¹ Na bǝ burǝ buggǝm mwam ka kawǝr bǝnǝng, a du nǝn kwisǝrrǝ Jɨna nǝngnga bǝmǝn nǝggǝniyu warigʊ na bo rǝ Jɨni bwiraiya kussǝtǝna nǝnna bwiyʊ. Masi a mitang ka dang nǝn mwa sǝkkǝ ka nǝna kaggǝng. ² Masi nǝn kwittǝn kǝmta Yesʊwi, wʊ gǝn sutang tən mwatantang nəbbǝntang ka yǝmbǝ nyam ba nǝnəməngi. Wʊ bǝrarǝ bwilǝmri yǝn ti a kakkan gǝngngi ka mida riyang yuwarang, bo ka dǝbmǝn bujiiri tangu, wʊ ka chiya kangkǝ nyang ka gu chəriya Niyajiyʊwiyu. ³ Tǝ jǝga hangʊ wa mida rə bwiran da nǝbbə nəngnga kag nən hangʊwəm bəri jəni bwirai, a mʊra furna jɨnu kǝtǝ gu tə nəngnga latitti. ⁴ Tǝ bumən ba tə wʊgatang tǝn Jɨni bwirai yigira kwitangnga dugʊm. ⁵ bo kǝtǝ tammǝn yəgtang ka fumniyən kən məssa gǝmǝn a nyiya bǝtǝbbiyəng; Yəlla miyu, kari bǝn dǝb mwerang ka Nigrang rǝ yute, bo kari bǝn gu a fʊlla wʊn nya mwarang ka gǝngngi.'' ⁶ Bǝrakǝ Nigra bǝ mwe wʊ ka farri warigʊ, bo ka nǝngngatǝn wʊngrang wa yuwi. ⁷ Tǝ mida rǝ kʊnang. Niyajiyʊ bǝ nǝngnga gǝmǝn nyang Bǝrakǝ tǝn bǝtǝm bangǝm, Bǝrakǝ wʊnǝ bwe gu te meba mwetǝn suwi? ⁸ Mǝnni tǝ metǝnǝ mwerang nyǝra kǝ bagi ka rǝgǝng ki, kǝtǝ yullo bə merə tebǝm men bǝtǝm ba gəm. ⁹ Nǝn nyang bo nǝn ka nǝnnə nǝbba bubbǝnnǝm ba gʊsǝtem bǝ mwebǝnnǝm, bo ka nǝn ne grate. A libǝ nǝn ne grate te Weni tən yuumi ga? ¹⁰ A gu jii bo nǝbba bǝbǝnnǝm bǝ mwebǝna kotǝ bani nyǝngka chuwa dau rǝgǝng, mǝnni bo Niyajiyʊ bǝ mwebǝmǝn su bǝri fini ta dutǝtta nǝnuwi, na bo nǝn nya gujiya mʊra dʊʊtǝttangu. ¹¹ Merǝ mwerang kǝ lǝmmang a fʊlla nǝngngari, mǝni nǝn kweu. Mǝnni bo a bukkang gǝng bǝ be nǝn yǝmtang a yǝmbǝ nyam rǝ ji nya a gwa wʊn noro a mʊriyu. ¹² Bǝrarǝ nyang tǝ yǝktǝn kumniya kana Jɨnu yə nəngnga yəngəl yəngəlli, tǝn duntǝttan Jɨnu tǝ kari. ¹³ Tǝ kwaitǝna jutǝ sabbi Bǝrakǝ jiwʊn jwagiyʊ kari ba kǝrra, mǝnni a kwara. ¹⁴ Tǝ fau chimbǝ lǝmmangngǝm tǝn nǝb warigʊ, na bo yobi yʊlgoi, wʊ me mʊra Jɨnni ki, me rǝ wʊ ba chu Niyajiyʊwi. ¹⁵ Tǝ nǝngnga den bǝri guwan Jɨnnu ba buna nǝttətən dautən buwi ta Niyajiyʊwi, na karri gʊ nii tirǝtiyu ba jiye wan Jɨnni kiba berǝ ləbtətang, bǝri