¹ Iya i libayao lisidi ani igo,moisa teka a halibamiu ne ,eesa tekani ti kobikobiyo ,iti peki kamnana kati tida lobai ,Yaubada ena kaba tanuwaga nukuna ginahana maka ti itaya ² Kasubena haligigi esega mulina ani ,Yesu ,Petelo yo Iyamesi,yo Iyowane i hoya saenidi koya tupina ani, iti bom kuwa matadi ani ,iya nenena i buiya ³ .Iya ana lulu i namanamali yo i poti haunuwa ,tago mahaina koma esa tanoubu ani ti odaliya mahai. ⁴ Elia maena Mose ti taumasalaha mai iti lebedi ani ,na Yesu maedi ti libaliba ⁵ .Petelo i liba yao Yesu lisina igo ,tanuwaga mai e , ilolo kuwa kaiteka ta doso ,na hatuhatu haiona ta ginaulidi ,esega oni enam,esega Mose enana yo esega Eliya enana ⁶ [.''Geda siba amoli i libalibaini, i liba napaiya kuwa ,pakana ti matau haunuwa.] ⁷ Yada esau i yaomai na i halogulogudi,na aina esa yada boyana ani i masalaha mai ,'igo, natugu a gadosisi yainiya wa teka ,iya gu yonoyono yao lisina ⁸ ,''Maesega iti ti kaikewa takikili ,tago hai esa ti itaya ,na Yesu iyabom kuwa maedi. ⁹ Iti koya ani ti tatahai ti muwe dobi, iya mokadi i gududi toma amoli ti itadi wa tabu hai esa ti haliba ,iyao ee tau natuna peki ani i kobiyo muwe mai ¹⁰ .Dosi teka liba ne itibom kuwa kai lebedi ,na iti bom ti hakuna boisa ,i yamoli na peki yani i kobiyo muwemai ne aniona amoli. ¹¹ Iya ainadi i buiya igo ,''pakana amoli tau kulikuli dadahidi tigo Eliya maka i bagunawai ?'' ¹² ,''I halibadi igo ,moisa Eliya i baguna wai maka ginauli maudoina iha halihaliudi ,na pakana amoli na ti kuliya tigo,tau natuna maka ti hanlenaya yo maka ti tau sikololo wainiya? ¹³ Na a halibamiu ,Eliya iya tebe i yaomai ,na edi hanuhanuwa amoli lisina ani wa tebe ti ginauliya ,mahaidi ena kulikuli ani i libainiya.'' ¹⁴ Na iti ti otumuwe ena tau lau hasiba lisidi ani ,pele mohudi ti itadi na tau kulikuli dadahidi wa maedi ti hatihati koidi. ¹⁵ Maesega na ti itaya ,pele maudoina wa yaudi ti poti hai ,dosi ti tatahu tiyao ti hai lobainiya na ti nima lui yainiya ¹⁶ .Ena tau lauhasiba i koi mulinidi ,''igo ,maemiu ne amoli gu hai wiwi yainiya?'' ¹⁷ Pele ne boyadi ani esa enadi i koi muli, igo ,''tanuwaga natugu a wati yama lisim;;yaluwa esa lisina ani ne geda libaliba ¹⁸ .Iya ti kam tawatawaniya,mokana ani gosapulo ti dididiyo mokana i kapu yatihidi yo ana tubuwa i salili,em tau lau hasiba a aniketaidi bena ti kai dui yaini,na tago sowadi. ¹⁹ Yesu iya ai nana i buiya ,kapole'', omi nuwatoutou itina ,huyagu i loha haunuwa boyamiu ani a dodoso,''yo i loha haunuwa a abi itinimiu? hagesina goma ne gu wati yamai. ²⁰ Goma wa ti watiyamai Yesu lisina ,yaluwa heyayana wa Yesu i itaya,dosi i kalu dobi yaniya na i basa yahiyahitiya,goma wa i gulidobi tano ani na gosapulo mokana ani ti dididi. ²¹ Yesu ,tamana i hatikoiya ,kanihuyana teka kiwala ne i tutubu lisina ani,''tamana igo ,o iya ma kiukiuna ani ne. ²² Huya haisadi maka i kaludobi yaniya koyagikalakalatina kai potana yo hoowa kai naona kati sidowana i hamoloho,na kati sowam u ginauliya na , u nuwa eluelu wainimai na u saguimai.'' ²³ Yesu i libayao lisina igo ,kati onine soam,''ginauli maudoina gonowana ti tutubu kati hai esa ihamoisaya,'' ²⁴ Tago bayauna wawaya wa tamana i kotu