ಇನ ಮರಿಜ್ಹ್ಹವನು ಕಲಾಂ ಕನ್ನೆ ಐತ್ರುಕರಿನ್ ಪೌಲ ತಿಮೋಥಿನ ಝ್ಹೆಥೈನ್ ಸುವರ್ಥನು ಜುಣನ ಘ್ಹನು ಜಗೃಥಿತಿ ಚ್ಚಳವುನುಕರಿನ್ ಬೋಲಿಯು ¹ ಮೇ ದೆವುನ ಖ್ಹಂನೆ ಬುಜ್ಹ್ಹು ಜಿವನುಬಿ ಮರನುಬಿ ನ್ಯವುಕರನ ಅವುಶೆಥೆ ಕ್ರಿಸ್ತು ಯೇಸುಮ ದೆಖ್ಹವುಸೆಥೆಬಿ ವುಪ್ಪರ್ ಇನಿ ರಗ್ಯಮ್ನ ವುಪ್ಪರ್ಬಿ ಖ್ಹೊಂಗಥ್ ತುನಾ ಖ್ಹಚಸ್ಕರಿ ಬೋಳುಕರುಸ್ ಶಥ್ ಕತ್ಹೋ - ² ದೆವುನಿ ವಥೆನ ಬೋಲ್, ಅನುಕುಳಮ್ನ ಕಾಲಮ್ಮಬಿ ಅನುಕುಲಂ ಕೊಇನಿಥೆ ಕಳಮ್ಮಬಿ ಇನಾಮ ಆಸಕ್ತ್ತಿವಲೋ ಹುಇರಜೋ ; ಘ್ಹನು ಸಂತ್ತಿಥಿ ವುಪದೆಶಮ್ಕರಿನ್ ಜ್ಹೆಥವು , ಗುರ್ಕವು ,ಜಗೃಥ್ ರಾಕ್. ³ ಶೇಕತ್ಹೋ ಆದ್ಮಿ ಖ್ಹಚೀವಥೆನ ಒಪ್ಪಕೊಇನಿಥೆ ತ್ಹೊಡು ಅವಸ್; ಇನಾಮ ಯೋ ಕನ್ನ ಖ್ಹಂಜ್ಜ್ಹ ಕೊಇನಿಥೆ ತಿಮ್ ಇವುನಿ ಅಕ್ಹ್ನ ಅನುಕೂಲ ಹುವ್ವಸ್ಥೆ ಉಪದೆಶಮ್ನ ದೆಸ್ಥೆ ಖ್ಹರವುನ ಖ್ಹರಿ ಉಪದೆಶಮ್ವಲನ ರಖಿಲಿಷೆ. ⁴ ಇವುಣೆ ಖ್ಹಚ್ಚಿ ವಥೆನ ಕನ್ದೆಇಕೊಇನಿಥೆ ಖರಾಬ್ ಕಥೇನ ಖ್ಹಂಜನ ಇಸ್ತಕರ್ಷೆ. ⁵ ಕತ್ಹೋ ತುಮೆ ಖ್ಹರಿ ವಿಷಯಮ್ಮ ಅಚ್ಚಿಬುದ್ದಿವಳ ಹುಇರಹೋ ,ಹಿಮ್ಸಂನ ಖ್ಹಮಲಿಲೆವೋ, ಸುವರ್ಥೆವಲನು ಕಾಮ್ನ ಕರ್, ತುನ ವಥಲಿಯತೆ ಸೇವೆನೆ ಒಪ್ಪುನಥೆ ಕರ್. ⁶ ಶೇಕ ತೋ ಮೆತ್ಹೊಬಿ ಹನ್ಕ್ಕೆಸ್ ಅಬಿಷೆಕಥಿ ಬರೈನ್ ಚ್ಹು; ಮಾರಿ ಇಗ್ಗಿಲಿ ಸಮಯಂ ಕನ್ನೆಸ್ಅಇತ್ರಿ. ⁷ ಅಚ್ಚಿ ಮಿಲಾವನುಕರಿರಕ್ಯೋ, ಮಾರಿ ಮಿಲಾವನು ಮಿಲೈನ್ ಬರೋಬರ್ಕರಿಯೋ, ಕ್ರಿಸ್ತ ನಬ್ಕಮ್ಮ ಕಾಪಾಡಿಲಿಧು; ⁸ ನಿಥಿವಲನ ಮಲ್ಸ್ಹೆಥೆ ಜಾನ್ನುದೇವಾನು ಮಲೋ ಖ್ಹಂನೆ ಮರಟೆಕೆ ಸಿಧ್ಹರಶೇ; ಇನ ನಿಥಿವಲೋ ನ್ಯಯಮ್ವಲೋ ಹುಇರೋಸ್ಥೆ ದೇವೂ ಯೋ ದನ್ಮ ಮನ ದಿಶ್ಹೆ; ಮಾನಸ್ ಕಯೇಥೆ ಮಾರಿ ಮೇ ದೆಖ್ಹೈಸ್ಥೆ ಲದ್ಕವವಲನ ಖ್ಹರವುನ ದಿಶ್ಹೆ ಪೌಲ ಇನಿ ವಥೆನ ಕಲಾಂ ಯೋಯೋ ಅಧ್ಮಿನ ಬೋಲಿಯುಥೆ . ⁹ ತು ಮರಕನ ಇಗ್ಗಿಸ್ ಅವನ ಪ್ರಯಸಂ ಪಾಡ್; ¹⁰ ಶೇಕಯ್ಹೋ ದೆಮನು ಆಲೋಕಂನ ಪ್ರಿತಿಕರಿನ್ ಮನ ಮಿನ್ಧಿನ್ ಥೆಸಲೋನಿಕನ ಗಯು; ಕ್ರೈಸ್ಕನು ಗಲತ್ಯನ ತೀತ ದಲ್ಮತ್ಯನ ಗಯೋ; ಲೂಕ ಮತ್ಹ್ರಮಸ್ ಮರಕನ ಛ. ¹¹ ಮಾರ್ಕನ ತಾರಿ ಜೋಡ್ಮ ಬುಲೈಲಿನ್ ಅವೂ, ಯೋ ಮನ ಸೇವೆಮ ಬರೋಬಉಷೆ. ¹² - ¹³ ತುಖಿಕನ ಎಪೆಸಮ ಮೊಕಿಲಿಯೋ. ತ್ರೋವಮ ಮೇ ಕಾರ್ಪನ ಜೋಡ್ಮ ಮೆನ್ಧೀನ್ ಅಯೋಥೆ ಉಪಾರ್ಲು ಕುಡ್ತ್ಹೂ, ಪುಸ್ತುಕಮ್ನ ಮುಕ್ಯಂ ಚಾಮಡನು ಕಗಾಥ್ನಾ ತು ಅವನಿ ವಖಾಥ್ಮ ಪಲ್ಲಿನ್ ಅವೂ. ¹⁴ ಲೆಕ್ಕಕರವಲೋ ಹುಇರೋಥೆ ಅಲೆಕ್ಸಂದ್ರ ಮನ ಗಣು ಕರಬ್ಕರಿಯೋ;ದೇವೂ ಇನ ಕಾಮ್ನ ಬರೋಬಾರ್ ಬ್ಹಾಗ್ ಇನ ದಿಷ. ¹⁵ ತ್ಹುಬಿ ಇನಿ ವಿಷಯಮ್ಮ ಹೊಶರ್ಹುಇಜ; ಯೋ ಹಮಾರಿ ವಥೆನಾ ಘಾನೆಥಿ ಗುರ್ಕಯೋ. ¹⁶ ಮೇ ಪಷ್ಟ್ಕೋ ಟೆಂಪರ್ ವತ್ತಿ ವಥ್ ಬೋಲಿಯೋ ಕೊಣ್ಬಿ ಮಾರಿ ಜೋಡ್ಮ ಥುಕೊಇನಿ; ಕ್ಹಾರುಜ್ಹಾನು ಮನ ಹತ್ಹ್ಮೆಂದಿದು; ಅ ಇವನ ಇರದ್ಹೋ ನಕೊರವಧಾ. ^{17 18} ಶೇಕತ್ಹೋ ದೇವೂ ಮಾರಿ ಜೋಡ್ಮ ಒಬ್ಹೊರಿನ್ ಮನ ಧೈರಮ್ದೀನ್ ಮರತೀ ಸುವರ್ತೆ ಅಕ್ಕುಸ್ ಭರೈನ್ ಫೈಳವುನುಕರಿನ್ ಅಳದಿ ಜ್ಹಾಥ್ವಳು ಇನ ಕ್ಹಾಮಜ್ಹ್ನುಕರಿನ್ ಕರಿಯೋ; ಅಕಯೇಥೆ ಯೋ ಮಾನ ಸಿಂಹಮ್ನು ಮೋಡಮಾತು ಬಚ್ಹಾಡಿಯೋ. ಮೇ ಕ್ಹೆವು ಖಾರಬ್ಕಮ್ ಕರ್ನುನಥೆ ದೇವೂ ಮನ ಕಾಪಾಡಿನ್ ಇನಿಜೋಡ್ಮ ಪರಲೋಕಮ್ ರಜ್ಹ್ಮ ಮಲವುಷೆ, ಕಳಕಳಮ್ಮಭೀ ಇನಸೂತ್ರಂ.ಅಮೆನ್. ¹⁹ ಪ್ರಿಸ್ಕಿಲ್ಲನಬಿ ಅಕ್ವಿಲ್ಲನಬಿ ಒನೆಸಿಪೋರನ ಗರ್ವಳನಬಿ ಕ್ಹಾಳಮ್ಕರ್. ²⁰ ಎರಸ್ಥಾನ ಕೊರಿಂಥಮ ಒಬಿರಯೋ.ತ್ರೋಪಿಮನು ಅಚೂಕೊಇನಿಥೆತು ಇನ ಮಿಲೆಥಮ ಮ್ಹೆಲಿಯೋ. ²¹ ಹವ್ವನದನ್ ಅವನ ಅಗಡಿಸ್ ಅವನ ಪ್ರಯಥಮ್ಕರ್. ಯುಬುಲನು ಪೋದೆಯನು ಲಿಲನು ಕ್ಲೌದ್ಯಳು ಬಚಿಯುತೆ ಬಯ್ಯೇಮ ಕ್ಹಾರು ತುನ ಕ್ಹಾಲಮ್ ಬೋಲಾಸ್. ²² ದೇವೂ ತರು ಅತ್ಹ್ಮನಿ ಜೋಡ್ಮ ರವಾದ.ಇನಿ ಕರುಣೆ ತುಮರಖಾರವುನಿ ಜೋಡ್ಮ ರವಾದ