¹ Bǝnǝn suwe wulai a jiya Ibrahimi, Tegra nǝnuwa bwiyu, a nya wulai? ² Kǝn Ibrahima nya jǝrtangnga gwa swiyeti ki, na ba nya jiya gugtangnga durri, mǝni me a kakka Niyajiyuwung. ³ Mǝni wang bǝ suwe go nyǝne? ''Ibrahim ka n ǝbǝn yǝmbǝ nyamma Niyajiyu, kǝn ke a mura jinya giyǝng.'' ⁴ Ka guwa nǝngnga swiyeri ki, janggǝmiyangu keba men nətte, mǝni ji nǝn wugoi. ⁵ Mǝni wa nəngnga bə swiyer na nəbbən yəmbẹ nyam a wu yiya nəbbə rə jəni bwirayəmi, nǝbǝntangka yǝmbǝ nyamba gǝmǝm kǝn ke ajuya jinyai. ⁶ Dauda ka su yǝmba dǝgtangnga kangngǝm a jiya niwu Niyajiyuwa ke wurǝ jinyai rǝ bunaiya swiyeti. ⁷ Ka suwe go, ''Nǝbǝn dǝgtǝn kangngǝm bǝn yunotǝn jǝni bwiraiyan jiyuwum, bǝ jǝni bwiraiyan jiyu mǝram bo. ⁸ Wun dǝgtǝn kangngi wu Nigra meba ke jǝni bwiraiyanguwi.'' ⁹ Dǝgtangnga kangkǝ suwerǝng wa jiya bǝn mwetǝn biyangka junǝng dangnə jiyǝng ga, tǝn bǝ mwiyatǝn bǝ rǝ kǝgiyǝng ga? Bǝrkǝ kǝnǝn suyǝm, ''Nǝbǝntangka yǝmbǝ nyamǝng ka Ibrahmǝng kǝn ke a mura jinya a jiya giyu.'' ¹⁰ Nke mo nyǝne? A bukkǝn Ibrahima mwetǝn biyang ka junǝngngǝng, nǝngngatǝna bunaiya yǝmtangngi ga? Me mura mwetangka biyangka junǝng, mǝni wa bunaiya mwetangnga biyang ka junǝng. ¹¹ Ibrahim ka yu jiya jurgo tǝn mwetangnga biyang ka junǝngngi. Waiwu gǝn kʊran da jinya nǝbǝntangnga yǝmbǝ nyamǝm bǝ karǝgǝm a fulla wun mwetǝnbǝ biyang ka junǝngngi. Rǝgiya kang nungtang kangki, ka yullʊ gǝn te ba nǝbǝn yǝmbǝ nyami wargu, nǝn kwini mwetǝnbǝ biyang ka junǝng ki. Bǝ suwe go, jinya jiyu gun kei. ¹² Nyang nyǝngki bǝ nungbəngo Ibrahim ka yullʊ te bǝn mwiyatǝn bitǝtta junti ba jǝrʊwum me bǝri bǝn mwiyatənǝm dangnəji, mǝni bo bǝrirǝ bǝ fung naka tenǝnnu Ibrahiməm. Bo waiwu gǝn nǝbǝntangnga yǝmbǝ nyamǝm bǝ ka gǝrǝm a bunaiya mwetangnga biyang ka junǝng. ¹³ Bǝrkǝ me gwa duuti gun ne yǝm burǝm Ibrahim tən duk kangngəng gǝri, yǝmbʊrǝm ba suwe go ba jau kulla gusǝtiyu. A nyangi, jinya nǝbǝntangnga yǝmbǝ nyami. ¹⁴ Bǝrkǝ jibǝ ka mura soriyǝm ba jau kulla ki, nǝbǝntangnga yǝmbǝ nyaməm merǝ fini, bo ki yǝm bʊrǝmhǝm ka yullʊ bǝrǝ kʊnnǝm. ¹⁵ Bǝrkǝ sori bǝ benǝn jwagǝr, meni a gwa bunaiya soriyu, me yamǝntangnga sori we. ¹⁶ Bǝrirǝ wai jiwe nyang a mura nǝbǝntangnga yǝmbǝ nyam, naki yəm bʊrəmhəm a chi nǝttə tən dautən bəwi. Nyang nyǝngke, butangnga yǝmhǝm ka chibwiya surhǝn wargu. Bo dan surdǝ me ba tau ba yǝm soriyǝm dangnə ji, rǝ ba nya nǝbǝntangnga yǝmbǝ nyamǝn a gwa Ibrahimiyǝm. Bǝrkǝ gǝn te warguwi, ¹⁷ nyǝngkǝ mula rǝgǝng, '' Kǝn tin mǝn te tǝm mwami.'' Ibrahim ka kakka wa ngarǝ gi, nǝn, Niyajiyu, wu ne yum ba bǝtǝrommi bo ka bǝrǝ jǝnimerǝ yumi ki ka chi. ¹⁸ Wargu rǝ nyəngkə yobiya bwiyu ka rəgəng, Ibrahim ka nǝbǝn yǝmbǝ nyam a Niyajiyu durra sim a jiya ji bera kakgi. Ka yullʊ te langtə mwami, nyǝngkǝn suwe rǝgǝng, ''Bambə ba yullʊ dugǝrtǝtta mu.'' ¹⁹ Hanguwa yarmǝnba nǝbǝntangnga yǝmbǝ nyam. Ibrahim ka jǝgga go bwiyanguwa nǝgǝnbǝ bǝtǝbbi, (bǝrkǝ ka lau jǝtǝ bekwan). Ka jǝgga bo go bɨkka Saratuwung a dǝmǝnba bu buwʊng. ²⁰ Mǝni bǝri rǝ bʊtangka yǝmǝng ka Niyajiyuwung, Ibrahima katǝnbǝ da bunaiya ngatangngi, ajiya nyangngi, ka yǝktǝn kumniya nǝbǝntangnga yǝmbǝ nyam wer Niyajiyu. ²¹ Ka nga rǝ kumni go ji Niyajiuwa bʊwi, ba ribwi. ²² Bǝri gǝrǝ nyang kən ke hangu mo wu nəngnga ji nyaiyəng. ²³ Ku mulabǝ bǝri nǝn hanguwi gǝn kwan, mo, ketǝna hanguwi. ²⁴ Mula bǝra nǝ nən rə kəning, nǝn bǝnǝn nǝbǝn yǝmbǝ nyama wung gug yesu Nijǝgriya bwiyati. ²⁵ Wun nǝbǝn bǝrirǝ jini bwiraiya nǝnuwi, kǝn gug bo bǝri yiyarang ka nǝnǝng.