¹ Bulusi, kewe Yesu Kristiyu, wun samǝn na kawuri bǝrarǝ swiyerdǝ lǝmmangǝn da Niyajiyuwun. ² Bambə gǝn yǝmbǝ lǝmmangǝm bǝ bʊ bǝmǝn yǝm ba gǝm kuniyǝm a gwa nǝb yuwerǝm ba wani yulgoiyu ³ Wanghǝng wa jiya Yǝlli, wun bu a mura duka Daudangugǝng a mura bwi. ⁴ A gwa guntang ka gǝng a bwiyati kǝn tiya chi Yəlla Niyajiyuwi rə kumniyu a gwa We yulgoiyu- Yesu Kristi Nigra nǝnnu. ⁵ A gwa giyu gu nǝn nya nǝtǝttǝ nǝn dautǝn bawi na tǝnǝn chi nǝb tǝmrǝm ba nwitangnga yəmbə nyamǝm a gusətǝ warigu bǝra dun da gəni. ⁶ A mura bam nǝbba kunǝm bǝ bo, kən bǝgǝne rǝ kəngiyǝng na tǝ yullʊ ba Yesu Kristiyǝm. ⁷ Wang kangke bǝra nǝn jǝn warigu tǝ ka mura Romam, ba yogodatǝm ba Niyajiyuwum, nǝbbǝm buwe a chi bǝ yulgoiyəm. Masi nǝtǝttǝ nǝn dabbi a chi nǝn jǝn warigu, na chimbǝ lǝmmangǝm a gwa Niyajiyu Te nǝnuwi, na bo Nigra Yesu Kristiyu. ⁸ Ji rə jiguwi mǝn nəngngatǝn wunnan a Niyajiyu a gwa Yesu Kristiyu bǝri nǝn jǝn warigu, bǝraki ka suga yǝmba nǝbbǝntangnga yǝmbǝ nyaməm ba jǝnnǝm a gusətǝ warigu. ⁹ Bǝrkǝ Niyajiyu gǝ bu bukka miyǝng, wu mǝn nǝngngatǝn keweta mura we miyu a mura yǝmbǝ lǝmmangǝm ba yilla guwum, nyǝngkǝ mǝn su yǝmba jǝnǝm jʊtǝkwangǝməng. ¹⁰ Ka mǝn nǝngnga chǝllan a mura ruwaninyini ya miyu jʊtǝkwanga ba a wunǝ yobi nǝngnga na kǝ nyang yigira gwan jǝniyu rǝ ngatangka Niyajiyywung. ¹¹ Bǝrkǝ kǝmǝn nwi jǝllǝn da chutangka jǝnǝngngǝng, na ba nǝgǝn tagi nǝttəta Wei, na ba yǝggǝmǝn kumni. ¹² Mən suwe mo, ka mǝnnǝ fautang rǝ kwani mo nya yǝgtangnga kumni a rii-rii bwi a mura jǝnni, a gwa nǝbbǝntang ka yǝmbǝ nyam ba nǝnəm, mǝn suwe mo kəngǝngiyəng tǝn kinang. ¹³ Ku nyǝngke memǝn farǝ mo tǝ buna yamtang, chǝtte, kali mwam mǝn farǝ mo mǝn yigga jǝni, (mǝni berǝ tǝn ku nyangngi a nyabǝ sər) mǝn fau mo mǝn nǝngnga nyang na bə nya bǝtǝm ba wem a jʊgər da jǝnǝn nyǝng kǝ rǝ ga bagi nǝbba kummǝmǝng. ¹⁴ Mǝn kamǝnǝ nǝggǝni a Hellinawa na rǝ bagi nǝb bǝrǝ bǝrsanǝm na rǝ bǝ merǝ bǝrsanǝm. ¹⁵ Bǝraki kǝn kʊra bwi na ba fin gǝmǝn finang ka yǝmbǝ lǝmmangǝm, jǝn bǝtǝ ka mura Romai. ¹⁶ Bǝraki memǝn nwi bujirita yǝmbǝ lǝmmangǝmi, gǝn kumni ta Niyajiyuwi bǝri nyatangnga yiyarang a gwa wa nǝbbǝn yǝmbǝ nyami, Yahudawa rə jigu na bo Hellinawa. ¹⁷ Bǝrkǝ a gwa giyu ji nya Niyajiyuwi a jǝrre wa nǝbbǝntang a yǝmbǝ nyam yǝgira nǝbbǝnang a yǝmbǝ nyam, nyǝngkǝ mulla rǝgǝ mo, "Wu nǝngnga jɨni nyai ba nəngnga chim a gwa nǝbbǝntang a yǝmbǝ nyami." ¹⁸ Bǝrkǝ jwagǝr da Niyajiyuwun a jǝre wa ji nǝngnga kak rǝ bunaiya fungtangngi na bunaiya ji nyai ya ni kuniyu, bǝ sǝngrǝ yǝmbǝ nyam a gwa bunaiya jǝni nyai ya jiyuwum. ¹⁹ Jiya nǝngngai bo ji a dautǝnwu bǝn yǝm a jiya Niyajiyuwi wa jǝgga-jǝgga bwi a gwan jiyu. Bǝraki Niyajiyu ka jǝggatǝn a hanjimi kwetǝrei. ²⁰ Bǝraki yobitangu tǝ memǝn dǝmǝnǝ churi kǝn, kumni ta gutə kurəkwangngi tən yobiyangu kən jǝgga a ji wa nǝngnga gusəti, mǝn jǝgga a gwa jǝni nǝngngai. Bərə nyang merǝ wutang we. ²¹ Jiya nǝngngai, a chi hanjim ka yǝm Niyajiyu, mǝnni a ne bǝ grata a jiya Niyajiyu nyəng ka dautənwung, na bo a nǝngngatǝn bǝ wunnan. A ji ya nyangngi, ka yullo mɨte a kǝmarang ka jiyǝng, furna jiyu yǝ merǝ kǝmmarangngi ka nǝngnga yullu. ²² Bǝ suwe go tən nǝn bǝrsan, mǝni ka yullo mɨte. ²³ Hanjim ka wulga wertang ka Niyajiyu wu kurəkwangngi rǝ jurgotang ka jǝni me bǝ chirǝ kurəkwangngi, nyǝra ni bwiyari, rǝ kǝllete, rǝ kǝrandǝ rǝ nani tǝ gwarǝn, rǝ yǝ kwara-kwarai yu. ²⁴ Bǝrarǝ nyang Niyajiyu ka nǝbǝn hanjim a jǝllǝn da furna jiyuwun a gwa nemǝrri, na ne kunang bwitan jiyu. ²⁵ Jiya wulga yǝmbǝ nyam ba Niyajiyuwum rǝ nyar, mǝni ruwatǝn nyini tǝn keweta jǝniyǝn nǝngnga rǝ kaniyu, a jiya ni ya nǝngngai, wu bǝn wer yigira mwatǝnti. A chi nyang. ²⁶ Bǝrarə nyang, Niyaijiyu ka nǝbǝn hanjim, a jǝllǝn da jiyǝn talte na kunang, ka lau rǝ wutǝmba jiyǝm ka wulga yobiya dagatangngi wun yǝm nǝngngari yigira dagatang a nyi tǝn nyi. ²⁷ Nyang bo nǝbbǝ barǝm ba jiyǝm ka wulga yobi a dagatang ka nibari tǝn nwiyu yigira nibari tǝn nibari nǝngnga swiyerda taltǝn. Nǝbbǝ barǝm dara rǝ nǝbbǝ barǝm tǝm swiyerdǝ kursǝnnǝn, bo ka yǝrǝ jangǝmiya swiyerdǝ kursǝnǝn da jiyǝnni. ²⁸ A chi hanjim a ngabǝrǝ Niyajiyu a mura yobi a jiyuwung, hangu ka nǝbbǝn hanjim a jiya furni kiya kiyai yan jiyu, na nǝngnga jǝni bwirai a dautən buwi. ²⁹ Ka rii rǝ bunai ya ji nyai, fʊrni bwirai, jǝllǝn da jiya guwiyǝn, yitangnga nani, a rii rǝ nuggun, jurang, gugtangnga fʊri, swiyerdǝ bwiran, na rǝ kǝmarang kǝ bwirang. ³⁰ Nǝb bǝ rə yǝmni kǝtǝl-kǝtǝlliyǝm, rǝ murgatangnga yǝm, ka ko Niyajiyu. Nǝbbǝ gug ji ka dumi a sǝssiyǝm, nǝb bǝ rǝ dutǝttǝ nǝnggǝniyǝm, rǝ bǝ gug durrǝm, nǝbbǝ murga jɨni bwiraiyǝm warigu, bo me bǝ nwitǝn yǝmma nǝbba buwum. ³¹ Furna jiyu ka yullu nyəra rə kum; bǝ mebǝ tarǝ yǝmǝm, me rǝ yodai, bo me rǝ bumte. ³² Ka rǝ yǝmtang a nǝngngatang ka Niyajiyuwung go wu nǝngnga jɨni yaiyi ka dautǝnna bwiyate. Men butang a bukka yai jɨni yaiyǝng gǝn kwan nǝngngare, rǝ butangnga bukka bǝ nǝngngarǝm.