¹ Kʊ dɨlda jiwʊ nǝn suweri gǝn de:Nǝn ka nǝnnǝ nigra tung Jɨniya chəriya Niyajiyʊwi wʊ ka chi ya kangkǝ nyang ka dǝntǝlǝn da dʊʊtǝ ta gratǝta jiyu. ² Hangʊ bwira wa gu yʊlgoi, kandǝ nyan da nyini ruwaniyǝn dǝ Nigra rǝ bwigo a mʊwʊn, men ni ya mʊ. ³ Bǝraki wʊnǝ nigra wa nǝbbǝ tung Jɨniya chəriya Niyajiyʊwi dəg mo na nǝbǝn nətte na tung Jɨni. Bǝrarǝ nyang a chi kwag mo hangʊ ka rǝ guji ba nǝbǝnni. ⁴ Yesʊ na nu wa gusǝtǝ ki, me na ba chi ni ba tung Jɨni ya chəriya Niyajiyʊwi, a chi ka rǝ bǝ nǝngnga dan swiyerǝm a nyǝngkǝ soriya ti rǝgǝng. ⁵ Bǝ nǝngnga dǝgiyən swiyer a mʊra kanda nyini ruwaniyǝn da chi wʊlo wa Jɨni ka jiyuwi. A chi nyǝngkǝ Niyajiyʊ a mwetǝn su gǝra Mʊsaiyǝng a fʊlla wʊ hangʊ farǝ go gǝ mʊ kanda nyini ruwaniyǝng: Niyajiyʊ a sotǝn go, "Yǝm mo bǝn nǝngnga wʊnǝ ji nyǝngkǝn nugǝn gǝra həllang." ⁶ Mǝnni kʊ Kristi ka yu swiyer da li nyagʊwʊn. Nyǝngkǝ hangʊ a yulo gǝn tǝma wa yǝm bʊrǝm bǝ nyami, wa chi ya yǝm bʊrǝm bə nyami. ⁷ Bǝraki na lungo bam yǝm bʊrǝm bǝrəre jiguwam kiyar wa mʊri ki, na me dagi sǝr da bagi yǝm bʊrǝm bǝn sʊwʊm we. ⁸ bǝraki a jiwʊn Niyajiyʊ a nya nǝbhǝm rǝ yarti, kǝ hangʊ a suwe go, "Tǝ chu, kotǝ ka bere-Nigra gǝ suwere- a fulahi bǝn bʊ bagi yǝmbə fiyəm rǝ kaita Isra'ilai na rǝ kaita Yahudai. ⁹ Me ba chi nyǝra rə yǝm bʊrǝm bǝn nǝngnga na tǝbǝbban jiyǝm bǝ chiremǝm a ko wʊn tawe hanjim a kangngi na jiirmǝnne nǝn hanjim a tǝm ba Masarǝmi. bǝraki hanjim a jabǝ kak nǝ me a ban yǝm bʊrǝm, kǝn kwi hanjim rǝ kɨngngǝng-ji Nigra sʊwei. ¹⁰ bǝraki yǝm bʊrǝm bǝ bǝn nǝngnga na kaita Isra'ilaiyǝm gǝn be a bukka yai kotǝng- ji Nigra suweri. Bǝn dǝg soriya miyu a furna jiyu, bǝn kabi mʊla a mʊra furna jiyu bo. Bǝn yulo Niyajiyʊ wan jiyu, hanjim ba chi nǝb ba miyǝm. ¹¹ Hanjim me ba chi nǝb bǝ ba mǝsatǝn na wʊnǝ niya kuliyan guwi na wʊnǝ ki rə chiyangʊ, sʊwerǝ go, 'Yǝm Nigra.' Bǝraki warigʊ wan jiyu ba yǝmi, wʊ kǝtǝle yɨgira wʊ gra jiyu. ¹² bǝraki bǝn nwi kunong ka jiyǝng rǝ bunaiya Jɨni nyai ya jiwʊ a nǝngngatang, na me bǝn kabi kǝma rǝ Jɨni bwirai ya jiyu." ¹³ A butang a kangke go "Kǝ fiyǝng," hangʊ ka dǝg kǝ rǝ jiguwʊng a yulo kǝ funǝng, jiwʊ ka yuwi kota yǝlǝntǝttanguwi ka su a yǝgtǝne ki bǝn ti rǝ kɨng.