¹ Yesu i dalahai i yao ena duni,ena tau lau hasiba ti hamuliwataniya . ² Na toka ne sabati kasubenana ,i kawasai dubu ani i lau hasiba , dodoga maudoidi tiyoyono yo titagugu wainiya ,tigo, amoli ani teka lau hasiba ne i abidi?'''na toka sibasiba ne amoamolina ti haleleya ,?'yo yaoyao gigiboli amoamolina nimana i ginaulidi,'? ³ Teka ne kamda natunae igege ,e Maliya natuna yo ena tatau,Iyamesi yo Iyose yo Iuda yo simiona ?' na ena yohuyohuteka maeda e igee?'na iti wa Yesu i hakamna heyayadi . ⁴ Yesu i libayao lebedi igo, ''peloveta ti hakatiti yainiya ,na ena duni ani ne igee yo ena pele yo ena numa naona.'' ⁵ Toyakani ne tago yaoyao gigiboli esa i hatubu ,na nimana kuwa i sako sae niya tau sakasakama hisa potadi ani i halolodi . ⁶ Iti edi tausikololo i noko wainidi ,na i yao duni ne i hatakikiliya i lau hasiba . ⁷ I kotuyao ena tau lau hasiba saudoidoi labui lebedi ,na labui labui i hatamalid tiyayaoi,yo ginaha i haleledi yaluwa heyayadi ti kaidui ainidi . ⁸ Yo i halibadi tabu amoli esa ti abiya edi kadau ani ne ,na tui kuwa , tabu aniani,tabu tobo, yo tabu silini esa tobona ani. ⁹ Kae kum kuwa na tabukadau komadi labui gu likonidi. ¹⁰ Na i liba yao lisidi igo, ''kati u kawasai kai numa naona kaitoka u doso iyaoe amsiga,boto u dago aloniya. ¹¹ Na kati duni esa tida yoga iti nimiu, yo tida yono wata nimiu gu dago aloni,kaemiu mukamukana u koi luni aloni maka edi hakihakinoho. ¹² I ti dalahai ti yayao na ti wasa duwai bena dodoga ti nuhilesi edi heyaya lebedi ani . ¹³ Yo yaluwa biibiidi punidi ti kaidui yainidi,yo tau sakasakama punidi ti hamaidi yo ti halolodi. ¹⁴ Heloda wasawasa wasadi i yoyono, bena Yesu hesana ne ti hatadadaya.eesa tigo ,;Iyowani tau haehaepu nuwana i kobiyo mue, logena ka teka yaoyao boubouyatana ti tutubu lebena ani ¹⁵ .''Na eesa tigo Eliya ,''na eesa tigo iya ne peloveta,o iya ne mahaina peloveta esa huya ani . ¹⁶ Na huyana Heloda wasa ne i yoyono dosi i go,Iyoane wa,'' iya ka gadona a tomoya,'napekiyani i i kobiyo mue.'' ¹⁷ Heloda iya Iyowane i kauya , na numa kamumu ani i sakoya ,pakana ne Helodiyana,[ ena tau Pilipo monena ] ne i mone iya . ¹⁸ Iyowane heloda i halibaya , ''laugagayo ge gonowana em tau monena u hilihaiya. ¹⁹ Na Helodiana i manabala niya yo i gado kati i koipeki,na iya kuwa ge sowana, ²⁰ Pakana Heloda Iyowane i matau wainiya , abina isisiba ne iya dahi dudulaina yo dahi boubouyatana,dosi i itawataniya , yo mananai balaniya , iyakuwa i gado i yonoyono yao lisina,na nuwana kuwa i haloloya . ²¹ Na nuwatu i nuwa nuwatuiya wa kasu benana i ootu,maka Heloda ena huya labati kasu benana ,na maka wayabiga anianina i ginauliya ena dodoga babada,yo ena iyala kulukuludi, yo tanutanuwaga Galilaiya ani . ²² Helodiana natuna hasala maka i yaomai enadi i sasaga ,na Heloda yo ana taumana wa nuwadi i halolodi,dosi wasawasa i liba yao hasala wa lisina kati amoli esa u hanuwaya lisigu wani ne maka a halelem.'' ²³ I liba anigola yao hasala wa lisina igo '',kati amoli esa u ani ketaiya maka a halelem,o egu egu kaba tanuaga nukuna ani ne . ²⁴ I kantulu i yayao na tinana i halibaya ,''kati amoli maka a ani ketaiya?' dosi i halibaya igo ,Iyowane haehaepu kuluna. ²⁵ I ya i sowali yao i kawasai mewe wasawasa wa i halibaya ,igo, agado teka huyadi ne Iyowane haehaepu kuluna ka naukai gu halelegu ,'' ²⁶ Wasawasa wa nuwana i heyaya haunuwa ,na pakana anigola,'' yo ana taumana ,dosi tago gonowana hasala wa ena aniketa i tau kotakota ini ²⁷ .Dosi wasawasa wa ena iyala kulukuluna i hasomya ne I yowane kuluna bena