1 Ti kawasi yao bom teha esau ani, Gelesene tehana. 2 Yesu i soali hai genumu i kantulu alonia .;dosi dahi esa yalua biibiina bousa naona ani i kantulu mai iyaomai lisina. 3 Teka dahi ne bousa naona ani i dosodoso, na tago hai esa gonoana i kaukaui, o seni ani ti kauya. 4 Huya masumasuli kai seni nimana yo kaena ti kaukauidi, naiyakuwa seni i kam motumotudi yo tini kaena ani i pulitidi , tago hai esa ena huluga gonoana maka i abi yao o i hamanasa. 5 Kikipa yo kasubena masumasuli kai bousa naodi yo kai koya tupidi i yaoyao kotu uwala yo otona komata ahaaha, weku matamatadi ani i tomodi. 6 Yesu i itaya gege lohaloha ani ,i anitahutahu iyao i yao i kota dobi tulina ani iya abana ani. 7 i kotu hai ma aina badabadana igo,maka amoli a ginauliya lisim ani ,Yesu ,Yaubada saesae haunuwana natuna ?a ani ketaim Yaubada iya bom kuwa,tabu u hakamna heyayagu..'' 8 Na i liba yao lisina,''u kantuluma, dahi ne boyana ani ,oni yaluwa biibiina.'' 9 Na i hatikoiya, oni hesam amoli ?'na ainana i buiya ,yau esagu legeona, ai ga masuli,'' 10 Yesu i aniketa muemueiya bena tabu i hatamalida ti yao na duni ne ti dago aloo ni . 11 Toka koya hadidina ani ne salai hawewdi ne ti laulau bani. 12 Dosi ti aniketaiya.tigo, u hatamalimai ga yao salai ne kai boeadi,'' na ga sola yao kai naodi.'' 13 Dosi iyaliainidi,na yalua biibiidiwa ti kantulu mai na ti solayao salai boyadi ani ,maesega ti sabaloku hai na mala padipadi ani ti yao hatata haidi tidobi kalita ani ti nanapu, masulidi kubita labui o two thousand, kalita ani ti nanapu. 14 Na salai tau sunisunidi wa ti yao dun bada ani na wasa ti sako aloniya yo gougou ani,amoli itutubune ,dodoga maudoina ti yao ti itaya, 15 Ti yaoma Yesu lebena ani na dahi yalua biibiina iluhiya wa ti itaya, iya legeona /i bawabawa ,yo ilaunogi na nuana i dudulai na iyakua ti matau wainiya . 16 Iti ti itaya amoli itutubu dahi yalua biibii i luhiya wa lebena ani,dodoga ti halibadi yo salai mone mahai. 17 Dosi dodoga wa Yesu ti halibaya na edi teha i dago alonia. 18 Na iyao i kawasae mosauli esa naona ani ,dosi dahi yalua biibiiboyana ani wa i yaoma i aniketaiya kati maena ti yao, 19 Na tago i yaliaini ,na i halibaya ,igo uyao em numa yo em dodoga lebedi,na u halibadi amoli Guyau i ginauliya lebem ani, yo ena nuwatowatowa amoamolina i halelem. 20 Dosi i dalahai iyayao na i hatubu i talalibainiya ginauli amoli yesu ihatubudi lebena ani dekapoli ani, na maudoidi ti nonoko. 21 Yasu ikawsi mue yao tehaesa ani mosauli ani ikakawa, pele mohudi mone ti yaomai ti hakoi gogonidi iya lebena ani ,na iyawa kalita hadidina ani 22 Dubu tananuagadi esa hesana Iyailo, iyaomai, na itaya igulidobi, kaepakana ani . 23 I aniketa halahalau boday igo, natugu ne tebe bousa hadidina ani,na a aniketaim, uyaoma na nimam u sako saeni kai potana na maka i lau woisa,''na i mauli. 24 ''Dosi idalahai i yayao na pele mohudi wa ti hamuli wataniyaiya na iya hadidina ani kuwa ti hatakikiliya. 25 Na waini esa ne bolimani saudoidoi labui kosina i bavabava aloniya. 26 I kamna heyaya doketa esaesa lebedi ani yo ena gogo maudoidi ti hageheya,na iyakua tago lolo udoi i lobai,ihabadaya kuwa . 27 Na Yesu wasana i yoyono ,dosi bigana ani i yaomai na pele mohudi boeadi ani i yaoyao,dosi ana koma i abi itaya . 28 Na ililiba ,kati kuwa ena koma a abiita maka a lauwoisa. 29 Masega i abiitaya dosi kosina i bawabawa aloniya wa i laudani, na kamnana i yoyono otona ani ne iya ana sakama wa i lauwoisa. 30 Maesega Yesu kamnana i yoyono ne genaha i kantulu aloniya,dosi i kepabui pele boyadi ani na i hatiko , hai agu koma ne i abiitadi?'' 31 Ena tau lau hasiba ti halibaya,''na pele ne uitaya ti kamhapihapitodi na ti hatakikilim ne ,na oniyo ugo hai i abiitagu?''' 32 Na Yesu i mainene uwala kati hai i ginauliya ne i itaya. 33 Na waini, ne isisiba amoli i tutubu lebena ani ,i matau yo i tabutabubu, i yaomai na i guli salaoba iya nuanuana ani na i liba masalaha lisina ani 34 I libayao igo ,natugu,'' em sunuma ani u lauwoisa,loni u abiya na u yao yo am sakama ani ne u lauwoisa,'' 35 Iya ma libalibana na dodoga eesa dubu tanuwaganai lebena ani ti yaomai, tigo natum hasala wa i pepeki ,''pakana amoli na tanuaga ne ana paisowa u habadaya .'' 36 Na Yasu i yoyono amoli ti libainiya, dosi i libayao dubu tanuwagana,''tabu u matau ,na u hamoisa kuwa. 37 Tago doga esa i haliba maka i hasagu aini,na Petelo ,Iyamesi yo Iyowane,Iyamesi ena tau wa. 38 Tiyao dubu edi tanuaga wa ena numa ani na waiyo wa ti itaya ,tani gulimowana i sasae yo nuwa heyaya. 39 Na i sola yao numa naona, yo i liba yao lebedi, ''pakana amoli nuwamiu ti heyaya haunuwa yo gutatani ne?'wawaya ne geda peki na i kekeno kuwa 40 .''Dosi ti nuwalaha niya na maudoidi i sakodi mulimuli ani,na wawaya tamana yo tinana yo kaninuku iti maena wa ,ti yao wawaya ena kaba kota wa lisina ani. 41 I abiyao wawaya wa nimana ani na i liba yao lebena,Talita kumi,''aniona ka, hasala kiukiu e,a liba yao lisim ,u kobiyo hai. 42 Maesega wawaya wa i kobiyo hai na i yaoyao [.ena bolimani ne saudodoi labui.]dosi yaudi ti potihai na ti nonoko. 43 Na i halau gagayodi tabu hai esa i siba.yo i halibadi aniani esa ti halele na i aniya.