak kota uneng Lot muneng. ³⁰ Lot tulak teke Zoar palus muneng ta goa, ta gunung pahengau karuweh anak e sawawey ulah here takut ta Zoar. ³¹ Saat hio anak e sa matueh bapaner ga here sa lebih muda, "Amah takam haot matueh, koy naan ulun laki awe pun sa kakan uweh mat paadu sameh biasa sa na ulah ulun ta dunia ina. ³² Yu uweh nampaminum e amah na mat aye mabuk hayak aye ta paandre uweh mandre uma aye mat tau kaiyuh nyamung katurunan takam mitah amah na." ³³ Malem hio here nampa mabuk amah e, udi hio anak sa paling matueh umah amah e mandre palus pangawi di amah e. Lot koy karasa budas anak e uma aye mandre palus bo aye tulak. ³⁴ Andrau sa katuni e, anak sa paling matueh bapaner ga ani e, "kamalem ni aku bahubungan di amah. Lagi malam uni uweh nampa mabuk amah mat hanyu tau mandre uma aye palus berhubungan intim di amah. Mat takam tau nampalus hubungan keluarga takam mitah amah." ³⁵ Lagi bo malem hio here nampa mabuk amah e. Palus anak saiya masuk bahubungan di Lot. Lot koy karasa budas anak e uma aye mandre palus bo aye balua tulak. ³⁶ Maka sawintung lah here ruweh anak wawey lot ulah amah here. ³⁷ Anak e sa paling matueh malahir laki na ami e aran Moab. Moab hio arti e itak ulun moyang sa hampe saat ina jari itak here Moab. ³⁸ Anak sa paling iya gin malahir laki na ami e aran Ben-Ami sa itak moyang kaluhan ulun amon sa naan hampe saat ina.