¹ Wʊlai bǝnǝn sʊwei kʊ nyangngnyǝnki? Bǝnǝn jaukak rǝ nǝngngatang a jǝni bwirai na nǝttǝtǝn dautǝn bʊwi a be ga? ² Me ba nǝngnga bwi.Nǝn bǝnǝ bǝtǝro a mura jǝni bwiraiyəm ba nǝngnga go nyǝnǝ ki kǝnǝn jaukak a muri? ³ Tǝ yǝmbǝ to me bǝn nǝngngatǝn batisma mura Kristi Yesʊwʊm kǝn nǝngngǝ tǝn batisma yǝgira bwiyatang gu ga? ⁴ Mǝni kǝn dǝgbǝn na hangʊ, a gwa mura nǝngngatang batismai a mura bwiyatangʊ. A chi nyang bǝrki nyǝra kǝn gug Kristi a mura bwiyatǝng a gwa gratǝta Tei, nǝ nyang bo bǝnǝn yoyom a mura yuum bə fiyʊgʊwum. ⁵ Bǝrki kǝn murgabǝn na hangʊ a mura jɨrgotang ka bwiyatan gʊwʊng ki bǝnǝng chi bo na hangʊ yɨgira jɨrgotang ka guntang ka gǝngǝng. ⁶ Kǝnǝn yǝm no, kǝn yʊwa ni funiya nǝnnʊ we tǝn hangʊ, na ba mʊktǝ bwi rǝ bwiranni. Wai wu bo ka yilo nyang bǝraki bǝri bǝnǝn chirə keweta jɨni bwiraiyʊ. ⁷ Wa bwiyai warigʊ bo kǝn dǝg hangʊ a chi wʊrǝ yobi nyai a jiya jɨni bwirai. ⁸ Mǝnni bo kǝnǝn bǝtǝro tǝn Kristi ki, kǝnǝn nǝbbǝn yǝmbǝ nyam no bǝtǝnǝn chi kin. ⁹ Kǝnǝn yǝm no kǝn gug Kristi a mura bwiyate, bǝrarǝ nyang me mura bwiyate. Mǝni bwiyatǝ me rǝ kumni a jiya hangʊwi. ¹⁰ A yǝm ba bwiyatǝ hangʊwa nǝngngam, a bwiyamǝn a jɨnin bwirai, a bwiya kali kin bǝrarǝ warigu. Mǝnni bo chim bǝ nǝngngarǝm bǝ nǝngngatǝna Niyajiyu. ¹¹ Bǝrarǝ nyang, jǝn nǝn kəngiyǝng tǝ dǝb dutǝtan jɨnu a jiya nǝbba bǝtǝromǝn a jǝni bwiraiyǝm, mǝnni rǝ yuum a gwa Niyajiju a mura Kristi Yesʊwi. ¹² Bǝrarǝ nyang kari bǝtǝ dʊ jǝni bwirai a nya dʊʊta bwitan junu, na ba tǝ nwitǝna jǝlǝnda gǝn. ¹³ Kari bǝtǝ nǝbbǝn sʊni bwiyan jɨnu a nǝngngatang a jǝni bwirai, a yullo jǝniya swiyeri ya jǝni bwirai yu. Mǝni tǝ ne bwitan jɨnu Niyajiyʊ nyǝra rə ba bǝtǝrom mǝnni ku karǝ yuuməm. Tǝ nǝ sʊni bwiyan junuwi Niyajiyu a chi jǝniya swiyeri ya ji nyai. ¹⁴ Kari bǝtǝ netǝn sǝr a jǝni bwirai a nǝngnga dʊʊta jǝni. Bǝraki tǝ me sʊttǝta soriyu, mǝnni tə wa sʊttǝta nǝttǝtǝn dautǝnbʊwi. ¹⁵ Mǝnni a dʊ wʊlai? Tǝnǝn jaukak rǝ nǝngngatangnga jəni bwirai bǝraki nǝn me suttǝta soriyʊ ga, mǝnni a sʊttǝta nǝttǝtǝn dautǝn bə wi ga? Me ba chi nyang. ¹⁶ Mənni tǝ yǝm bǝ ga niwʊtǝ nǝbbǝn bwitan jǝnu a jiya keweti, gʊ tǝ nwi yǝmba gǝmi ga? Yǝmbǝ nyam bambe, a chi tǝn keweti a jǝni bwirai, wu yɨgiri a bwiyati, o o tǝn keweta nwitang a yǝmmi yɨgira nǝngngatang a ji nyai. ¹⁷ Mǝnni bo wunnan a chiya gwa Niyajiyuwi! Bǝraki natǝ nu tǝn keweta jǝni bwiraiyʊ, mǝni kǝtǝ fʊng yǝm a mura furnan jǝnu a mǝsarang kən nǝngngagǝmǝng. ¹⁸ Kǝn jǝggǝn na mura tǝmtang a jǝni bwirai, mǝnni kǝn ti gǝn tǝ yullo keweta jii nyai. ¹⁹ Mǝn sʊ yǝm nyǝra ni, bǝrarǝ yarmǝntang ka jǝnǝng ka namtǝ tǝn dʊgʊmǝng. Nyǝnkǝ tǝ nǝbbǝn sʊni bwiyan jǝnu a gwa jǝni sirǝmmi rǝ swiyetǝtǝ bwiraiyu, nǝn nyang bo tǝ nǝbbǝn sʊni bwitan jǝnǝwi a jiya keweta jii nyai yɨgira tumǝntang. ²⁰ Bǝraki a fʊlla wu tǝn keweta jǝni bwiraiyʊ, tǝ me nǝngngatang a jii nya. ²¹ A wai fula waiwe fini ta wʊlaiyʊ tǝ nyai a jiya swiyerde tǝ nǝngngna kʊwʊn wʊ tǝ nwi bujiritangʊwi? Bǝraki jangǝmiya dan swiyer dandi, bwiyate. ²² Mǝni kǝn jǝggǝna mura jǝni bwirai a ku nyǝngke, kǝn tigǝn tǝn kewetan Niyajiyʊwi, finitangu a jɨni yu tʊmǝntang. Janggǝmi gǝn yumbǝ kʊrəkwangngǝm. ²³ Bǝri rǝ nyang, janggǝmi a jǝni bwiraiyʊ bwiyate, mǝnni nǝtteta Niyajiyʊwi gǝn yuumbǝ kʊrəkwangngǝm a mura Kristi Yesʊ Nigra nǝnnʊwi.