¹ ಕತ್ಹೋ ಲಷ್ಟ್ಹ್ಳಧನ್ಮ ಕಷ್ಟಮ್ನು ಕಲಮ್ ಅವಶೇ ಕರಿ ಮಲಮ್ಕರೋ, ² ಅದ್ಮಿಖಾರು ಸ್ವನ್ಥಬುದಿವಳು ಪೈಶ ಲಪದವಳು, ಬಡಾಯಿ ಮರವಳು, ಅಹಂಕರಂ ಕರವಳು, ಧುಶಿನ್ಚವಳು, ಅಯಬನ ವಾತೆ ಖಾಮ್ಜಕೊಇನಿಥೆ ರವಳು, ಉಪಕರಂ ಕ್ಹಯಲ್ಖಾಯಲ್ ಕರಕೊಇನಿಥೆ ರವಳು, ³ ದೆವ್ನು, ದರ್ಕೊಇನ್ಥೆ ಅಯ್ಯೋಪಪ್ ಕೊಇಂಥೆ, ಸಮಾಧಾನ, ಕೊಇನಿಥೆ ರವಳು ಚಡ್ಬೋಳವಳು, ಕನಿಕರಂ, ಕೊಇಂಥೆ ರವವಳು ಧವೋ ರವ್ಹಳು ಅಚ್ಚನ ಕರಬ್ ಕರವಲು, ⁴ ಧವೊಕರವಳು, ಧುದ್ಕವಳು, ಅಹಂಕರಮ್ಕರವಳು, ದೇವನ ಕರುಣೆ ಕರವಳಥೆ ಅಧಿಕರಂ ಕರವಕು ಅಯ್ಯೋ ಕರವಳು. ⁵ ಭಕ್ತಿನಿ ವೇಷಂ ರಹಿನ್ ಇನಿ ಶಕ್ತಿನ ನಕೊಕರಿ ಬೋಳವಳು ಹುಇರುಥೆ; ಇಮ್ನು ಆದ್ಮಿ ಜೋಡ್ಮ ರಹವಳು. ⁶ ಯುವ್ನಾಮ ಥೋಡು ಆದ್ಮಿ ಗ್ಹೆರ್ಮ ನುಗ್ಗಿನ್ ಪಾಪಂಥೇ ಭಾರೈರಹವಳು ನಾನಾ ರಕ್ಹಮ್ನು ಆಕ್ಹ್ಥೆ ಭಾರಕ್ಹೋ ಹುಇರುಥೆ ಬುದ್ದಿ ಕೊನಿಥೆ ಬಾಯ್ಕವ್ನ ಜೋಡ್ ಕರವವಳು ಹುಯ್ರುವಳು. ⁷ ಯೋ ಬಾಯ್ಕ ಕೆದೆಬಿ ಪ್ರಸಂಗಂ ಖಮ್ಜುಕರಿತೋಬಿ ಕ್ಹಚಿನಿ ಅಛಿ ಬುದ್ದಿನ ಕೊಪಡ್ಸ್ಹೆನಿ . ⁸ ಎನ್ನ ಯಮ್ಬ್ರ ಇವನೇ ಮೊಷೆನ ವಿರೋದಮ್ಕರಿಯು ತಿಮ್ಮಸ್ ಅ ಅದ್ಮಿಬಿ ಖ್ಹಚಿನ ವಿರೋದಮ್ಕರಿಯು; ಬುದ್ದಿಕೊಇನಿಥೆ ನಮ್ಭಾಕಮ್ನಿ ವಿಷಯಮ್ಮ ನಮ್ಬಿಕೆಕರಕೊಇನಿಥೆ ಆದ್ಮಿ ಹುಇರುತು. ⁹ ಕತ್ಹೋ ಇವನೇ ಗನೂ ಅಗಡಿಜ್ಹ್ಹವನ ಸಾದ್ಯಂ ಕೊಇನಿ; ಯೋ ಎನ್ನ ಯಮ್ಬ್ರನಿ ಮುರ್ಕಾಂ ಕ್ಹಾರುವುನ ಮಲಂ ಹುಯು ತಿಮ್ಮಸ್ ಅವುನುಬಿ ಮಲಮ್ವುಸೆ. ¹⁰ ತುತೋಬಿ ಮನ ಕೆದೆಪಡ್ನುಕರಿನ್ ಮಾರಿ ವಥೆನ, ಚಾಲ್, ವುದ್ದೆಶಂ, ನಮ್ಬಕಂ, ಅಚ್ಚಿಪ್ರಿಥಿ, ಯೆಂಕ್ರೆಜ್ ಕರವನು, ¹¹ ಅಂಥಿಯೋಕ್ಯಮ ಇಕೊನ್ಯಮ ಲುಸ್ರ ಕರಿನ್ ಕ್ಹಾಯೇರ್ಮ್ಮ ಮನ ಅಯುಥೆ ಹಿಂಸೆ ಕಾಸ್ಟ್ಮ ಮ್ ಮಲಮ್ಕರುಕರುಸ್. ಮೇ ಕೆಲಕತ್ನಿ ಹಿಂಸೆ ಗಲಿಲ್ದ್ಹೋ; ಯೋಕ್ಹಾರಮತ್ಹೋಯೋಖ್ಹರಮತ್ಹೋ ದೇವೂ ಮನ ಬಚ್ಚಯೋ. ¹² ಕ್ರಿಸ್ತು ಯೇಸುಮ ಬಕ್ಥಿಖ್ಹು ಜೀವನ ಕಜೆ ಮನಸ್ಸು ಕರವಳು ಹಿಮ್ಸೇಪದೆಶೆ. ¹³ ಕತುಬಿ ವಿರುದಿಆದ್ಮಿ ವನ್ಚ್ಚವಳು ಅಳದನ ಮೊಸಂಕರಿನ್ ಇವನೆಸ್ ಮೊಸಹುಇಜಷೆ ಗಣೇಥಿ ಕರಬಕಮ್ಮ ಜಾಷೆ. ¹⁴ ತುತೋಬಿ ಶಿಕಿನ್ ಗಟ್ಟ್ತಿ ನಮ್ಮಿಯುಥೆ ವಥೆನ ಮೈರಜೋ . ಸಿಕಡವಳು ಕೊನ್ಕರಿನ್ ಸೊಸ್ಕರಿನ್. ¹⁵ ನನತ್ತಿಬಿ ತುನ ಪರಿಶುದ್ದನಿ ಗ್ರಂದಣಿ ಪರಿಚಯಂ ಹುಯುನಿ.ಯೋ ಗ್ರಂದಮ್ಖ್ಹರು ಕ್ರಿಸ್ತು ಯೇಸುಮ ಚ್ಚಥೆ ನಮ್ಕಂನ ಮುಲಕಂ ರಕ್ಷೆನೆ ಹೊಂದನು ಜ್ಞಾನಂ ಲೆವನ ಶಕ್ತ್ಥಿಹುಇರಶೆ. ¹⁶ ದೆವುನಿ ಆಲೋಚ್ಚ್ಹನಂತ್ತಿ ಖ್ಹರುಸ್ ಶ್ಹಸ್ತ್ರ ಬೋಲ್ಲನ , ಕಂಡಿಸವನ, ಬರೋಬಾರ್ ಕರಣ , ನಿತಿಖ್ಹು ಫ್ಹಡನ ಪಶಂಚ್ಹ . ¹⁷ ಇನೆತ್ತಿ ದೆವುನು ಆದ್ಮಿ ಖ್ಹರಮ ಮಲಮ್ಕರವಳು ಹುಇರನುಕರಿನ್ ಖ್ಹರು ವುಕರಮ್ಮಬಿ ಬರೊಬರ್ಹುಇರಶೆ .