¹ Bərarə chim ba durəng Kristi a jəgbən. Tə si rə kumni, bərə bətə yartəna həllata jəni nəngəni ya keweti. ² Jəgga,me, Bulus, mə sugəmən mo tǝ nga mwiyagən kwaltə ki, Kristi me rə fini a jəni. ³ Mən sugəmən mo ni wa nga mwetən biyangka kwaliyəng a chitən bwi ya fung sori warigu. ⁴ Kən təsəgəmən a Kristiyu, jən bəbən jəgən a gwa soriyu; metǝ məbrarə nǝttettən dabə bo. ⁵ Bəra ki a gwa Wei, a gwa nǝbbǝntang yəmbə nyaməm, nǝn yam titang ka furəng ka jəni nyai rə jəllən. ⁶ A mura Kristi Yesuwi mwetang kwali tǝn bunai ya mwetang kwali me nǝn guji, mənni nəbbəntang a yəm bə nyam nəngnga swiyer a yodai. ⁷ Kǝna tǝ nu tə mwarǝ nyagu. Wunǝ ga dangǝn rǝ fungtang a yəmbǝ nyam? ⁸ Kan wutang ka furiyəng ke a be ba gwa hangu wu bǝgǝne. ⁹ Bari bani ki ka dəg miyim bǝn fuwum a gun. ¹⁰ Mən kamənnə bautang a furi a mura Nigra mo bətə tə dəb kagi kəmmarang. Ni wu ba dagəni ba yu ji ba fungei, ki nən wunəki. ¹¹ Chite, jau kak rə sitang finang ka mwetang biyangka kwaliyǝngki, bərə wulai tə ni kunang berǝ tən kuwung? A wai ji wer dǝn tǝl nawun da riyang yuwarangǝn kən jəgmən. ¹² Ba dangənnnə yəmbə nyam mən fau mo məna jəgmən hanjim. ¹³ Bǝraki Niyajiyu a bǝgǝne wa nyatang ka chimba durəməng, chite. Mənni kari bətǝ nəngnga fini rə chim ab durəm ba jənəm a chi sər da nəngngatang a jəni bwirayəm. A nyangi, a gwa yodai tə nǝngnga tǝn swiyera bwitan jənu. ¹⁴ Bǝraki sorǝ warigu a ribwi a ji ya sori kwan; "Go "a chin kwag yotǝn da chuma kuliyu nyəra rǝ dur da mun." ¹⁵ Mǝnni tǝ su təgatang a nunte na jarə namta bwitang jənuwi ki, tǝ nǝngnga den bəri bətə lʊgtə dʊtəttan jənu. ¹⁶ Mǝ suwe mo, tǝ yoyom a gwa Wei, ki me bətə nəngnga jəni bwirai yə bwi fari. ¹⁷ Bǝraki ji bwi jəni bwiraiyu fari bǝ nəngna kag rǝ We, ji We fari bə nəngnga kak rə bwi rə jəni bwiriayu fari. Waringəm ban jǝyǝm me bǝ nwigore, na ba kari bətə nǝngngai jəni tə fari. ¹⁸ Mənni ki We fung nən jənki tə me həllata soriyu. ¹⁹ Ku swiyetətta bwiyu wa tari tangsang. A murga rə talte, bunai ya kaluriyu, jəllən də bwiran, ²⁰ nəngngatang a weni, bautang a təm, fri kwewi, bwigate, nugʊn, jwagər, dwigorte, bunai ya nwigotangngi, wutugotang, ²¹ jəllən, norotang a jɨni bwirai, na yagi jəni nyəra yaiye. Kən sugəmən, nyǝngkə sugəmən rə langtangngən, mo warigu nəbbə nǝngnga yai jǝni yaiyǝm me rǝ kula a dʊʊtǝtta Niyajiyuwi. ²² Mǝnni bətəm ba Wei Yulgoiyǝm gə be, məksate, chim bə lǝmmangən, mitang ka dang, nəngngtang a nyaguwi, nəngngtang a yəm bə nyam, ²³ səgtang a dur, tautanga dur. A ji ya yai jǝni me sorǝ we. ²⁴ Bə ba Kristi Yesuwum warigu ka yuwa bwi rə jəni bwirai tǝn jəllən da gən. ²⁵ Nən chi a gwa Wei ki, masi tənən yo mura We. ²⁶ Kari bənən chi rə gugtang a dur ,nəbbə rə muggorəm, rə bə nəngnga nugtəm, rə bwitəm.