¹ Kən jəga fʊlla be Bangla a wʊmən kwan a mʊriya kʊrrantəttə nyibiyʊ te, kən nwi kwan a mʊra jɨni rə yuumumi tə gwari, ka kwer yəm nyəra rə bautang ka korənəng, ''Be!'' ² Kən jəga kəmən chʊrə dagi gərmar də kwauwʊn, wʊ gwira jiyʊ karə kɨbləng, mənni kən ne gurmong. Ka jɨre nyərarə wa jau kunni na ba jau kunni. ³ Fʊlla be Bangla a wʊmən kʊrran də sʊwʊni, kən nwi jɨ nəngnga rə yuumumi yən sʊwi ka sʊwe go, ''Be!'' ⁴ Kə dagi gərmar a jɨrera tariyəng-kwiyʊ deni. Tən ni gwira jiyʊ kən ne sər a dəmmən chimbə ləmmangngəm a mʊra gʊsətte, na ba nəbba gəm a mʊkte bwitan jiyʊ. Wai wʊ gwiri kən ne gən da dampon. ⁵ A bukkə be Bangla hi a wʊmmən kʊrran də bwanbiyənəng, ''Kən nwi jɨ nəngnga rə yuumumi wʊ bwanbiyʊ, ka sʊwe go, ''Be!'' Kən chu gərmar də yuumluwʊn, də ni gwira jiyʊ a tawe ji bɨngo jɨni gəri a mʊra kang ka gəng. ⁶ Kən nwi dagi jiir a mʊra jɨni nəngnga rə yuumumi yən gwari go, ''Tasang ka nyangmi kwanəng a jiya jɨni mərənna koi mənni bo tasang ka nyangmi bwanbiyʊ. Mənni kari bən lʊktə nʊng rə gəmiya inabiyʊ.'' ⁷ Fʊlla be Bəngla a wʊmən kʊrran də gwarəni, kən nwi jiir da ji nəngnga rə yuummi ka sʊwe go, ''Be!'' ⁸ Kən chuwe dagi gərmar nyərarə hi ya bʊgʊmi. Ni ya gwi a jiyʊ kən ne dʊn mo bwiyate, kaita kʊnangngi bo fʊngngerən hangʊ. Kən ne hanjim kumni a jiya kwan a jiya tə gwar a gʊsəti, na mʊkte rə dampo, jʊwʊn, bwate, rə namta sei ya gʊsəti. ⁹ Be Bəngla ka wʊmmən kʊrran də nʊwʊn, a təm ba chəriyəm kən chu yuumum ba nəbbən mʊktə bərarə yəm ba Niyajiyʊwʊm, na bo rə yəm bə yəm ba tauwʊm. ¹⁰ Hanjim ka tiwi rə gən da jiirən, ''Wʊni fʊlla, mwe ni rə dʊʊtə warigʊwi, mwe yʊlgoi rə yəm bə nyammi, bən mwetən duuta nəbbə ka chiya gʊsətəm, na bo dəb yaməntang ka dʊgʊm ba nənnəmmən ga?'' ¹¹ Wʊna jiyʊ kən ne dʊg kə kwawʊng, mənni bo kən sotən mo a yam a fʊlla bani yɨgira fʊlla mwami a kagəm ba jiyem ba swiyerəm rə bo chəttəta jiyʊ bə barəm rə bə chʊwʊm a lau mwami bəbən juwom, nyang kə juwʊ rəgəng. ¹² Be Bəngla a wʊmən kʊrran da nʊkkʊnən, mən jəgarəng chuwe kɨtti ka məgga təm rə kwani. Ko ka nəngnga yuumllu nyəra dʊk kə yuumlluwʊng, swang bo ka chi nyəra dʊgʊm. ¹³ Betə swangnga jiyʊ ka yərawa gʊsəte, nyəngkə riyang ka jaurangngəng tʊgamən beta bibi rəgəng a fʊlla səmba rə kumniyʊ a məggai. ¹⁴ Korən bo ka kuwo nyərari wang kən kʊlma-kʊlmaiyəng. Kəni bang rə fʊʊn kən dəbmən a gʊ chiriyang gʊ. ¹⁵ Kə dʊʊbə ba gʊsətəm na nəbbən ne gratəm na dʊʊbə ba kunnəm, na bə rə jɨna kaniyim, bə rə kumniyəm, mʊrga rə nəb warigʊ, kewe tən wʊn jammini, ka bəmmamən a mʊra wete a hɨrroni ta bangngərti. ¹⁶ Ka sotənna bangngərtə rə wete, ''Tə yar bəmmənne, tə mərabən a gwa kak ka wʊ ka chiye a dəntələn da gratən, rə bo a jwagər da be Bənglan. ¹⁷ Bəraki ko kʊnta wa jwagər da gəni ka be. Wʊnə ba demən na si?''