¹ Kʊ nǝbbǝntangnga yǝmbǝ nyam gǝ ngatangnga rə ji tǝ titǝn furiwi. Gǝn yutang a ji kǝmta chubi. ² Bǝrarǝ nyǝngnyinkǝg gwa tebǝbǝ chirem a nya ngatangǝra Niyajiyʊwi. ³ A gwa nəbbəntangna yəmbə nyami gun yǝm mo Niyajiyʊ a nəngnga gʊsǝte rǝ yǝmba nyiya guwʊm, mǝnni Jɨni tǝnnǝn churi nǝngngaba mʊriya Jɨni churi. ⁴ Bǝrarǝ nǝbbǝntangnga yǝmbǝ nyam gu Habila ne Niyajuyu jəni tungri ya li wa Kayinuwi rə nyagʊwi. A jiya nyang bo kǝn wer hangʊ mo wʊ nya. Ka nya ngatangka Niyajiyʊwʊng bǝrarǝ datətta nǝbbǝni. A nyangngi bo, beretǝnkʊ Habila ka surə yǝm, mǝnni wa bwiya bwiyai. ⁵ Bǝrarə nəbbəntangnga yəmbə nyam, kən dəb Anuhu yigira ji, bǝri ba chu bwiyate, ''Nyabǝ hangʊ, bǝraki Niyajiyʊ ka dǝb, ''Kǝn wer hangʊ mo ka nǝngnga ji Niyajiyʊ fari. ⁶ Ba chi rǝ bwayǝr Niyajiyʊ a nwi furdi kwawʊn nǝn mwe, nǝbbǝn be yǝmbǝ nyam ki. Bǝraki ka chi kwag wʊ ba be gwa Niyajiyʊwi, a nǝbbǝn yǝmbǝ nyam go hangʊ kawe, mənni bo gǝ ne jangəmmi bə fawerə hangʊwʊm. ⁷ Bərarə nǝbbǝntang ka yǝmbǝ nyaməng Nuhu ka yuwe tǝmrang a gwa Niyajiyʊwi a jiya jəni me mǝn churi, rǝ grate rǝ mǝlta bwi, ka yingna bongtulong ka gǝmǝying na gǝ nya gǝ yiya kaitangʊ. A jiya nyangyǝngkǝ bo Niyajiyʊ ka nǝngngatən dutta gʊsǝte. Mǝnni Nuhu ka jau kʊla ji nyai wʊ jǝrara gwa nǝbbǝntangnga yǝmbǝ nyǝmmi. ⁸ Bǝrarǝ nǝbbǝntangnga yǝmbǝ nyam ba Ibrahimǝm a fʊlla Niyajiyʊ a bu hangʊwi, ka nga a diya gu ba yuwe kulawi. Ka jǝra tau jʊwi yigira gwa yǝmbi. ⁹ Bǝrari nǝbbǝntang a yǝmbǝ nyam, hangʊ ka chi fute a tǝmba yǝm burǝmǝm nyəra rə ni fuwi. A chi chima mʊriya kungngoi tǝn Ishaku na Yakubu, Ji bəba jau kula yǝmburǝm kinǝm. ¹⁰ Bǝraki ka gug kamta jǝgga bɨrdǝ karə dɨllǝn. Bɨrdǝ səratang tən mʊtang Niyajiyʊwʊng. ¹¹ Bərarə nǝbbǝntang a yǝmbǝ nyam, Ibrahim ka nya dəməntang a bu bwei, a nyangngi hangʊ tǝn nyiyangʊ Saratu ka di pre a mʊra jətte, mǝnni bo Saratu bǝlmi, ka sumǝna fʊlla buwongngi. Mǝnni hanjim ka nga rǝ niya nǝngngatǝn yǝm burǝmmi. ¹² Bǝra gǝri nyang, ''A gwa ni kwan waiwi, wa dubə kəba bwiyangngi, kǝn bu nǝb mwam, ka yaitǝm nyǝra bǝtǝ songngi ya jiya korəni na