¹ Bǝrarǝ nyang, me mǝnǝ wutang mu ni, mu mǝn mwe duuti, bǝrkǝ ji mǝn mwetǝn duutǝ rǝga guwi mǝn mwetǝn duuta dur da mun. Bǝraki mu mǝn mwe duuti ka mǝn nǝngnga jǝni yaiye. ² Mǝni kǝnǝn yǝm no duutǝtta Niyajiyuwi ta yǝmbǝ nyami a jii wu ba yartǝne wa bǝ nǝngnga jǝni yaiyǝm. ³ Mǝni kǝma rǝ kangke, mu ni, mu mǝn nǝngngatǝn duuta bə nǝngnga jǝni yaiyi na kamǝn nǝngnga jǝni yaiyǝ wariguwung. Mǝn kǝma mo bǝn yammən a duutǝtta Niyajiyuwi ga? ⁴ Mǝn yǝktǝn suwa nǝtǝtta nyaguwiyan gu, rə deni a duutǝttan guwi, rǝ mitang ka dang ka gǝng ga? Yǝmbǝ mo nǝtǝttǝ nyaguwiyan gu bǝ nǝngnga go na ba gə lau nǝn jən a butangnga kang ga? ⁵ Mǝni bǝrarǝ durdǝ nǝggǝnǝn da mun rǝ furiyamu wu mebǝ burǝ kangngi, mǝn fautǝne jwagǝ a duda mun, a ko jwagǝrri, a ko wumtang ka duutǝtta yǝmbǝ nyami ta Niyajiyuwi. ⁶ Ba ne wunǝ ni jangǝmiyan gu a sitǝnna swiyetǝtta jiya nəngngai. ⁷ A ba dǝg durra nǝngngatangnga ji nya me dǝgmǝntang wi, ka nyatǝnna dutǝttan jiyu, yuumbǝ kʊrəkwangngǝm. ⁸ Mǝni bǝrǝ fautangnga durrǝm, ba nwitǝn bǝ yǝmma yǝmbǝ nyamǝm, a nwitǝn yǝmma tǝmtang a swiyerdǝ bwiranǝm, jwagǝr rǝ kwewi ba nya hanjim rǝ kwani. ⁹ Niyajiyu ba sǝgtǝne kunang kə deniyəng rǝ furdǝ yulluwun a ba tǝm swiyerdǝ bwirannǝn warigu, a Yahudawa rǝ jigu, na bo Hellinawa. ¹⁰ Mǝnni wertang, grate, tǝn chimbǝ lǝmmangǝm ba be tən a ba nǝngnga swiyetittǝ nyaiyəm warigu, a gwa Yahudawai rǝ jigu kika du Hellinawa. ¹¹ Bǝraki Niyajiyu me rǝ fautang a dur. ¹² A gwa ba nǝngnga jǝni bwirai me rǝ duutǝm, ba bətəro merə duute, bə nǝngnga jǝni bwirai a mura duutǝm bǝn nǝngngatǝn duuta jiya duute. ¹³ Bǝraki men nǝbbǝ nwi duutǝm gǝ bǝ nǝngnga ji nya a kakka Niyajiyuwuməng, mǝni nǝbbǝ tǝmrǝm gǝ bǝ bǝn jǝggǝm. ¹⁴ Mǝni nǝbba kumǝn ba yǝmbǝ duutǝm, a jiya yobi ka nǝngnga ji a chi duutiyu, bo ka yullotǝn duuta dutǝttan jiyu, nǝn kwini merǝ duutihi ki. ¹⁵ Jiya nǝngngai hanjim ka nungbǝn go swiyetǝtǝ duutǝ fari ka mulabwi a furna jiyu. Yǝngka jiyǝng bo ka bʊ bukkan jiyǝng, kǝmmarang ka jiyǝng bo ki bǝ nyǝngnyǝng hamjim, ki bǝ yiya-yiya hanjim ki. ¹⁶ Nǝn nyang bo a gwa Niyajiyuwi. Kang ke ba nǝngnga bwi a ko wu Niyajiyu ba nǝngnga duuta ji na bǝmǝnbuwiyu ya nǝb wariguwi, a sitǝnna yǝmbǝ lǝmmangngǝm a mura Yesu Kristiyu. ¹⁷ A chi mǝn bu duda mun mǝn Bayahudeng na chitǝna duute, mǝn gug dur a mura Niyajiyu, ¹⁸ na yǝm kǝmmarang ka gǝng, bo kǝn yǝm jiya berǝ dǝndangngi a nyangngi, bo kǝn nya məssarang a mura duute. ¹⁹ A chi mǝn ka rǝ dur a səssi mo mǝn tautǝn damǝr a dube, kwetǝrei a bǝ ka mura kʊmmǝm, ²⁰ Wu mwetǝn suwa bǝ merǝ bǝrsanǝm, wu mǝssatǝnna beta bǝtǝbiyǝmmi, bo a mura duuta mǝn kamǝnǝ jiya tau yǝmtangngi rǝ bo yǝmbǝ nyami mənni bambe a tugan nən wullai a chimba mum. ²¹ Jǝn bǝtǝ mǝssatǝnna bagiyǝm, me tǝ mǝssatǝnna dutǝtan jɨnu ga? Jǝn bǝtǝ warǝ yəm to kari bǝn ku kutəm, me tǝ ku kutǝ ga? ²² Jǝn bǝtǝ barrǝ jir to kari bǝn da rǝ nyiya niyu, me tǝ da rǝgǝ ga? Jǝn bǝtǝ dang fungtangnga weniyǝm, me tǝ nǝngnga kuta gwa ruwani nyiniyu ga? ²³ Jǝn bǝtǝ mǝksa rǝ gugtang a dur a mura duutǝm, me tǝ wungla Niyajiyu a mura jɨniya bunaiya fungtangnga duuti ga? ²⁴ 'Bǝraki "kǝn wungla dunda Niyajiyuwun a mura nǝbba kummǝm bǝri nǝn jǝn'' nyǝngkǝ mula rǝgǝng. ²⁵ Bǝ jum mwetangnga biyanka kwaliyəng karǝ fini a gwan jǝniyu, tǝ fung sori ki, mǝni ki metǝ fung sori ki mwetang a biyang ka kwaliyǝng ka jǝnǝng ka yullo mwegǝmmǝn be. ²⁶ Bǝraki niwun mwetǝnbǝ biyang ka kwaliyǝng bə fung ji sori farri wariguwi ki, me bǝn dǝb bunaiya mwetangnga biyang ka kwaliyəng a chi kǝn mwetǝn ga? ²⁷ Mǝni ki ni wun mwetǝn bǝ biyang kwaliyu ba fung sori warigu ki, me ba nǝngnga gǝmǝn duute jǝn bǝ mwiyagǝmǝn bitǝtta kwalti ta duutǝmi ga? A nǝngnga bwi nyang bǝrkǝ tǝ katǝnǝ duute mula-mulai bwi na bo kǝn mwiyagǝmǝn bitǝtta kwalti mǝni tǝ fuugbǝ sori! ²⁸ Bǝraki hangu men Bayahude a tari; mǝni bo mǝn wu mwetǝn biyang ka kwaliyǝng a tariyu. ²⁹ Mǝnni Bayahude a muri, na bo nǝn biyang kǝ mwemǝnna kwaliyǝng ka furiyǝng na bo a We, me wang. Wai ni we weritangka me bǝ jǝrera gwa nǝbbi, mǝni wa gwa Niyajiyuwi.