¹ Bǝrarǝ nyang me kagi yartang we a bǝ ka mura Kristi Yesʊwʊm. ² Bǝrakǝ soriya juwi a We yuumi a mura Kristi Yesʊwi ka yiyai ya juwi a jɨni bwiraiyu tən bwiyate. ³ Jiwu soriya dǝmǝn ba nǝngngai bǝri rə yarmǝntang ka bwiyəng, Niyajiyu ka nǝngnga. Ka tǝm me yillangu a nyəra sʊnni bwi rə jɨni bwiraiyu na yullo nəbbəntang bǝri jɨni bwirai, ka tʊrsəmən jɨni bwirai a mura bwi. ⁴ A nǝngnga nyang go na ri ji sori fari a mura nǝnni, nǝn bǝnǝ me nən yora mura yobiya bwiyuwum, mǝnni a mura yobiya Wei. ⁵ Ba chiya mura yobiya bwiyum bǝ kautǝn su a yobiya bwiyu, mǝnni ba chi a mura yobi a Weiyəm bǝ kautǝn su a jɨni ya Wei. ⁶ Titang a da bwi bwiyate, mǝni titang a da We yuum tǝn chimbǝ lǝmmangngǝm. ⁷ Nǝn nyang bǝrkǝ titang a da bwi bǝ nǝngnga kak rǝ Niyajiyu, bǝrkǝ me bǝ ne gratǝ soriya Niyajiyuwi, mənni me ba dəmən bo. ⁸ Bǝ ka mura bwiyǝm Niyajiyu me bǝ nwi lǝmmang ka jiyǝng. ⁹ A nyangngi, tǝ me mura bwi mǝnni tǝ wa mura Wei, kən yǝmbǝ nyam We Niyajiyuwi ka chi ya jɨni ki. Mǝnni wu merə We Kristiyu, a chi bǝ wa Kristiyu. ¹⁰ Ki Kristi ka mura mwi ki, bwi ka bwiya a gwa jɨni bwiraiyu,mǝni we ka rǝ yuum agwa nəngngatang a ji nyai. ¹¹ Kǝ We gug Kristi a bwiyati ka mura jɨni ki, gǝ hai wa gug Kristi a bwiyati ba ne yuum bwitan jɨnu ya bǝtǝro a mura Wengu wu ka mura jɨniyu. ¹² Nyang bo chǝtte, nǝn ka nǝnǝ nǝggǝnni, mǝni me a gwa bwiyu, kə bənən yoyom barə yobi a bwiyuwʊm. ¹³ Bǝraki tǝ chi chim a jiya yobiya bwiyu ki, bǝtǝ bǝtəro, mǝnni a gwa Wei ki, ki tǝ dǝg swiyerda bwiyən bwiya ki, bǝtǝ nǝngnga yuum. ¹⁴ Bǝraki rə mwami bǝ We Niyajiyuwi fungrə gəm, ji gən yəllǝm ba Niyajiyuwum. ¹⁵ Bǝraki tǝ yubǝ we keweti wu dǝg tati. A jiya nyangngi, tǝ yu we yurangngi, wu a gwan giyu nǝn gug jir nǝn bǝrǝ buwʊng, ''Abba, Tai!'' ¹⁶ We hi rǝ bwigo ka butǝn bʊkka wǝni we go nǝn bǝtǝm ba Niyajiyuwum. ¹⁷ Ki nǝn bǝtǝm ba Niyajiyuwum ki, nyang nǝn bǝ jarə kulla Niyajiyuwum. Bo bǝnǝn jau kulla na Kristi, kǝ bənǝn no kʊnʊng kin ki nyang bo bǝn nǝbǝn gratǝ kin. ¹⁸ Bǝraki kǝn jǝgga mo kʊnʊng ka wai fʊllawung a sitǝn bǝn bǝngo tǝn gratǝttǝ bǝn nungbǝni. ¹⁹ Bǝrarǝ katti ya fautangngi, yamrə nungtang ka yəlləm ba Niyajiyuwum. ²⁰ Bǝraki kən ti jɨni nǝngngai a yullo yǝrǝ kunni, me rǝ fautang ka gǝng, mǝnni a gwa wa mai rǝ kunni. Wa mura yǝm bʊrǝm bǝn tǝggom ²¹ go jɨ nǝngngai rǝ bwigo bən jǝgmǝnna