¹ Gən nə Malkisadek waiwe, nidʊ wa Salemi, ni tung jəni ya chirəya Niyajiyʊ rə gratən dǝniyu, wa nya Ibrahim kauwe bwi ya juwotang a dʊʊbi na dǝgtǝn kangngi. ² Nǝ hangʊ gun Ibrahim a ne kwan a mʊra kwau a jəni warigʊwi. Dunda hangʊwʊn "Malkisadek" jigarang kadun hən nən mo "Nidʊ wa nəngngatangnga ji nyai." Dagi dundan gən mo "Nidʊ wa Salimi," jəgarang ka dun hən nən mo, "nidʊ wa chimbǝ lǝmangngǝmi." ³ Hangʊ me rǝ te, me rə ne, me rə duk kə bən suwe mo jərewʊng, me yǝm ba buwong ka gǝnngǝnwe me ba sutang ka yuuməm we me mwatəntə we. Hangʊ nyəra Yəlliya Niyajiyʊwi, bəraki, a chin ni wʊ tung Jɨni ya kak ka Niyajiyʊwi wʊ kurəkwangngi. ⁴ Tə chu gratətta ni waiwi. Te nənnu wʊ chire-chirei Ibrahim a ne kwan na mʊra kwʊ wa jəniya yiye wa kuni. ⁵ A kagi kang, Yəlǝm ba Lawiyǝm ba yu swiyer da nǝbbə tung jəni ya chəriya Niyajiyʊwʊm ka rə sori ya ne hanjim sər go a yu kwan a mʊra kwʊ a gwa nəbbi warigʊ, go a gwa chitǝtta jiyuwi, a chi hanjim, rǝ kǝgiyəng, a jɨre wa bwiyan Ibrahimi. ⁶ Mənni a gu kulo bo, Melkisadek, wʊ mʊrgabə duk tən Lawiyu, ka yu kwan na mʊra kwʊ a gwan Ibrahimi, ka dǝgtǝn kangnga hangʊ wʊ rə yəm bʊrǝmi. ⁷ Me wʊgatang wʊ kətəlli gə yərə dəgtangnga kang a gwa wʊ grai. ⁸ A ban yǝmbe, nǝbbə bǝtǝrorəm ji ya yu kwan na mʊra kwʊ, mənni a bam bərere, hangʊ a chi me rə mwatǝnte. ⁹ A yəmma sutang, Lawi,wʊ yu kwan na mʊra kwʊwi, rə kəgang ka mər kwan a mʊra kwʊ a gwa Ibrahimi, ¹⁰ Bəra ki Lawi wa bwiya te buriyu a fʊlla wʊ Malkisadek a chiga tǝn Ibrahimi. ¹¹ Na lungo ritang ka nya bwi a tungtang ka jəniyəng a kak ka Niyajiyʊwʊng a kangka bana Lawiyəngki, (bəra ki nǝb a yu sori a gwa hanjimi), wʊlǝ ba maki nya gu ni wʊ ba chi nyǝra nǝn Malkisadeki a chi ni wʊ ba tung jəniya chirəya Niyajiyʊwi, na me nyəra nən Harunang? ¹² Bəra ki wʊlga jəni a tungtangnga chəriya Niyajiyʊwi ki, a chin bwi wʊlga sori. ¹³ Bəraki wai wʊn su yəm a jiya giyʊ wa kagi duggi, dug kə nǝngngamǝn bə gu ni nǝngnga swiyera chəriyu a mʊra jiyǝng. ¹⁴ Kʊ a tari tangsang, Nigra nənu a jiirewa duk kan Yahudang, dug kə Mʊsa su bə guji wa ji bǝrarǝ tungtang a Jɨni ya chiriya Niyajiyʊwiyǝng. ¹⁵ Ji nən suweri wa tari tangsangngi mənni gu ni ya gune nyəra nən Malkisadeki. ¹⁶ Me wa jʊwi ya soriya dugəriyu kǝ nihi a yulo ni tung Jɨni a chəriya Niyajiyʊwi, mǝnni ba chi bǝra rə kumni ta yuumbə me bən dəmən bɨngʊm. ¹⁷ Bǝraki mʊla mʊra wang a jiyan Hangʊwi mo: "Mǝn ni tung Jɨniyu a chəriyan Niyajiyʊwi kurəkwangngi nyəra ka Malkisadekəng." ¹⁸ Bəra ki sori rə jiguwi kən ti rə kəng bǝra rǝ yarmǝntang kan gǝng rə bunaiya finiyʊ. ¹⁹ Bəra ki sori ya rimən bə guji we. Warigʊ rə nyang, karǝ jiwʊn be rǝgi mo na nya titang a durwi bǝra rǝ kak nyəngkə bənən yigitən gǝra Niyajiyʊwʊng. ²⁰ A nəngnga bə bwi rə kun me buni we. A kulo kwan, bagi ba yulo nəb bə tung Jɨna chəriya Niyajiyʊwʊm me rǝ tagi buni ta bauwi. ²¹ Mǝnni a gu kulong, waiwe, Yesʊ, a yulo ni tung jəniyu a chəriyan Niyajiyʊwi nən buni ya bautang a gwa wa sotəna Hangʊwi go, "Nigra jiyʊ ka bau buni tə me ba fulgo furiyangʊwi: 'Mən ni tung Jɨni ya chəriya Niyajiyʊwi wʊ me mwatǝnta swiyer dan gǝn wi.'" ²² A nyangngi bo Yesʊ ka yulo wa nəbbən kumni ta yəm bʊrəm bə nyaməmi. ²³ A kagi kɨng, mwam a yulo nǝbbǝ tung Jɨniya chəriyəm bəraki bwiyate ka dang hanjim rə jautang a kagəng. ²⁴ Guka bo, bǝraki Yesʊ ka jau kak rǝ swiyer dan gǝn me mwatǝntə wʊng, ka yulo wʊ ni tung jəni ya chəriya Niyajiyʊwi wʊ kurəkwangi. ²⁵ Bərarə nyang bo hangʊ ka yulo wʊ jəg nəb bə kǝrtəne ra Niyajiyʊwi a gwa giyʊ, bǝraki jutǝkwang hangʊ a chi nəngnga chilan bəra nən nən. ²⁶ Bəra ki wai ni tung Jɨni a chəriya Niyajiyʊwe ga dautǝna nǝnni. Hangʊ merǝ jəni bwirai, me jiya kəbari we a gwa nəbbə Yʊlgoi kən wʊtəgo tən nəbbərə jɨnni bwiraiyəm. ²⁷ Hangʊ me rə fauntang nyəra nəbbǝ tung Jɨni a chiriya Niyajiyʊwʊmi rə jiguwi, go gǝ chi gə tung jəni jutəkwang a mʊra kotə dan-dang, rə jigu bǝra rǝ Jɨni bwirai yangʊ, ki ka dʊ ya Jɨni bwirai ya nəbbi. Hangʊ a nəngnga dan swiyer də kali kin bəra nəb warigʊ a fʊlla nəbbən durda gəni. ²⁸ Bəraki sori bǝ dəg nǝbbǝ tung jəniya chəriya Niyajiyʊwi nəb bə rə yarməntangngǝm. Mǝnni bwamǝr dǝ rə buniyən, da be bukka soriyəng, a dəg Yəlli, wʊ kən ne ritang ka kurǝkwangngǝn.