i watiyamai, iyala kulukuluna wa i yayao numa kaukau ani na Iyowane gadona i tomo motuya ²⁸ .Na kuluna wa naukai ani i dalaiya mai,hasala wa i haleleya, na hasala wa tinana i haleleya. ²⁹ Na tau hamuliwatanina wasana ti yoyono ,dosi ti yaomai silanina ti abiya na bousa ani ti sakoya. ³⁰ Ena tau lau hasiba ,mone ti hakoi gogo ese gaidi Yesu lisina ani , na amoli mau doina ti hatubudi yo ti lau hasiba wa ti halibaea. ³¹ Na i halibadi igo, gu yaoma ta yao kai mala pitapitali na gu ani yoholao begana,'' na peledi hasani i yaomai yo i yayao,dosi tago edi mahana esa maka ti aniani. ³² Dosi mosauli ani ti kakava na tiyao mala pitapitali esa toyakani iti bom. ³³ Na ti itadi ti dalahai maudoidi ti mai lobaidi,na maudoidi ti tahu gogo kaedi ani ,duni maudoina ,na iti ti otu baguna boto maliani ti otumai ³⁴ Na ti suna sae konemusa ani,ne pele punidi i itadi ,dosi i nuwa heyayainidi, pakana iti mahaina mamoege tau ita watanidi ,na i hatubu ginauli maudoina i hasibadi. ^{35 36} Na mahana wa i kokohi, ena tau lau hasiba tiyaoma iya lebena na ti halibaya, tekane malapitapitali na mahana tebe i gegehe. Na u hatamalidi ti yao duni eesa hadidi ani katoka ne amoli adi ti kunedi na itibom ti aniani .'' ³⁷ Na ainadi i buiya igo,aniani adi gu halele na ti aniani,'' ti liba yao lebena ,kati gonowana ga yao falawa ga kunekune ,denali tatau saudoidoi ti pepeki boto ga haleledi ti anidi ? ³⁸ .''I halibadi ,''falawa hisa lebemiu ani ? ,''gu yao gu itaya,'' na ti lobaidi dosi tigo falawa haligigi na moiya labui. ³⁹ Dodoga maudoidi i halibadi polu esaesa ani ti babava awaawa kalakalawana potana ani . ⁴⁰ Ti babawa polu esaesa ani , poludi tatau haligigi labui yo saudoidoi ti pepeki. ⁴¹ Na falawa haligigi yo moiya labui, na i kaikewa sae galewa,yo i haloloya na i kihiya boto ena tau lau hasiba i haleledi , dosi ti hamohu pele matadi ani ,yo moiya labui mone i soiyainidi maudoidi lebedi ani . ⁴² Maudoidi ti aniani e, bogadi ti sesese. ⁴³ Adi ani sako falawa pusaladi , boeya saudoidoi labui ti hamonahudi, yo moiya ansakodi. ⁴⁴ na dodoga masulidi ne tausani haligigi falawa tau anina. ⁴⁵ Na tago bayauna yesu ena tau lau hasiba i halibadi na ti kawa sae genumu ani ,na ti kawasi baguna teha esa , betesaida ani ,na iya wa pele mohudi i hatamalidi ti yayao. ⁴⁶ Ti hai yaoidi, dosi i dalasae koya tupina ani na i lakukula. ⁴⁷ Nuku i waeawaeabiga , na mosauli wa kalita duwaduwali ani ,na iyabom malapota ani . ⁴⁸ Na i itadi iti kamna heyaya wose ani ,pakana hoyahoyau matadi ani i towamai,kikipa bolinuwana ani i yao lebedi ani , kalita potana ani i yaoyao,na bena i tahu bayawaidi. ⁴⁹ Na ti itaya kalita potana ani i yaoyao,tigo yo yaluyaluwa dosi ti kotu hai ⁵⁰ .Pakana ti itaya dosi ti osabu wainiya,maesega i liba yao lebedi igo, Bena gu nuwa adidili, logena ka; na tabu gu osabu .'; ⁵¹ I kawa sae mosauli ani maedi,na hoyahoyau ena towa i liba haheyaya ya,na iya ti noko wainiya , ⁵² Na tago ti nuwatu lobai falawa ti kotahai aniona ,na nuwadi ne ti bebeda ge gonowadi ti nuwatui lobai. ⁵³ Iti ti otu yao halisana kawasi ani,Genasaleta dunina ani ,mosauli wa ti ankaiya. ⁵⁴ Maesega mosauli ani wa ti kantulu mai dosi ti mai lobaiya . ⁵⁵ Na ti tatahu ti yayao teha maudoina tau sakasakama kaba bahebahe ani ti watidimai ,ena kaba otu ti libainiya ne iya i yaoyaomai. ⁵⁶ Ena kaba otu katau gougou o duni badabada o duni maudoina ,tau sakasakama ti sakodi boyaoda ani ,na ti aniketaiya kati kuwa ana koma nonona kuwa ti abi ita , dosi i masuli haunuwa ti abi itaea na ti mauli .