¹ bǝraki sori a yullo wʊlo wa Jɨni nyai yǝ ka beri, men Jɨnihi rǝ butǝji. Nǝbbǝ bera gwa Niyajiyʊwi me ba rii nǝb a gwa Jɨnni tungri yǝ nǝb bǝ tung Jɨni a chǝriya Niyajiyʊwʊm nǝngngara jǝr ra jǝri. ² Na lungo na ba nǝngnga ki na dautǝn bǝ we suwe yai Jɨni tungri ye ka si rǝ langtang ga? A nyangngi, na lungo kǝn tumǝn hanjim kali kin ki, nǝb bǝ ruwa nyiniya jiyuwʊm me na ba yǝm rǝ jɨni bwirai ³ Mǝnni rǝ yai Jɨni tungri bǝ kǝmatǝna hanjimi nǝn jəni bwirai ya jiyu a jɨr a jɨr. ⁴ Bəra ki dʊgəm ba gumtəltəm tən tǝngatǝm me ba dǝbmǝn jɨni bwirai. ⁵ A fʊlla wʊ Kristi ya be mʊra gusǝti, ka suwe go, "Me mǝn farǝ Jɨni tungri me mo mǝn fau guji nǝbbǝnni. A nyangi, bwi yǝn yǝngnaimǝni. ⁶ Me mǝn nwi lǝmmang ka Jɨni tungriyǝng tən nətte warigʊ. ⁷ Kǝn suwe mo, 'Chu, mǝn gwe, nyǝngkǝ mʊla rǝgǝ bǝra nǝn me a mʊra wangngǝng, mo nǝngnga jiwʊn kǝmai.'" ⁸ Rǝ jiguwʊng hangʊ a suwe go, "Men Jɨni tungri, me nǝ guji nǝbǝnni, na yagi yǝ furi bǝra rǝ Jɨni bwiraiyu gi yǝ mǝn farǝ. Mǝ mo mǝn nwi nǝn kagi lǝmang a mʊran ji." Yai jɨni yaiye gǝ yǝ nǝbǝn ne bǝra rǝ tungtangngi nyǝngkǝ soriya ti gǝrǝng. ⁹ Ka suwe go, "Chu, mǝn gwe na nǝngnga ji furiya mʊ fari." Hangʊ a dǝbmǝn ji nǝngngarǝ rǝ jiguwi go na gǝ ti wʊn suwi. ¹⁰ A gwa kang kǝmarangi, kǝn tubǝn a gwa nǝbǝntang ka bwiya Yesʊ Kristiyu kali kin me yǝgtǝntangwe. ¹¹ A gu kulong, wʊnǝ ni tung Jɨni a chǝriya Niyajiyʊwi bǝ si ya gai ko yɨgira ko nǝngngatǝn swiyer ra Niyajiyʊ. Jutǝkwang bǝ tung Jɨni kwani, warigʊ rǝ nyang me bǝ dǝbmǝn jɨni bwirai ¹² A gu kulo bo, Kristi a nǝbǝn dʊr dan gǝn kali kin kǝ kurəkwangngǝng, ka chiya kangkǝ nyang ka Niyajiyʊwʊng. ¹³ Hangʊ bǝ yam fʊllawʊ bǝn dǝg nǝb nəngnga kag nən hangʊwʊm a yulo gǝmǝn dǝntǝlǝn dǝ ba nyǝba nani wʊnni. ¹⁴ Bǝrarǝ nǝbbǝntang ka dʊr da gǝnnǝng kali kin hangʊ ka dǝg nǝb ba kawʊrem a ri bǝ kurǝkwangngǝm. ¹⁵ 15 We Yʊlgoi rǝ bwigo ka subǝmǝn. bǝraki rǝ jiguwʊng hangʊ a suwe go, ¹⁶ "Waiwe gǝn yǝm bʊrǝm bǝ bǝn nǝngnga na hanjimǝm a bukka yai kotǝng, Nigra ga suwe. Bǝn dǝg soriya miyu a mʊra furna jiyu, bǝn mʊla bo a mʊra kǝmarang kan jiyǝng. ¹⁷ Me bǝn kabi kǝmarǝ Jɨni bwiraiya jiyu tǝn letang kan jiyǝng." ¹⁸ Kʊ gu ka yǝnotang ka Jɨni yaiyǝng wi, me kagi tungtang a Jɨni we bǝra jɨni bwirai ¹⁹ Bǝrarǝ nyang, chǝte, me nǝnnǝ jugʊr da dǝgitang a mʊra gwa li yʊlgoiyʊ bǝra rǝ dʊgǝm ba Yesʊwʊm. ²⁰ Waiwe gǝn jʊwi fi na rǝ yuumi wʊ hangʊ a wʊmǝni bǝra nǝ nǝnni a gwa duk mǝranangi, mo, a gwa bwiyangʊwi. ²¹ bǝraki ka