hai igo ,yau a hamoisaya ,''egu nuwa ponopono ani ne u saguigu;; ²⁵ Yesu pele mohudi wa i itadi ti tahumai lisina ,dosi yaluwa biibiina wa i sagali yaniya igo, oni yaluwa kaukauleyana ,yo dokodokona ,a lauhasom u kantuluma,na tabu u luhu muwesaekai boyana.'' ²⁶ Yaluwa biibiina wa i halabo na i basa yahiyahitiya ,na i kantulumai ,wawaya wa nenena mahaina doga esa pekipekina, dosi eesa tigo hae iya pekipekina ,'' ²⁷ Na yesu i abiyao nimana ani na i abi itiniya,dosi goma wa i kobiyohai. ²⁸ Yesu i kawasae numa naona ani ,ena tau lau hasiba ti hatiko monimoninihi lisina ani, ''pakana amoli na tago gonowamai ga kai dui yaini ²⁹ ,'' Yesu i halibadi ,igo ,teka mahai ne ge gonowana ta kai dui yainidi ,na lakukula ani kuwa.'' ^{30 31 32} Duni ne ti dago aloniya na Galilaiya ti kasi bayawa ,iya geda hanuwa hai esau edi kaba yao ne abina i siba.Iya ena tau lau hasiba i hasibadi,yo i halibadi ,igo,tau natuna maka ti haleledi dadahi nimadi ani ,na maka ti koi pekiya,ena ti koi pekiya kasubena haiona mulidi ani maka i kobiyo mue.'' ena liba ne ti hakauya,bena ti hatikoiya na iyakuwa ti matau. ^{33 34 35} Iya i otu yao kapelenaomi,numa naona ani na i hatikoidi ,omi amoli gu koi hakasiya toma dobila ani ne,'' Na tidodou,pakana ti hai wiwi bena hai maka iya bada, Ibawa dobi na taudi saudoidoi labui wa i kotulidi mai,na i halibadi ,igo kati hai esa i gado i baguna ,iya maka i mulita yo iti maudoidi maka edi tau lau hayohayo ani i yayao.'' ³⁶ Yesu wawaea kiukiu esa i abi yamai na duwaduwalidi ani i sako watiya,nimana ani i abi yao na i halibadi. igo ³⁷ Ena hai wawaea ne abiya yau esagu ani ,ne yau i abigu ,na kati hai esa i abigu ,ne tago yaubogu kuwa i abigu natau hata maligu mone i abiya. ³⁸ Iyowane i i liba yao lisina igo ,tanuwaga mai e ,doga esa gaitaya oni esam ani demoni i kaidui yainidi na ga halautomya,pakana iya geda hamuli watanida,'' ³⁹ Na Yesu igo ,tabu gu halautom,pakana hai esa kati paisowa ginaginahana esai ginauliya yau esagu ani ,iya kati geda haheyayagu ⁴⁰ Ena iya geda hatata gudugudunida ne iya ita enada ⁴¹ .Na hai esa hoowa nomnom huwena esai halelem na u nomya ,pakana oni ne Keliso enana,moisa alili a halibamiu,iya ena maisa kati geda lau sapuli. ⁴² Ena hai esa ,wawaya kikiliku ne ti hamoisagu na ti liba haheyayadi ,ilolokuwa kati weku gadona ani ti kauya na kai kalita ti kalu doba yaini. ⁴³ kati ena nimam i hagilum ,ilolokuwa u tom hai,ilolo nimam esega ,na mauli u abiya, ena nimam labui na uyao gehena,koyagi balebalelemna ani . ⁴⁴ Toyakani ne motamota tidapeki yo koyagi tida huhu peki . ⁴⁵ Ena kaem i hagilum, u tom hai, ilolo kaem esega na u mauli,na kati kaem labui maka ti kalu dobi yanim gehena ani. ⁴⁶ Toyakani ne motamota tida peki yo koyagi tida huhu peki. ⁴⁷ Ena matam i hagilum ,u kam yosi hai,i lolo kuwa matam esegana u yao Yaubada ena kaba tanuwaga nukuna ani,na matam labui oni maka ti kalum gehena ani ⁴⁸ ,Toyakani ne motamota tida peki yo koyagi ti da huhu peki. ⁴⁹ Maudoimiu maka ti hakalita miu koyagi balebalelemna ani. ⁵⁰ Kalita ne ilolo, na kati kalita ne i gouwani,sidowana maka ena kalikalita mue,''bena kalita i kota nuwamiu ani,yo gu hainuwa biga mueimiu.