¹ A bukka jɨni yaiyəng, kən chu we təmri suwe ra jii. Karə kumni dəni gʊsəte ka rii rə gratətangʊ. ² Ka bu buwong rə kumni deniyəng sʊwe rə go ''Yarte, yarte Babila wʊ gra! ka chi gʊ chiriya weni bwiraiyʊ, na gʊn kʊra weni yaksərri na bo gʊ chiriya sənnai yʊ wa kəlei. ³ Bəraki nəb warigʊ ka no hiya inabiyʊ wa talti. Dʊʊbə ba gʊsətəm ka nəngnga talte nən hangʊ. Nəbbə miro jɨniyəm ba gʊsətəm ka nəngnga jɨnna kaniyʊ a yobiya a chim ba hangʊwʊmi.'' ⁴ Kən nwi dagi jiir a jiyəng sʊwe rə go, ''Tə jɨrməne wa ngi nəbba miyəm, na ba kari bətə nəngnga jɨnni bwirai nyəra nən hangʊ. Na bo kari kʊnanghəng ba səggəməne bwi. ⁵ Jɨni bwirai yangʊ ka kʊra bwi a nəngnga wʊlləli ka lauwa jii. Niyajiyʊ bo ka kəmma rə jɨni bwirai nəngngari. ⁶ Tə nəngngatən nyini nyəngkə nəngnga tənna bagiyəng, tə mər hangʊ mwam kali təsʊ jɨniya nəngngai a mʊriya tasang ka gəng na tʊ, tə tʊtən kali təsʊ. ⁷ Nyəngka wer dʊr da gən a mʊra ləmməngngəng, tə wʊlla rə fur də yuulluwun deni. Bəraki a sʊwe wa furiyang gʊ, 'Kən chichi nyəra nyʊi dʊʊ; me mən yʊgiyo, mənni me bə nəngnga bʊmte.' ⁸ Bərarə nyang a ko kwan witəkʊnni ba sutənne:bwiyate, bʊmte na bo jʊwʊn, kərang ba ju hangʊ warigʊ, bəraki Nigra Niyajiyʊ wʊrə kumniyʊ, mənni bo gə wʊ nəngngatən duuti.'' ⁹ Dʊʊbə ba gʊsətəm, ba nəngnga taltəm, na jɨrmənna sori tən hangʊwʊm, ba tero wite na wʊrte bəra nən hangʊ, a fʊlla a chu yon kə jurə hangʊwi. ¹⁰ Ba sira pəre nwi tata kʊnang ka hangʊwʊng, sʊwe rə go ''Jiya kʊnangngi, jiya kʊnangngi, bɨr də kʊntan, Babila, bɨr də rə kumniyən! Bəraki a fʊlla kwan duutəta mʊ ka be.'' ¹¹ Nəbbə kʊntəm bə nəngnga bandʊwata a gʊsətəm tiro wite rə fur də yelluwʊn bəra nən hangʊ bəraki me ni sʊtta jɨnna duwong bo- ¹² jɨnni kəlbari, na kweyəlga, na wetəttə nyai tə kəlbari, na landiyər də bʊgrəbʊgən, na dʊgkə rə hi kwiyʊ nyəra chəntəranən, na ta gi dʊtəttə nyai, na rə yərang kə yʊnnə ləmmangngəng dəndangəng, na jɨnni sʊla rə riti rə dʊwong dəniyʊ, na ya nəbriyʊ, na ya mʊn də yəllʊwʊnni, na werdə mətə-mətən. ¹³ Na jɨnni mʊrgarə məttəmətti, na nʊng ka kərangngəng na mʊr tən lubban, na hiya inabiyʊ na nʊng, mɨm ba nyangmiyən, tən tənggate na mate na gərmate, na germatəttə kətəllei ta gərmati, na kewete tən yuumumniya ba gʊsətəm. ¹⁴ Fini tə jɨnni tiya furiya mʊ na rə kumni ta mʊ warigʊ ka sumənna hangʊwi. Jəllən da mʊn na rə nyagʊwiya mʊ ka lira, me bən kabi nya bo. ¹⁵ Nəbbə kʊntam ba bandʊwatəm ba dəg hangʊwa nəngnga jɨnna kaniyəm a gwa giyəm, ba si pəre nən hangʊ, bərarə tatə hangʊ no kʊnnang gəri, wite na wurta fur də yəllʊwʊn ni. ¹⁶ Hanjim ba sʊwe go, ''Jiya kʊnangngi, jiya kʊnangngi bɨr də kʊntan, də mai dʊttətə bʊgrəbʊgi, na rə dʊtəttə tarsini rə tə kwiwi, ka chi rə jɨnni məksai yə kəlch-kəlchi, na wetəttə nyai na gəsəm bə kəlchə kəlchim. ¹⁷ A fʊlla kwan jɨnna kanniyʊ warigʊ ka kiya. Wʊnə nigra bə tʊng bontəlongngi, na nəbbə yora hiyəm na bwiranəm bə tʊng bontəlongngəm, bə nya jɨnni mər bwita jiyʊ gərəm a mʊra hiyəm, ka sira pre. ¹⁸ Hanjim ka tiro wite nyəng ka chu yon da jutang ka nyʊihiyəng. Kə hanjim a sʊwe go, gən dəne Bɨr da jɨrgo tən bɨrdə kʊntən?'' ¹⁹ Kə hanjim a kwiyotən kʊr a jiya duttəta jiyʊwʊng, ka tiro wite rə kumniyəng, na rə wʊrta fur də yəllʊwʊnni, ''Jiya kʊnangngi, jiya kʊnangngi a bɨr də kʊntan de, bərə bontəlongtətta hiyʊ a nəngnga jɨnna kani ya jiyʊ bərarə gənna gʊwi, a mʊra hihiyʊ. Bəraki a fʊlla kwan nyʊihi ba bwiya.'' ²⁰ ''Tə nəngnga bwiləmri a ji yagi, jii, tən nəbba nəbbən yəmbə nyammən, nəb təmrən na nəb yʊwerəm, bəraki Niyajiyʊ ba berə duutətta jɨnnʊ an gi!'' ²¹ Gʊ we təmri rə kumniyʊ, ka dəb dagi wer da jɨrgo tən werdə kwa nərwʊn, ka mauwa mʊriya wimang sʊwe rə nyəngke, ''A wai jʊwi, Babila bɨrdə kʊntan, bən maisərre hangʊ a təm rə kumni, me bən kaubwi chu. ²² Jir da nəbbə barə kutəm, bə gʊro swirtəm, na bərə letetəm, na bə mara fitəm, na rə bə guro jumniyəm me bən kau bi nwi hanjim. Me wʊne wʊ nəngnga swirda kanniyʊ wʊ bən nya a mʊriya gʊwi. Me bən kaubwi nwi jiir da kwatangnga nerən a mʊriya gʊ. ²³ Kwetərrei a gʊnggor da kərangngən, me ba kaubwiya yɨna mwi. Me bən kaubwi nwi jiyər da bweliyən na da bwe chʊwiyən a mʊriya gʊ, bəraki nəbbə rə jɨnna kaniyəm ba gəm gə bəttəm bə nəngnga dʊʊte a gʊsətəm, mənni bo a mʊriya bautangnga təm ba mʊm gʊn jʊlla nəbbi. ²⁴ A mʊriya gi gʊn nya dʊgʊm ba nəb yʊwerəm na rə ba nəbbən yəm bə nyaməm, na rə dʊgʊm ba nəbbə warigʊ bən juwo gʊsətəm.''