keweta fɨtangngi, ki bǝn be rǝga nyatang a chiyɨm ba durǝm ba gratǝtta bǝtǝm ba Niyajiyuwum. ²² Bǝraki kǝnǝn yǝm no jɨni nǝngngai warigu bǝ təne rǝ kwewiya buwʊngngi berǝ tǝn kʊ. ²³ Me nyang gǝn kwan, mǝnni nǝn rǝ bʊtǝnǝni, nǝn bǝnǝn buwʊng kǝrǝ jigʊwʊng ka Weng-nǝn rǝ kǝniyǝng kanǝn tənne a muriya nənnu, nǝn yamrǝ yutang ka, fʊlgatang ka nǝnǝng. ²⁴ Bǝraki rǝ ngatang kangke kǝn yiyabǝn, mǝnni ji waiwe nǝn nga rǝgi chubǝ fu, bǝrkǝ nǝn wunǝ gǝ yame rǝ jiya chuwi. ²⁵ Mǝnni nǝn nga rǝ jiwu nǝn chubǝ fuwi ki, nǝn yame rǝ mitang ka daang. ²⁶ Nǝn nyang, We gǝ tugabǝnna yarməntang ka nǝnǝng. Bǝraki nǝn yǝmbǝ nyəngkǝ bǝnǝn ruwa nyini rǝgǝng, mǝnni We rǝ bwigo gə nǝngnga chǝllan rǝ təəni mebǝn dǝmǝn jɨggai. ²⁷ Gu wu jɨga furiyu ka yəm kǝmarang ka Weng, bǝraki bə nǝngngatən chǝllan a nǝbbbǝ fungrǝm a mura kǝmarang ka Niyajiyʊwʊng. ²⁸ Kǝnǝn yǝm no bəra ba yotənda Niyajiyuwum, ka nǝngnga jɨni warigu yɨgira nyaguwi, a gwa bǝn buwowa mura kǝmarang ka gǝmǝng. ²⁹ Bǝrkǝ bǝn hangu a yǝm kuniyǝm, a dəg hanjim a chi rə wullo yillanguwi, na hangu a chi buwong kərə jiguwung a mura chǝttǝ mwam. ³⁰ Hanjim ba samǝn kuniyəm, gə ba bʊwowʊm. Bamba buwem, nyang bo ka jəgge. Ba jəggem, nyang bo kǝn ne grate. ³¹ Wʊllai bǝnǝn sʊwewa yai jɨni yaiyi? Niyajiyu ka nǝn nǝn ki, wunǝ gǝ ba nǝngnga kak nǝn nǝn? ³² N'gu wa nǝngngabǝ kwallmi rǝ yəlliyanguwi mǝni a nǝbǝn hangu bərarə wariguwi, wʊllai ba ma ki me ba nǝbǝn jɨni warigu na hangʊwʊng? ³³ Wunǝ gǝ ba titǝn bwiran a jiya bǝ Niyajiyu a samǝnnǝm? Niyajiyu gǝn wu jəgri. ³⁴ Wunǝ gǝ nǝngnga duute? Kristi ga bwiya bǝra nǝn nǝnni a lii nyangngi, nǝn guggi bo. Ka nǝngnga dʊʊte tǝn Niyajiyʊ a gwa grati, gǝ nǝngnga chǝllan bǝri nǝn nǝn. ³⁵ Wunǝ gǝ ba wʊtobǝn rǝ yodaiya Niyajiyuwi? Bunai ga, furdǝ yʊlluwʊn ga, kwewi ga, jʊʊn ga, bwi rǝ kʊn ga, kʊnnang ga, dumpo ga? ³⁶ Nyǝngkǝ mulla rǝgǝng, '' Bəra funitan jɨnu mən juwobən ko warigu. Kǝnǝn yullʊ matan bungngari.'' ³⁷ A jǝni yaiye warigu kǝnǝn lii kumni sumən a mənna ba jau kunəm a gwan hangu wa yobǝmǝn dai. ³⁸ Kǝn nǝbbǝn yǝmbǝ nyam mo kǝn bwiyatǝ ki, yuum ki, weni tǝmri ki, kǝn dʊʊtǝ ki, kǝn jɨni nǝngnga bwi kuwi ki, kǝ yǝ beri ki, kǝn kumni ki, ³⁹ ki gran ki, ki wullullʊ kǝ guji wʊ nǝnggnga nəngngaiyu ki, a səttǝn ba wutugobǝn rǝ yodai a Niyajiyuwi, wu ka mura Kristi Yesʊ Nigra nǝnuwi.