¹ Chite, ki bə nya ni nǝngnga yəgai jəni bwira ki, jən bǝtǝ rǝ We nyai tǝ kauwe bwi rǝ wai we dendeni. Tǝ kǝmmarə rə dutəttan jəni, bǝra bǝtǝ yəra a bəngorang rǝ kǝngniyəng. ² Tǝ dəb nǝgǝni ya bwiti, na tǝ ri sori Kristiyu. ³ Kə karə kəmmarə go gəng guji ki, na hangu me nǝn gujiyəng, ka jula dʊr dan ngǝn. ⁴ Wunə ki a bəngo swiyer da gǝn na nya jiya gug tang wertang a bwiyu, na kari ba bǝngotang a dʊdangǝn tǝn gu. ⁵ Bǝrarǝ ki wunə ki ba dǝb nǝggəni. ⁶ Wunə wu məsatən bwani a chin kwak a wutogo jəni nyai tə wa məsatəni. ⁷ Kari bən jula gən. Me mən nəngngatən nʊr a Niyajiyu. Jiwu ni ya wauwi, gu ba harri. ⁸ Ni wa wau ji bwira a yobi ya bwiyu, a gwa yobi ya bwi ba har kiyatang, mənni wa wau a mura yobi ya We, ba har yum bə kurəkwangəm a gwa Wei. ⁹ Karǝ bǝnǝ gu rǝ nǝngngatang a ji nya, bǝra ki a fula dautən we bǝnǝn har, nən gubə ki. ¹⁰ Bǝrarǝ nyang, nyǝngkə nya sǝr gərəng, tǝnǝn nǝngnga tǝn ji nya nəb warigu, nyəra rə ba ka kaita nəbba nəbən yǝmbə nyaməm. ¹¹ Tə chu wani mwami mulagəmən rə kangka miyǝng. ¹² Bə farə go tə dəb yulo ji nya a bwiyu kə farə go tə dəggən kwak tə mwemən biyang ka kwaliyəng. Bə nəngnga jǝni yaiye go na ba karə bən nəggi kunang bəra rə riyang yuwarang ka Kristiyǝng. ¹³ Bəraki men bambe bəm muyatən biyang ka kwaliyəm a so sori, mənni bə fau go tə mweyamən biyang ka kwaliyəng na tə nya jiya wertangna a bwiyu a bwita jənu. ¹⁴ Mənni kari bən chi rə wertang dur a summən a riyang yuwarang ka Nigra Yesu Kristiyəng, a mura yuwa riyang yuwarang a gusutə bəra nən mi na me bəra gusutəi. ¹⁵ Bǝra nyang rǝ mwetang a kwali tǝn bunai ya mwetang a kwaliyu me nǝn guji, mǝnni fini gən buwong kə fiyəng. ¹⁶ Yigira gwa warigu ba fung rə wai sorǝ wum, masi chim bǝ lǝmangǝm rə bumte a chi nən hanjim, tən Isra'ila Niyajiyuwi. ¹⁷ Jiya dəb a ku wi yigira kak kari guni ba dai, bəraki mən kamənə dələntədai ta Yesuwi a bwiya miyu. ¹⁸ Masi nətəttən dabi wa Nigra nənnu Yesu Kristiyu a chi rə we jənu, chite. Amin.