jusai ya nyiya wimangngi, yə me bǝ ke bwiyʊ. ¹³ Waringǝm ba jiyǝm ka bǝtǝro a jiya nǝbbǝntangnga yǝmbǝ nyam, mǝnni yubə yǝm burǝmhǝm fu. A jiya nyangngi ka chuwe, a yuwe hanjim pre ka matǝn barei, ka nga go tǝn fube mǝnni tǝ ka jiya yom a gʊssǝte. ¹⁴ Mǝnni nǝbba su bam yǝm bambǝm, ka jɨre tangsang go tǝ fau tǝmba dutətan jiyuwʊm. ¹⁵ Na lungo kari kǝmarangnga tǝmba jɨrewʊm ki, na ba nya sir dǝ ba kabwiyǝn. ¹⁶ Mǝnni a nyǝng nyǝngkǝ gǝrǝng, ka fau bɨrda li nyagʊwʊn, wʊka mʊra jiyu. Bǝrari nyangngi Niyajiyʊ a nwi bǝ bujiiri bǝgǝn mo Niyajiyʊ wan jiyu, na ka yǝngnatǝn bɨr bǝra nǝn jiyǝng. ¹⁷ Yǝmba nyam bǝ Ibrahimma nǝbbǝnǝm gwa dǝg ki a fʊlla bǝnlgoi, a nǝbǝn Ishakuwʊng. Gǝn yiliyangʊ gǝn kwani wʊ hangʊ a nəbbəni, guwa yu yəm burəmmi. ¹⁸ Nən Ibrahim gun sotǝn mo, a Gwan Ishakuwi gu bǝn ne duun dukka mʊngngi. ¹⁹ Ibrahim ka nǝngnga kǝmarang go Niyajiyʊ karǝ sǝr a gug Ishaku a mʊra bwiyate, nǝn nyangbo a mʊra yǝm dǝgrǝm a mʊra bwiyate ka kabwi, a yuwe hangʊ. ²⁰ Bǝra ri nǝbbǝntangnga yǝmba nyam gu Ishaku a digtǝn kang gǝrra Yakubu tǝn Isuwai, a jiya Jɨnni, ka bera kakgi. ²¹ Bǝrarǝ nǝbbǝntangnga yǝmbǝ nyam Yakubu, a fʊlla ka nyiya bwiyati, ka digtǝn kangnga bǝtǝmba Yusufuwʊm warigʊ bǝsu. Yakubu ka nǝngnga ruwatangnga nyini, a tǝssutən bwiyangʊ a jiya damǝr da gǝnǝn. ²² Bǝrari nǝbbǝntangnga yǝmbǝ nyam ba Yusufum a fʊlla mwatǝntangu a lauwe rǝ doi, ka suwe yǝmma a jiya jǝrtangngka bǝtǝba Israilam a mʊra tǝmba Masarǝm, ka su yǝma a jiya kuttetanguwʊng. ²³ Bǝrarǝ nǝbbǝntangnga yǝmbǝ nyam ba Mʊsam, a fʊlla n'bu hangʊwi, nǝbba buwʊm, ka bara hangʊ nyǝra songngerte ti bwambi, bǝraki bwehi ka tamǝn rǝ kwani, mǝnni hanjim a nwi bǝ tatan soriya nidʊwi. ²⁴ Bǝrari nǝbbǝntangnga yǝmbǝ nyam ba Mʊsa nǝngngam, a fʊlla grai ka kwila go kari bǝm bǝgǝn mo gǝn yilla yuwiyan Fir'aunai. ²⁵ Ajiya nyangngi, ka samən go gǝ no kunang tǝn nǝbba Niyajiyʊwʊm, ajiya solotang tǝn nwetangnga lǝmang a mʊra Jɨni bwirai a fʊlla banigu. ²⁶ Bǝri ka jǝgga go notangnga kunang, bǝri fʊng tangnga Kristiyu gǝrajiya jautangnga kak a jina kaniyu ba nya