¹ Toka kasubenadi ani ne, mone pele i bada haunuwa , na tago amoli esa ti aniya ,Yesu ena tau lauhasiba i kotulidi na i halibadi , ² Teka pele ne nuagu i elueluwainidi, pakana iti yau maegu e kasubena haiona na tago amoli esa ti aniya . ³ Na kati a hatamalidi ti yao edi duni , na amoli esa tago ti aniya, itoma e kai keda matadi ti kodekode ,yo eesa ne keda lohaloha ani ti yaomai ⁴ .''Ena tau lauhasiba ti halibaya ,tigo ,''faiawa , maka kai amoli ta abiya pakana teka ne malagaibu ani kuwa,maka dodoga ne ta sunidi?'' ⁵ I hatikoidi, falawa hisa lebemiu ani ,'' dosi tigo haligigi labui. ⁶ Pele maudoina i halibadi na ti bawa dobi tano ani ,falawa haligigi labui wa i abi haidi ,na i lautoi sae,yo ikihidi ,na ena taulau hasiba i haleledi abadi ani ti hamohu,yo pele maudoidi abadi ani ti hamohu. ⁷ Yo moiya kikiliku hisa ,mone i abidi na i lautoi sae,ena tau lauhasiba i halibadi na ti soi esegaidi. ⁸ Ti aniani e bogadi ti sese haunuwa, yo kotahaidi,pusaladi ti hamohu boeya haligigi labui. ⁹ Masulidi tausan hati i hatamalidi ti yayao. ¹⁰ Na i yao i kawa sae mosauli esa naona ano ,maena tau lau hasiba,na ti yao Dalemanuta tehana ani . ¹¹ Paliseya dadahidi ti yao mai na ti hai saesaeniya ,yo ti hatikoiya kati hakihakinoho esa galewa ani,bena ti lauitaya . ¹² I nuadobu,nuana ani igo ,pakana amoli na teka iti ne hakihakinoho ti yokoiya,?'a halibamiu ,moisa alili teka iti ne kati hakihakinoho esa gau da abi ¹³ .Dosi i dago alonidi, na i kawasae mue mosauli ani na i kawasi yao teha esau ani . ¹⁴ Iya ena tau lau hasiba nuwadi i ponopono tago falawa esa ti abiya ,adi falawa i gegehe na tupi esega kuwa mosauli ani ¹⁵ .Yesu i liba hasa napudi igo,nanabumiu bena gu nanabu,palesiya dadahidi edi falawa hasihasiu yo Heloda ena falawa hasihasiu gu ita komakomainidi.'' ¹⁶ Tau lau hasiba ti nuwatu dada asa, dosi tigo yo nuwana falawa i gegehe ¹⁷ .''Yesu tebe i nuwatuiya dosi i liba yao lebedi igo ,pakana amoli na gu nuwatu dada asa bena falawa igegehe?'omi hola gauda nonoha,''yo gauda nuwatun lobai ,''yo omi nuamiu tebe ti ponopono dakoi ? ¹⁸ Omi matamiu ,na kati gauda ita ?yo omi ma tainamiu ,na kati gauda yono?'yo kati gauda nuwatu lobai ? ¹⁹ 'Falawa ,haligigi a kihidi tausani haligigi boyadi ani,falawa kihikihidi boeya hisa ti momonahu gu abidi?''ti halibaya ti go , saudoidoi labui.'' ²⁰ Na falawa haligigi labui a kihidi tausani hati ti sunidi ,boeya hisa ti monahu gu abidi?'' ti liba yao lisina tgo haligigi labui.'' ²¹ I liba yao lebedi igo , na toka hola gauda siba?'' ²² Iya Betesaida ani ti otu yao ,dodoga toyakani ne dahi esa mata toutouna ti watiyamai ,na Yesu ti aniketaiya kati kuwa i abiita . ²³ Yesu i abi yao dahi mata toutouna nimana ani,na i wati kolia iyao duni mulimuli ani,na matana i kanikanisoiya yo nimana i sako saniya potana ani,na i hatikoiya,amoli esa u itaya.?'' ²⁴ I kaikewa sae na igo ,dodoga a itadi mahaina koyagi ti yaoyao uwala ,'' ²⁵ Dosi nimana i sako mue saeniya matana ani ,na dahi wa matana i halalaya ,matana wa kabota i nenega na ginauli maudoina kaboto i ita komakoma inidi. ²⁶ Yesu i hatamaliya i yao ena duni na igo,tabu u yao duni bada ani. ²⁷ Yesu maena tau lau hasiba ti yao Kaisaliya Pilipi dunina ani ,iti keda ani ma yaoyaodi ena tau lau hasiba i hatikoidi, dodoga ti hatiko ne yau ne hai? ²⁸ Ti halibaya tigo ,oni Iyowane haehaepu,eesa tigo ,Eliya,'eesa tigo, oni peloveta esau.'' ²⁹ I hatiko mueidi,''na omi gugoyo yau ne hai? 'Petelo i liba yao lisina igo ,oni ne Keliso,'' ³⁰ Dosi Yesu i hasanapudi,tabu hai esa ti haliba iya ne hai. ³¹ Iya i hatubu i hasibadi ne tau natuna bena ginauli maudoina lebedi ani ne maka i kamna heyaya,yo maka babada yo kohena babadadi yo tau kulikulidodogadi,maka ti koi pekiya,na kasubena haiona mulidi ani maka i kobiyo muee. ³² Teka liba ne i hamasalaha komakoma iniya,Dosi Petelo i watikoliya na isagali yainiya . ³³ Yesu i kepa bui na ena tau lau hasiba i kinoidi dosi Petele i sagali yainiya igo,''satani u yao muligu ani;Yaubada ena ginauli tago u nuwatuidi,na dodoga kuwa edi ginauli ³⁴ ,'Pele maudoidi yo ena tau lau hasiba i kotulidi ti yaomai ti haesegaidi ,na i halibadi ,kati hai esa igado i hamuliwatanigu ,iya bena i nuatun aloniya,ena lauhabala i abiitiniya na i hamuli watanigu. ³⁵ Na kati hai esa ena mauli i gadosisi yai niya, maka i sapoli,na kati hai esa ena mauli i sapoliya hesabagu ani yo wasa lolona debana ani ,maka i mauli. ³⁶ Amoli lolona maka tau i abiya,kati gogo lolodi tanoubune i abi hagehedi,iya maulina maka i lau sapuliya? ³⁷ .''Na tau ena amoli maka i haleleya iya maulina maisana? ³⁸ Na kati hai esa egu liba i tau mayamayaniya,omi teka yaoyao bii yo heyaya itina ne,maka tau natuna mone i tau mayamayainiya ena kati i muemai tamana ena namanamali lisina ani maena anelu hetahetabudi.