Peina 11

1 ti yao Ielusalema ani ,na ti hanahanau Betepage yo Betaniya,Koliweta koyana ani ,Yesu ena tau lau hasiba labui i hatamalidi. 2 I halibadi ,guyao toka duni ne tupo seuseuli da ani ,ena gu kakewa yao , maka gouti esa gu itaya ,na hola hai esa geda hapaisowa,gu tayasi hai na gu watiyama lisigu . 3 Na kati hai esa i hatikoimiu ne ,pakana amoli na gu ginauliya mahai?'omi bena gugo, guyau i hanuwaya na boto ga hatamali mueiya mai.'' 4 Iti ti dalahai ti yayao na asini natuna ti lobaiya ti kauya dobila hadidina ani ,dosi ti tayasiya 5 na dodoga eesa toyakani ti kobikobiyo na ti libayao lebedi , amoli gu paisowaiya na taka asini natuna ne gu tayasiya?'' 6 Amoli Yesu i halibadi wa ti yao wataniya ,dosi dodoga wa ti abi alonidi na ti yayao edi dobila ani . 7 Ena tau lau hasiba labui wa asini natuna ti wati yamai Yesu lisina ,na luluni ani ti weseliya maka Yesu i kawaiya 8 . Dodoga maudoina edi koma ti weselidi dobila ani ,yo eesa natuwaya layadi ti weselidi, 9 Naeesa ti bagubaguna yo mulina ani tau yaoyao ti kotukotu tigo,''hosana''lolo haunuwana iya i yao mai guyau hesana ani. 10 lolo nonohana i yao mai tamada Davida; ena kaba tanuwaga nukuna ani,;hosana saesae haunuwana;'' 11 Yesu i yao Yelusalema , i luhusae dubu naona ani na i kaikewa uwala ginauli maudoidi i itadi ,na mahana tebe ikokohi dosi iyao Betaniya maena tau lau hasiba saudoidoi labui 12 . Malatomtom ani ,iti Betaniya ani ti muwemai ,na iya i guliam . 13 Iya kuhou esa i itaya keda lohaloha ani ,layana ti laukalawa,iyao i itaya kati anianina esa i itaya,na i yaomai i itaya ,tago amoli esa i lobai na laya ahaahana kuwa ,pakana kuhou tago ena sesegani huwa 14 .I liba yao kuhou ,kati doga esa aniani geda ani muei,'ena tau lau hasiba ti yoyono . 15 Iti ti yao Yelusalema ani ,na i solayao dubu naona ani na i hatubu gogo tau kunekune alonidi yo tau kunekune i hadagodi dubu ani ,denali tau buibuidiedi tebolo i buidi yo bunebune tau kune alonidi edi kababava 16 . Iya geda hanuwa hai esa ginauli dubu ani ti abiya na ti kune aloniya . 17 Iya i hasibadi igo, ''ti kuliya ,egu numa ne ti libainiya ne duni maudoina ena kaba lakukula,''omi gu abiya mahaina tau kankangahu edi hase.'' 18 Tau kulikuli dadahidi,yo kohena babadadi ena liba ti yono amoli i libainiya wa ,na ana dobila ti yokoiya bena ti koi pekiya,iti iya ti matau wainiya pakana pele maudoina wa ena lau hasiba ti noko wainiya 19 . Nanuku i wayawayabiga dosi duni badabada wa ti dago aloniya .. 20 Malamogomogo aniti yao ti tahu bayawa,na kuhou wa ti itaya lamna italaka yo kuluhuna i hohoya. 21 Petelo nu wana isasae na igo ,''tanuwaga,uitaya ;kuhou u liba haheyayaya wa i hohoya.'' 22 Yesu i halibadi igo ,Yaubada gu sunumainiya. 23 Moisa,a halibamiu kati hai esa i liba yao koya ne , u kobiyohai na u kalu dobiyainim kai kalita,'ena nuwana geda labulabui na i hamoisaya amoli i libainiya ne maka i tutubu, toka ne Yaubada i hatubuya. 24 Lebenaani a halibamiu,ginauli maudoina gu lakukulaiya yo gu aniketaiya ,bena u hamoisa ,maka u lobaiya,na maka oni enam. 25 Na u kobiyo na u lakukula,oni bena hai esa i haheyayam ,ena heyaya bena u nuwa aloniya ,maka tamam galewa ani em heyaya i nuwa aloniya 26 .Ena edi heyaya gauda nuwatu alonidi ,tamamiu galewa ani maka emi heyaya kati geda nuwa alonidi. 27 Iti ti muesa Yelusalema,na Yesu i yao dubu naona ani ,kohena babadadi,yo tau kulikuli dadahidi yo dodoga babada ti yaomai lisina 28 .Tilibayao lisina tigo, katau gigiboli ne lisiinaani teka ginauli ne u paisowaidi,''na gigiboli ne hai i halelem na u paisowaidi.'' 29 Yesu i halibadi igo ,maka hatiko esega a hatiko iya lebemiu ani ,gesina gu halibagu na maka ahalibamiu katau gigiboli lisina ani a paisowaidi 30 .Iyowane ena haehaepu , ne galewa ani i yaomai e tatau lebedi ani ,''gesina gu halibagu.'' 31 Iti bom ti hakuna boisa yo ti haiwiwi na tigo ,''kati tago galewa ani ;ne maka igo pakana amoli na tago gu hamoisagu,'' 32 Na kati tago tatau lebedi ani ;...'dodoga ti matau wainidi pakana ti sisiba ne Iyowane na iya peloveta 33 .Dosi Yesu ti halibaya tigo ,tago abina ga siba ,''Yesu i halibadi igo ,yau mone a halibamiu katau gigiboli lisina teka ginauli ne a paisowaidi.''