¹ Palisea dadahidi yo tau kulikuli dadahidi,Yelusalema ani ti yaomai,iti maedi ti koigogo. ² Ena taulauhasiba ti itadi aniani ti anidi ma nima boyaboyadi,tida nima kaisu ,dosi tigo tilaupono. ³ .Pakana Palisea yo Iudea dodogadi,kati tida aniani,ena nimadi ti kaisudi edi yaoyao ani.Edi babada edi abiabi ti yao watanidi. ⁴ Ena ti yoama edi kaba kunekune ani kati tida aniani ena tida ani duidui.Edi abiabi maudoidi mone ti nanabu wainidi,bia yo gulewa yo ketele,bena ti kaisudi. ⁵ Palisea yo tau kulikuli dadahidi ,Yesu ti hatikoia ,;em tau lauhasiba kulutubu yaoyaodi,i yamoli na tida nanabu wainidi,iti adi aniani ti anidi nimadi tida kaisudi.? ⁶ Ainadi i buia,Isaia i liba dudulai,omi dodoga bolabola miu,kulikuli ti kulia tago,teka dodoga ne ti hakatiti yai nigu sopadi ani,na nuapoudi ne gegedi ti lohoa haunua lisiguani. ⁷ Iti edi tabaohu ge ana ao,tatao edi laugagaeo kua ti lau hasibainidi. ⁸ Omi Yaubada ena laugagayo gu lualonidi na tatau edi laugagayo kua gu abididinidi. ⁹ Ia iliba yao lisidiani ,omi i lolo Yaubada ena laugagayo gu sako koliyainidii na ami kulutubu edi laugagayo gu sogohidi. ¹⁰ Mose i libainia ,tamam yo tinam edi liba u hakatiti yai nidi,na hai esa tamam or tinam u liba hahe yayadi maka ti hapekim. ¹¹ Na ugo kati dahi esa i liba yao tamana or tinana lisidi,igo ,haisagusagu amoli esa lisigu ani u abiya ne ,kobani,''[toka ne ,Yaubada a haleleya . ¹² Boto omi gugo tabu amoli esa i ginauli tamana e tinana enadi . ¹³ Omi kulutubumiu edi yaoyao kua gu abi watanidi,yo Yaubada ena laugagayo gu ala kolikoli yai nia. yo abiabi mohudi gu nanabu wainidi. ¹⁴ Yesu pele wa i kotuli mueidi ia lisina ani dosi i halubadi,''omi maudoimiu egu liba gu yoyono, yo gunuatuia. ¹⁵ Ginauli mulimuli ani tau i ania bogana naona ani kati geda habibi,na boya na ani ti yao mai ne maka tau ti habiiya. ¹⁶ Hai esa liba ne i yoyono,maka iyeono didinia.'' ¹⁷ Dogadoga maudoina wa idago alonidi na i kawasae luma naona ani,ena taulau hasiba liba haabobo wa ti hatikoia lisina ani. ¹⁸ Ia i liba yao lebedi igo,omi ne gu supusupu haunua?Tago gu nuatui,amoli tau i ania idobi boga naona ani ne ia tida habii? ¹⁹ Tago ti yao ia nuapouna ani na ti yao bogana naona ani ti kantulu mulimuli ani,(amoli i libania ne ani ani maudoidi ne ti aaa.) ²⁰ Na amoli doga boeana ani i saemai ne i bii hanunua. ²¹ Dodoga nuadi ani sanapu heyayadi ti kini saemai,ganaganawali tau kangahu,anigoli,matamta eko. ²² Yo anipokum,antalamalimaliu,tau bolabola,tau kenobili gadolelehi, tau yaoyao bolabola ,nua saesae, yaoyao yauyauledi. ²³ Toka ginaulidi ne tau nuwana ani ti sae mai ne tau kaba haniginigina. ²⁴ Yesu duni ne i dago alonia na i yao Tulia yo Sidona sigagigadi ani,i kawasae numa naona,na geda hanua dahi esa i siba na ia ge gonovana ti haeamui. ²⁵ Waini esa,natuna hasala kiukiu,ia yalua heyayana i nuhulia,i yao mai dosi i guli dobi kaena pakana ani. ²⁶ Ia ne Heleni wainina,Ponesia Sulia ani ti labatia,Yesu i ani ketaia natuna boeana ani ealau heyayana na i kai dui yainia. ²⁷ Yesu waini wa i halibaya, wawaya bogadi ti sese baguna ,ge gonovana wawaya adi aniani,na ta kalu watidi edi kukui lisidi. ²⁸ Waini wa Yesu ainana i buia ,moisa Guea, ' 'na wawaea adi aniani pusaladi ti bebeku hatahata kubuna ani ne gonoana kukui ti anidi.' ²⁹ Yesu waini ainana i buia,u yao yalua heeaeadi wa natum tebe ti dagoalonia ³⁰ . I yao ena numa na natuna wa i taya ena kaba keno wani i yaoyao kota na yalua heyayadi wa ti latom. ³¹ Ia Tulia eo Sidona adi sigasiga wa i dagoalonia na i yao Dekapoli duadualina ani,i yao i dobi Galelaia kalitana ani. ³² Iti tau esa taina dokodokono ti wati yamai yo geda libaliba ti ani ketaia bena nimana kua i sako sae nia kaipotana. ³³ Maudoidoi boyadi ani,Yesu doga wa i abi hasuala ya,ia nimana i sako wati tainana gududi i abi itadi,yo i kaniso na nimana i yao memenana i abi ita ya. ³⁴ Ia i kai kewa sae galewa,na yawasina i abi a na i liba yao lisina,'Epata;(ani ona ne u tamosoke.) ³⁵ Toka liba ne ilibainia hana dahi wa tainana ti tamosoke eo memenana i taponono na i liba masalaha. ³⁶ Yesu i laugagayoidi tabu ti talalibaini iti tida yono,ti yao ti tala libai nia kua ³⁷ .Iti ti noko haunua tigo ginauli ne ti lolo haunua,dadahi dokodokodi liba ti yoyono,yo memena seloselodi ti liliba.