¹ Chitte tǝ yǝmbǝ ga (bǝrki kǝmǝn sotǝn yǝm a nǝbba yǝm soriyǝm), mo sori wa jiya ni a fʊlla wu karǝ yuumi ga? ² Bǝrki a gwa soriyʊ wʊri rǝ nati kǝn bʊwa hangʊ bǝrki nibari karǝ yuum, mǝnni nibari ya bwiya ki, ka jǝrmǝna soriya nati. ³ Bǝrarǝ nyang, nibariyan giyu karǝ yuum ki na dii a chi tǝn gʊ ni ki, bǝn bʊ mo tali. Mǝni nibari a bwiya ki, kǝn kuwo mǝna soriya nati, me ba chin tali a nabǝn na gʊ ni ki. ⁴ Bǝrarǝ nyang, chitǝtta miyʊ, jǝn bo kǝn dǝggǝn tǝ bǝtǝrotǝn a sori a mura bwiya Kristiyu. Bǝrarǝ nyang bǝn murgagǝn nate tǝ gʊ, mǝnni, tǝn wu kǝn gug a mura ba bǝtǝro bǝtǝroiyǝm, nak nǝn butǝn bǝtǝbiya Niyajiyuwi. ⁵ Bǝrki a fʊlla nǝng ka mura bwiyʊ, sori ka yung yobiya jɨni bwirai ya ka bwita nǝnnʊ wi na ki nǝn bu bǝtǝbi yigira bwiyate. ⁶ Mǝnni kʊ kǝn kuwobǝn na sori. Kǝnǝn bǝtǝrotǝna jiya bʊwabǝnni. Nǝn nyang naki nǝn nǝngngǝ kewete ti fiyu mura We, me mʊra sori wu jǝrri. ⁷ Nǝn sʊwe wʊllai gi? Sori hi rǝ bwigo jɨni bwirai ga? Me ba nǝngnga bwi. A nyangngi bo me na bǝn yǝm jɨni bwirai na jɨre ba juwiya soriyu ki, me na bǝn yǝm sʊ sori na sʊwe bə ki, na sʊwe bǝ go kari bən yəm sʊ ki'' ⁸ Mǝnni jɨni bwirai ka nya da a mura sori, ka wʊwe jǝllǝn a mura mi. Bǝraki me sori wʊki me jɨni bwirai na bwiya-bwiyai. ⁹ A gu fʊlla kǝn chirǝ yuum me sori we, mǝnni soriya bǝng kǝ jɨni bwirai ya yǝmawe, kǝn bwiyang. ¹⁰ Sori na ba be rǝ yuumi ka fʊlga bwi a chimǝn bwiyate. ¹¹ Bǝraki jɨni bwirai, ka dǝb sər a mura sori, ka julai a mura sori ka muktiyǝng. ¹² Bǝrarǝ nyang, sori ka rǝ yulgoi, dute karǝ yulgoi, jiya dautariyu tǝn ji nya. ¹³ Bo ji wə nyaguwi ka yuloimǝn bwiyatǝ bo ga? Me ba yilo nyang bo. Mǝni jɨni nakǝ nungbǝn bwiran da gǝn a mʊra jiwʊ nyai ka be mənə bwiyate. A chi nyang naki a mura sori jǝni bwirai a ribwi deni. ¹⁴ Bǝraki kǝnǝn yǝm sori nǝn yuum a we, mǝnni me muwa mura bwi. Kǝn mii a sʊttəta keweta jɨni bwiraiyu. ¹⁵ Bǝraki fumbǝ ji mǝn nǝngngari. Bǝraki ji mǝn farǝ mo mǝn nǝngngai, me gu mǝn nǝngngari bo, mǝnni ji me mǝn fari bo, gu mǝn nǝngngari. ¹⁶ Mǝnni mən nǝngngai ji me mǝn fari ki kǝn nga rǝ sori, mo sori ji nya. ¹⁷ Mǝnni ku me memmǝn nǝngnga jɨ hi bo, mǝni jɨni bwirai yǝ ka mi a bwiyu. ¹⁸ Bǝraki kǝn yǝm a muriya miyu, mo mura bwiya miyu, me guji nya we. Fautang a nǝngngatang nyaguwi ka mura mi, mǝni me mǝn dǝmǝn nǝngngatang. ¹⁹ Bǝraki ji nya mǝn farǝ mo mǝn nǝngngai, me mǝn nǝngnagare bo, mǝnni ji bwira me mǝn farǝ gu mǝn nǝngngari. ²⁰ Mǝnni ku mən nǝngngai ji me mən farə mo mǝn nǝngngai, nyangki me mǝn nǝngngare, mǝnmi jɨni bwirai yǝ ka bwiya miyuwi. ²¹ Bǝrarǝ nyang, kǝn chuwe, ka yobi a mura mi wu farə go gə tǝm ji nyai mǝnni ji bwira ka rǝ kumni a mi. ²² Bǝrki kǝmǝn mǝksare rǝ soriya Niyajiyuwi a furi ya miyu. ²³ Mǝni kǝn chu gu juwi dang a bwiya miyu. Kǝ nǝngnga kʊn tǝn wai juwi figuwi a mura kǝmarang ka miyǝng. Kǝ buwai a mʊra juwi ya jǝni bwirai yǝ ka mura sʊnni bwi a miyuwi. ²⁴ Muwa kunang a muri, wunǝ ba jigi a wai bwiya bwiyati. ²⁵ Mǝnni wunnan a gwa Niyajiyuwi a mura Yesʊ Kristi Nigra nǝnnʊ! Bǝrarǝ nyang mǝ rǝ bwimi kəmən fung soriya Niyajiyuwi rə kəmmarang ka miyən. A kaggi kǝng mǝn fung juwi ya jɨni bwirai yǝ ka bwiya miyʊwi.