Masari. Mǝnni a kwi kǝmtangu a jiya janggǝmiyangʊ. ²⁷ Nǝbban tangnga yǝmbǝ nyam ba mʊsa nǝngngam ka dǝg hangʊ a du Masar. A nwibǝ tata jwagǝr da nidʊwǝn, ka mida kida ka churǝ waiwʊ me mǝn dəmǝn churi. ²⁸ Bǝrǝri nǝbbǝntangnga yǝmbǝ nyam ka nǝngnga bwiləmriya yautangngi rǝ wʊsatangnga dugum, Bǝrakǝ niwʊ juwo bǝtǝmbǝn buwo rǝ jiguwʊm ba mǝbra bǝtǝmbǝ rǝ jiguwʊm ba Israilam. ²⁹ Bǝrari nǝbbǝntangnga yǝmbǝ nyam, hanjim ka yau wimang ka Bahar mahaliya, nyəra da tuwa tǝmbə kussǝm. A jiwʊ nǝbba Masarǝm fare gona tǝ yau rǝ kǝgiyǝng kǝ wimang a mi hanjimǝng. ³⁰ Bǝrari nǝbban tang a yǝmbǝ nyam kulli ya Yerikoi ka yar a bukkǝn hanjimma tuwe yɨgira kotǝ nyibiyǝng. ³¹ Bǝrari nǝbbantangnga yǝmbǝ nyam Rahab wʊn taliyu a bwiyabe tǝn nǝbbǝ mebǝ nwi yǝmǝm, bǝraki ka sǝk nǝbbǝ gula sir da tǝmǝm a kaitangʊ, mǝnni bo ka yo hanjim lǝmang. ³² Wʊlai ji bǝn sʊwei bo? Bǝraki fula ba yarmǝn, a chi bǝn sugəmǝn yǝmma jiya Gidiyoni, Barak, Samson, Yaftah, Dauda, Samaila, tǝn nəbbǝ yuwe yǝmmǝm. ³³ Bǝrari nǝbbǝntangnga yǝmbǝ nyam hanjim ka jau kumnita bɨttǝ mwami, ka nǝngnga jinya, na bo yuwe yǝmburǝm. Ka mǝra nyiniya turǝmti. ³⁴ Ka dumo kǝrte, ka yiya bwitan jiyu a nyina dampoti, ka nya kwaratangnga a bwate, ka yulo kwelǝm ba kunnǝm, kǝ mǝni nya jau kumni ta kʊlǝnda nǝbbǝ barə kǝrangəm langtǝm. ³⁵ Mǝni wʊtǝm ka yuwa ba bǝtǝro mǝnǝm bǝn gug rǝ yuumǝm. Kǝn ne kunang bagi, mǝnni a fabǝ chimba dutǝtan jiwʊm, Bǝrakǝ karǝ titang a furi a guntang a bwiyate. ³⁶ Bagi ka no nur rǝ kwani rǝ baurang rǝ səmbite, bautang rǝ mʊnte a mʊra jarǝm. ³⁷ Kǝn mʊngngo hanjim, kǝn wʊtugo bwitan jiyu fangngi tǝssu rǝ lagu. kǝn juwo hanjim rǝ dumpote. Ka yogorǝ duttǝta biyangka matǝng tǝn ka bitǝng. Ka mwara, kǝn fum hanjim kǝn nung kunang. ³⁸ Tǝmbǝ kunǝm bo a ti bǝ hanjim a nyiya gujiyu. Hanjim yogo ra mʊra site, mʊra bagngǝrte, tǝn həroni narǝ latee. ³⁹ Mǝni bo nǝbbambe nǝbbǝ Niyajiyʊwa ngarə gəm bǝrarǝ nǝbbǝntang ka yǝmbǝ nyamba jǝyimmǝm, a langbǝ yure ritangka yǝmburǝmǝm fu. ⁴⁰ Bǝrakǝ Niyajiyʊ ka titǝn guji wa li nyagʊwi, mǝnni me ba ri bwi me tǝnǝn kin ki.