mwami a mʊran Jɨnni ba te bwi a gwan giyʊ. ¹⁶ Tǝ nǝngnga dǝn bo bǝri bən nya wʊrǝ talti a jəni na wʊ mebǝ ruwa nyiniyu a Jɨnna mʊri, nyǝra nǝn Isuwa, wʊ bǝri rǝ Jɨni jauriyu a mii gratǝtangʊ ta bwe kaggiyʊ. ¹⁷ A bukka gǝngngəng ka fau go gǝ nya dǝgtang a kangngi a kak, mənni kǝn ko, bǝrka nyabǝ da butang a kangngi, mǝnni nǝn kwini ka fau rǝ betǝ kimi. ¹⁸ Bǝrakǝ tǝ be ba werdǝn me mən mǝbrarǝrǝ kaniyǝn, werdǝ jarǝ kərangngǝn, kum rǝ yondǝ yullʊwʊn rǝ sǝmba rə kumniyu. ¹⁹ Tǝ lauwe ba jiirda jum nǝbǝn tattǝn rǝ jiir dǝ lǝmmarǝn, dǝ bǝ nwirǝmma nǝngnga chǝllan go kari bǝtǝ kabi tǝ nwiyǝn. ²⁰ Bǝrka dǝmǝn ba mida rǝ sori wʊn titǝni: ''Ki nǝn guji rǝ yumiya mǝbra werhǝn ki kǝkǝn mʊngngo rǝ wete.'' ²¹ Jiya tati rǝ kwani, ka dǝg Mʊsa suwe go, ''Mʊ wa mʊra tatǝ rǝ kwani, bo bwi kaire.'' ²² A jiya nyangngi, kǝtǝ be a gwa bangka Sihiyonang na bo bɨrda Niyajiyʊ rǝ Yuumiyu, bo rǝ Urshalima jiyuwi, na bo neetǝ neeta weni tǝmriyu a mʊra bwilǝmri rǝ furdǝ kwauwʊn. ²³ Kǝtǝ be a kurgarang ka bǝtǝmba kaggǝmǝm, mʊla mʊlai a ji, bo kǝtǝ be a gwa Niyajiyʊwi wʊ gǝ nǝngngatǝn duuta warigʊwi, nyang bo yigira wʊ bǝ nǝngnga ji nyam bǝ kǝn tummǝn kuniyǝm. ²⁴ Kǝtǝ be a gwan Yesʊwi, wʊn gǝ wa sǝtǝnni ta butangnga yǝmbǝ fiyǝmmi, bo a gwa dugum bǝn wassǝ-wassiyǝm a sʊ yəm ba li dugum ba Habilamǝm. ²⁵ Tǝ nǝngnga den bǝri bǝtǝ ko waiwʊ sʊgǝmǝn yǝmmi. Mǝnni hanjim a nya bǝ yiyarang a fʊlla hanjim wʊgarǝ tǝn wʊ wʊtǝn suwa hanjimi a gʊseti ki, nǝn bo me bǝnǝn nya yiyarang nyǝngkǝ nǝn ko wʊ mwe bǝmǝn su a jiyuwʊng. ²⁶ A gu fʊlla, jiir da gǝn ka mǝgga gʊsǝte. Mǝni kʊ, ka nǝbǝn yǝm burǝm go, ''Berǝ tǝn kʊ men gʊsǝtihi gǝn kwan bǝn mǝgga, mənni bo yigira ji.'' ²⁷ Tai bwantətte, ''Berǝ tǝn kʊ, ''Ka nungnge jǝgmǝntang ka Jɨni yaiyǝ ba mǝgga bwiyʊ, mǝn suwen Jɨni nǝngngai, na ba Jɨni me ba mǝgga bwiyʊwa chi. ²⁸ Bǝrarǝ nyang, nyatangnga duʊtǝttǝ me ba mǝgga bwiyʊ, tǝnǝn chi bǝrǝ wʊnannǝm, bo a mʊra wai yobi we, nǝn ruwatǝn nyiniya Niyajiyʊ a mʊra yʊlgoi rǝ yǝmtang a netangnga grate. ²⁹ Bǝrakǝ Niyajiyʊwa nǝnnu kǝrang kǝ jarǝng.