¹ Balalu Tuhan ganta Sara pudi sameh sa mantuh e, pahengau aye ngulah Sara sameh sa haot na napakat e. ² Balu, Sara sawuntung pahengau nganak nakia laki ga Abraham ta masa matueh e, sameh sa katika na antuh Allah Tala ga aye. ³ Abraham ngami aran ga iya sa na anak ga aye, sa na anak ulah Sara, Ishak anak e. ⁴ Abraham manyunat Ishak awuk iya hio baumur walu taon, sameh sa na perinta Allah Tala ga aye. ⁵ Abraham ba umur jatuh taun awuk Ishak. ⁶ Balu Sara bapander Allah Tala haot ngulahku kakihi, pahengau tiap ulun sa ngarengei hal ina tau kakihi pahengauku. ⁷ Balalu hie sa dahulu tau ngatuh pahengau Abraham aye ti Sara nampomo iya e? Amun kalahio, aku haot nganak iya laki ga aye pada masa matueh e. ⁸ Ishak magin ba hante pahengau mulai ta nyantepoh. Balalu Abraham ngulah suatu pesta hante pada andrau Ishak ta ngantepar. ⁹ Udi hio awok Sara ngindi iya Hagar, wawey Mesir sa na nganak iya pangatueh ga Abraham hio rahat mausik. ¹⁰ Sara bapander ga Abraham, "na usirlah hamba hio sasameh iya laki teke hamba wawey ina bakai akan jari ahli waris sasameh pahengau Ishak, iya ku." ¹¹ Hal ini ngulah Abraham magin sedih ulah Ismael hio iya e. ¹² Namun, Allah Tala bapander ga Abraham, ada sedih ulah iya laki ina pahengau ulah hamba wawei ina. Ulah sa na pander Sara ga hanyu, ulah hio sa akan na wara keturunannu hanyalah sa berasal neke Ishak. ¹³ maka ulah hio, Aku lei ngulah nakia laki neke hamba wawei hio jari bangsa sa hante ulah anak hio lei katurunan nu. ¹⁴ Jari Abraham mele kiat tuu balalu ngalap roti serta kantung kulit sa baisi ranu, balalu ngami e ga Hagar. Aye nganak panjuta pahengau ranu hio ga papale Hagar balalu menyerahkan nakia hio ga aye, balalu nunyu here tulak. Maka tulak lah wawei hio mengembara ta padang gurun Bersyeba. ¹⁵ Udi ranu sa huang kantung kulit hio galis, Hagar nganak anak e ta kapit salah isa semak. ¹⁶ Udi hio, tulak lah aya kira-kira sepamanah lawit e, balalu aye maharung bahadapan panengau semak hio, aye mulai nangis pahengau taheku-heku. ¹⁷ Maka ulah hio, Allah Tala ngarengei suara nakiya hio, balalu malaikat Allah Tala ngeau Hagar neke surga balalu bapander ga aye, inoon sa manyusah hanyu, Hagar? Ada koi ehei sebab Allah Tala haot ngarengei suara nakia hio neke unengan aye berada. ¹⁸ Buan bo ! enat o nakia hio balalu bimbinglah aye sebab Aku mat ngulah suatu bangsa sa hante. ¹⁹ Lalu Allah tala ngauka mate Hagar jadi aye ka ini sebuah Sumur. Jadi mudilah Hagar ga sumur hio balalu mangisi kantung kulit pahengau ranu, udi hio ngami ngoot nakia e. ²⁰ Allah Tala palus uma nyahindna nakia hio, balalu aye samakin batambah hante. Ismael welum ta padang gurun balalu jari ulun sa ahli busur panah. ²¹ Aye muneng ta padang gurun paran balalu ineh e nyampudi bagi e seorang harau neke bangsa Mesir. ²² Awok hio, Abimelekh pahengau pikhol, seorang panglima tentara Abimelekh, ngantuh ga Abraham, "Allah Tala nyahindra nu huang sagala sasuatu sa hanyu ulah. ²³ Jari, basumpah bo ga aku ta ina, ta hadapan Allah Tala bahwa hanyu bakoi mat barlaku curang tahadap Aku, katurunanku, ataupun ga nakia umpu ku. Ulah hio sameh ka maehan sa haot na tutuiku ga hanyu, tutuilah kamaehannu ga aku balalu ga negri sa haot hanyu tanan sabagai panghawi ina. ²⁴ na tuwing Abraham, "Aku basumpah!" ²⁵ Amun kalahio, Abraham brawada ga Abimelekh tantan sumur ranu sa na moharung oleh para hamba Abimelekh. ²⁶ Abimelekh ngatuh, " Aku bakoi karasa hie sa ngulah e hanyu bakoi pahindra ngatuh tentang ina da aku samete hio! ²⁷ Jari, Abraham pahengau Abimelekh ngulah sebuah pakat. Abraham ngami ga Abimelekh babarapa domba pahengau lembu sabagai bukti pakat. ²⁸ Abraham nganak lei pitu domba betina ta muka Abimelekh. ²⁹ Abimelekh nyantane ga Abraham ulah inaan hanyu napisah ka pitu domba betina hio. ³⁰ Na tawing Abraham "Jika hanyu narime domba-domba ina neke aku, ina mat jari bukti bahwa aku sa ngadi sumur ina." ³¹ Udi hio, sumur hio na ami aran Bersyeba. Abraham ngami aran sumur hio demikian karena na uneng hio lah here ngulah pakat. ³² Jari, Abraham pahengau Abimelekh ngulah sabuah pakat ta Bersyeba. Udi hio, Abimelekh pahengau pamimpin pasukan e, waleng ga negri Filistin. ³³ Abraham mule kakau tamariska na Bersyeba pahengau badoa ga Allah tala, Allah tala sa welum salawah-lawah e. ³⁴ Balalu Abraham lawah muneng sabagai ulun asing mat awok sa lawah ta negri Filistin.