¹ Ia i dalahai i yao Iduea Yolidana tehana:Pele mohudi ti hakoigogonidi dosi ilau hasiba mue.Ia ana lagalagadi wa. ² Palisea a ti eaoma ti hatikoia,tau ia laugagaeo i yao watania,genovana monena i nawase yainia'ti lauitaya? ³ Ainadi i buia, iliba yao,lisidi igo mahai Mose amoli i lauhasom wa? ⁴ Ainana tibuiea,Mose i liliba,inawase libana ti kulia,boto i inawase. ⁵ Yesu i halibadi,pakana nuamiu ne ti koikula haunua,lisina ani Mose teka laugagayo ne i kuli ya wai. ⁶ Na ena huyia hatubu ani,tau eo waini Yaubada i ginaulidi. ⁷ Pakana katoka ,tau tamana eo tinana i lualonidi,na i patu eao monena lebena. ⁸ Maka iti tauidi labui,otodi esega,bena tago labui,na oto esega kua. ⁹ Amoli Yaubada i hapatu esegaidi ,tabu tau esa i sako hasualadi? ¹⁰ Numa naona ani,ena taulau hasiba liba wa ti hatiko mueia: ¹¹ Ia i halibadi,hai esa monena i inawase yainia,na i nai mue yaa i mataeko. ¹² Waini mone mahaidi,monena i dagoaloniea na tau esa i moneiya ,ia imataeko. ¹³ Wawaea ti watidimai lebena,bena maka i abiitadi ,na ena taulauhasiba ti liba sukuidi. ¹⁴ Yesu i itadi,dosi nuana i heeaea haunua i liba yao lebe di igo,waweya kikiliku kati ti yiaomai lisigu,tabu gu gudugudunidi pakana Yaubada e na kaba tanuaga nukuna mahaidi itiwa. ¹⁵ A liba moisa omi lisimiu ani,hai esa Yaubada ena kaba tanuaga nukuna geda abi,mahaidi wawaea kiukiu,kati geda kawasae kai naona. ¹⁶ Ia i abi itinidi,nimana i sakosae potadi ani na i liba halolodi. ¹⁷ Yesu i dalahai mue i yao keda ani,dahi esa i tahuwatania,na i tulibono ia abana ani,na i aniketaia,tanuwagagu lolona ee eau egu abiabi mahaidi amoli maka mauli ge anasiga abia? ¹⁸ I yamoli na ugo alolo?Yesu i buiya,hai esa tago i lolo na Yaubada kua iabom. ¹⁹ Laugagaeo usisiba:tabu u mataeko,tabu u koipeki,tabu u liba bolabola,tabu dahi esa ena gogo u talakolikolinii,tamam eo tinam u hakatiti yainidi. ²⁰ Tanuaga e,yau hola ma kiukiugu i yaomai e toma teka,taka laugagaeo ne a yao watanidi. ²¹ Dosi Yesu i kaikewa yao lebena, i gadosisi yai nia na i halibaya igo,ginauli esega kua tago u abyai,u mue na em gogo maudoina u kune alonidi,eo tau gogo gesagesa enadi u soi,maka oni em gogo galewa ani u abidi.Boto u yaoma u hamuliwatanigu. ²² Toka liba ne i yoyono dosi ,i nuadubu,eo nuana i heeaea haunua,na iyayao pakana ia tau monamona kunena. ²³ Yesu i kaikewa uwala na ilabi yao ena tau lauhasiba lebedi, i pilipili haunu,ena tau monamona kune na ge gonowana maka i luhu yao Yaubada ena kaba tanuaga nukuna. ²⁴ Ia ena liba ena tau lauhisiba ti nokonaia,na yesu haliba mueidi,wawaya, "iti gogo tausunusunu mainidi ge gonowadi ti luhu yao yaubada ena kaba tanuaga nukuna. ²⁵ Kamel ia gonovana isosola diu matana ani ,na tau monamona kunena ia tago gonowana i luhu yaubada ena kaba tanuaga nukuna maka i kakahi. ²⁶ Iti ti noko haunua,yo ti hakuna boisa iti bom.Na hai maka i mauli? ²⁷ Yesu i kaikewadi na i halibadi,dahi lebena ani maka ge gonowana ,Yaubada kua.Yaubada ia ginauli maudoidi ne gonoana haunua. ²⁸ Petelo i liba yao lebena,ema ginauli maudoindi ga lualonidi na ga hamuliwata nim". ²⁹ Yesu ainana i buia ,enaba ahalibam moisa,kati dahi esa ena numa,or ena tau,or ena yohu,or tamana, or tinana,or nanatuna,or ena tano i lualonidi yau hesabagu yo teka wasa lolona. ³⁰ Ia ginauli maudoidi toma teka ne i abidi,numa or ena tau,or ena yohou,or tamana or tinana or nanatuna or tano yo ia ti lau hayohayo wainia,huea matada ani mauli tago ana sigasiga maka i abia. ³¹ Maudoidi hai i bagubaguna maka i mulita,na hai ia imulita maka i baguna. ³² Iti keda ani ti sae Yelusalema,Yesu i bagubaguna na ena taulauhasiba tinonoko,na saudoidoi labui wa i watikolidi na i halibadi ginauli maudoidi maka amoli itutubu ia lebena ani. ³³ Ia enaba ta sae Yelusalema:maka tau natuna ti watia kohena babadadi eo tau kulikuli dadahidi lebedi ani,iti maka ti hagiluya yo ti koipekia.Na mulimuli dodogadi ti halehaledi. ³⁴ Iti maka ti alaliuliuwaia eo ti kanikanisoiea eo maka ti pidiliea,eo maka ti koipekia.Kasubenana haiona mulidi ani maka i kobiyo mue. ³⁵ Dosi Sebedaio nanatuna Iamesi maena tau Iyoane,ti yaoma lebena tigo,tanuwaga ;ema ani keta oni lebem ani ena u yayali; ³⁶ I hatiko mue lebedi,emi gadosisi ginaulina amoli maka ahalelemiu? ³⁷ Ainana tibuiyai,kati gonowana em namanamali ani ne esa kai nima kata kataiaam i babawa na esa kai seuseulim.' ³⁸ Yesu ainadi i buia,omi gaudasiba amoli gulibainia gonowamiu teka bia ne anomya,o omi gonowamiu gu nomya or haepu lisina ani ti haepugu ne omi maka ti haepumiu ? ³⁹ Ena liba ti buia,ai gonowamai,Yesu edi bui i haleledi,teka bia nomnom a nomea ne maka gu nomea yo haehaepu lisina ani ti haepugu maka ti haepumiu. ⁴⁰ Na bena kai tupo katakataia eo seuseuligu ne eau tago a hineli na kani nuku iti ti abi nonohaia maka ti abia. ⁴¹ Huyana taudi saudoidoi ti yoyono ti hatubu Iamesi yo Iyoane ti mana balanidi. ⁴² Yesu i yoga gogonidi na i halibadi,omi guitaya mulimuli dadahidi yo tanutanuwaga maudoidoi ti tanuagaidi,eo iti edi babada dodoga ti tanuagaidi. ⁴³ Na tabu omi boyamiu ani mahai,kati hai esa boyamiu ani igado ia bada,maka ia emi hewali ani i yayao. ⁴⁴ Hai ia i bagubaguna ia maka emi heaheali ani i yayao. ⁴⁵ Pakana mahaidi,tau natuna i yaomai tago ena heaheali dahina,ia bom heaheali dahina ani i yayao,ia ena mauli i haleleya dodoga maudoina maisadi ani. ⁴⁶ Iti ti otu yao Iyeliko,Yesu yo ena taulau hasiba, yo dodoga mohudi wa iti Iyeliko ani ti dalaha,Balatimo,tau mata toutounaTimaio natuna,i bawabawa keda hadidina ani,na i aniani keta. ⁴⁷ Na ia i eoeono ne Yesu Naselata,dosi i haihai kotu,igo,Yesu Davida natuna,u nua eluelu wainigu!! ⁴⁸ Na iti ti sikoko ania,u hamatano dosi i kotu badabada kua. ⁴⁹ Dosi Yesu i kobio na i hasom ya na i kokotu ,taumata toutouna wa ti yogalia mai,ti liba yao lsina tigo, tabu u nuadubu,u kobio, ne i kotulim. ⁵⁰ Ia ana luluni i abi alonia, i kobiyo hai i yaoma Yesu lisina. ⁵¹ Yesu i buia igo,amoli u hanuwaya bena a paisowaiya?dahi mata toutouna wa igo,tanuaga e yau matagu bena u halalaya. ⁵² Yesu i liba yao ia lebena, u yao, em sunuma i halolom"Dosi gewalolona ia matana i halalala ya yo ia Yesu mulina ani i ya yao dobila ani.