nǝnnǝ ni tung Jɨnni a chəriya Niyajiyʊwi kunta a kaita Niyajiyʊwi, ²² masi tǝnǝn kwarre rə furni nyai rǝ yǝmtang kǝ ririyǝng me jugǝr da nǝbǝntang a yǝmbǝ nyamǝng we, rǝ furna nǝnnu yǝn tumǝn rǝ wʊsalatǝntang a dʊgǝmi na chi rǝ kaluriya kǝmarang kǝ bwirangi na bwita nǝnnu yən tʊmən rə hi yʊlgoiyʊ. ²³ Masi tǝnǝn sitǝna jiir dǝ nǝn suwe rǝ kumni na nǝn yamere, me jugǝr a mʊri, bǝraki Niyajiyʊ wa subǝmǝnni ni me bǝ ti nyari. ²⁴ Tǝnǝn chi nǝ kǝma nyǝngkǝ bǝnǝn swi bwitǝ gǝrǝng yɨgira yodai na rǝ nǝngngatang a Jɨni nyai. ²⁵ Masi tǝnǝn chi nǝb bǝ me dʊrǝ kurgaranggǝm, nyǝngkǝ yobiya bagiyʊ rǝgǝng. Bukka nyangngǝng, tǝnǝn ne kumni wʊnǝ nǝnnu a ji ya ji, tǝnǝn yǝgtǝn kumna nǝngngatang nyangi kwam kǝnǝn churǝ no kohi ka diye rǝ dong. ²⁶ bǝraki tǝnǝn jaukak rǝ Jɨni bwirai ya nǝngngatang rǝ dǝngtang a bukkǝ tǝnǝn yu yǝmbǝ nyamǝng ki, me rǝ kaggi tungtang ka Jɨniyǝng ka dutǝn bǝra rǝ Jɨni bwiraiyǝng. ²⁷ Kǝ bǝnǝn nǝngnga nyangngǝng, ka duutǝtta tati tǝ nǝn yameri we, tǝn kǝrang kǝ kwewʊng kǝ ba ju nǝb bə nəngnga kag rǝ Niyajiyʊwʊm we. ²⁸ Ni wa komǝnna fʊngtang ka soriya Mʊsaiyǝng ba bwiya me bǝn nwi kunong ka gǝng a nyi ya nǝb bǝsu yɨgira bǝ bwanbi. ²⁹ Tǝ chu kunong kǝ nyǝnǝng ka dautǝwʊ bǝ ne ni wa fiya Yǝlla Niyajiyʊwi rǝ naniyu, wa dǝb bǝ dʊgǝm ba yǝm bʊrǝm a nyiya gujiyu wʊ yʊlgoiyʊ-dʊgǝm bǝ kawʊre hangʊ rǝgǝm-na kabi ya kǝba We wa ne nǝttǝttǝ ni ya dautǝn bǝ wiyu? ³⁰ Bǝraki kǝnǝn yǝm wa suwe go, "Yamǝntang nǝn kinǝng; bǝn mǝr." Na yǝgtǝn bo go, "Nigra gǝba nǝngngatǝn duuta nǝb ban gǝm. ³¹ Jiya tati rǝ kwani ni ya yarra kang ka Niyajiyʊ rǝ yumiyǝng! ³² Mǝnni tǝ kǝma rǝ kota suwi, bukkǝn jǝgga gǝmǝnnǝng, nyǝng kǝ tǝ mida rǝ kunong kǝ tǝ no rǝ kwaniyǝng. ³³ Kǝtǝ yulo jiya nʊri na wa kǝbari a tari tangsang rǝ jiya kunonggi warigʊ, kǝtǝ nya dʊtǝttan Jɨnu a mʊra kunong tǝn ba mʊra kunongngǝm. ³⁴ Bǝraki kǝtǝ nwi kunong rə bǝ ka mʊra jarǝmǝng, na tǝ yu rǝ bwilǝmri Jɨna Jɨnu yǝn yǝgǝ mǝni. Kǝtǝ yǝm rǝ butǝJɨni to ka tǝnǝ Jɨni yǝ nyai yǝ me bǝ jiiri. ³⁵ Kari bǝtǝ kusǝre tai kumni ta furiyu ta jənu, tǝ karǝ jangǝmi kuntaiyu. ³⁶ bǝraki tǝ fau mitang ka dang, na ba tǝ yu ji Niyajiyʊ a suwe rǝ langtangi, bukkǝ tǝ nǝngnga nyǝng kǝ kǝma gǝrǝngi. ³⁷ "Bǝra ka yǝgtǝne bani ki, wʊ beri ba be bǝn jum me rǝ langtang. ³⁸ Niya miyu wʊ nǝngnga ji nyai ba nya yuum bǝra rǝ nǝbǝntang a yǝmbǝ nyaməm." ³⁹ Mǝnni a kabi rǝ bukki me bǝn nwi ləmmang. Mǝnni, nǝ ka mʊra ba nǝbbǝn yǝmbǝ nyamǝm bǝra rǝ nyatang nga yuuməm.