¹ Mənni kən chu wang a kang kə nyang ka wa chiya dəntələni a rii rə mʊlatangnga buk tən kak, kən səngtən kʊrang kangngən nyibi. ² Kən kabi chu, we təmri wʊn kweliyʊ nəngnga finang rə jiir rə kumni,'' Wʊnə gə ba switən a wʊmmən wanghəng?'' ³ Me gʊ ni a ji tən təm na mʊriya təm wa dautən wi ba dəmən a wʊmən wanghəng tən ba dəmməna ke ji kən mʊla mʊriyʊ. ⁴ Kən jamən kangnga wi rə kumni bəraki nyabə wa dautən wi ba dəmənna wʊmmən wanghəng na ba ke jɨni kən mʊla mʊriyʊ. ⁵ Mənni kwan a mʊriya tabəhəmi ka swimən go,'' Kari bən ti wi. Jəga, turəm a sʊwʊr da Yahuzani dɨl da Daudan, ka jau kʊmniya ji. Ba dəmən a wʊmmən wanghəng tən, kʊrangtə nyibi.'' ⁶ Kən chu be bʊkto a siya jʊgər da dəntələnən tən jɨni rə yuumummi yaiye tə gwari a mʊriyan tabi. Ka jɨrgo tən wʊn mʊkti. Ka rə jumni nyibi rə kəmtə nyibi. Yaiye gən weni nyibi ya Niyajiyʊwi, yən təme wa mʊra gʊsəttə warigʊwi. ⁷ Kadi ya yʊwe wanghəng a kang kə nyang ka wʊ ka chiya dəntələnhənən ⁸ A jiwə be bəngla a dəb wanghəngngi, jɨni rə yuumumi tə gwari yaiye tən tabə bambe fʊr təsʊ a jɨr tə gwarəm ka kwi bwita təm a kak ka be bəngla. Wʊna jiyʊ kari dəngngang rə kasiya jɨni kəlchə-kəlchi a rii rə jɨni mətəməti, jɨni yaiye gən nyini rʊwaniya nəbbə rə yəm bə nyami. ⁹ Ka mara fitətə fi: ''Kən dautən we n’dəb wanghəng na bo wʊmən kʊrranghəng. Bəraki kən bɨngngən. Kən sʊtatən nəbba Niyajiyʊ rə dʊgʊm ba mʊm, a mʊri sʊwʊr tən langtətta nəbbi, tən gani. ¹⁰ Kən ne dʊʊte hanjim, nəbbə tung jɨniya chəriyəm a nəngngatən swiyer a Niyajiyʊ wa nənnʊ, bo ba nəngnga dʊʊte a gʊsətte.'' ¹¹ N’jəgang kən nwi jiir da weni təmriyən mwam a kawʊrre dəntələn da jɨni rə yuumummi tən tabe, waringem ba jiyəm ka lau nete kwʊ, kali nete kwʊ, re netə neti. ¹² Ka guggo jittitan jiyʊ rə kʊmni rə kwani, sʊwe rə go, ''Kən dautən we be bəngla bwangngi n’yʊ kumni, nyatang, dəməntang, netang a grate, na wertang.'' ¹³ Kən nwi yənə jɨni yə ka mʊra ji tən təmmi, rə ya mʊra təmma mʊriyʊ, rə ya mʊri ya wəmmangngi, jɨni ka mʊriya təm tən jiyʊ warigʊ. Kə sʊwe rə go,'' Ni wʊ ka chiya jiya dəntələnhəni tən be bənglai, wertang, tən grate, kumni ta nəngngatangnga dʊʊte, yɨgira mwatənte kʊrəkwangngi. ¹⁴ Kə jɨni rə yuumummi tə gwari a sʊwe go,'' Amin!'' Tabə bam be ka kwi bwi rə katəta jiyʊ a təm a ne grate.