¹ Jǝn Galatiya mɨtǝ! Wuna dǝgǝmǝn jullai? A kak ka jǝnǝng Yesu Kristi wung nungǝn kweterei, kǝtǝ chu rǝ kǝmta jǝnnu buro. ² Wai wu gǝn ji mǝn farǝ mo mǝn yǝm a gwa jǝniyu: Ki tǝ yu We a gwa swiyeri da soriyǝng a gwa ngatang a ji nwi yu ga? ³ Tǝn mɨtǝ ga? Tǝ su a gwa Wei, mǝnni tǝ mwarmǝn nǝn a gwa bwiyu ga? ⁴ Tə no kunang a jǝni mwam nən kun ga-mənni nyang ki rə kun ga? ⁵ Hangu wu nəggən We na nǝngnga swiyer da mǝnatang a buniyǝng a sǝttǝni ta jǝnuwi a nəngnga nyang a gwa swiyer da soriyǝn, a nwitang tǝn nǝbbǝntang a yəmbə nyam ga? ⁶ Nyǝngkǝn Ibrahim ''a nebbǝn yəmbə nyam a Niyajiyuwung, na bo kən ke nyǝra nəngnga tang a ji nyang." ⁷ A juwi kwani, tǝ jǝgga to bə nəbbən yembə nyaməm bətəm ba Ibrahiməm. ⁸ Wang ka suwe kak kʊni go Niyajiyu ba jǝg nəbba kumǝm a gwa nǝbbǝn tang a yəmbə nyam,ka wau yǝmbə lǝmmangǝm a fulla Ibrahimi a be bi:suwerǝ go ''a mura mwi, nəb warigu bǝn dǝgtǝn kang.'' ⁹ Bərarə nyang, ba nəbbən yəmbə nyam kən dǝgtən kang tən Ibrahim, niya nəbbən yǝmbǝ nyammi. ¹⁰ Ba mutǝn ji a swiyer da soriyǝn warigu kǝn nǝngantǝng nyi, bǝngǝ mula mo, kǝn nəngnga nyi a ba sittǝn ba jǝniyǝn mulla mura wangka soriyǝng warigu, na a gwa hanjimi.'' ¹¹ Ku nǝn kwetere mo merǝ ni ba jir a kang ka Niyajiyuwung a sori, bəra kə wu nəngnga ji a nyai ba chi a gwa nǝbbǝntang a yǝmbǝ nyami.'' ¹² Mǝnni sori me gwa nəbbəntəng a yəmbə yəmi, a nyangi ni nǝngnga swiyer da soriyǝn a chin kwak a chi ya muri.'' ¹⁵ Chitte, masi su yəm a mura bwantǝtta nəbbi. A mura ngatang ka niyəng, me rǝ wu ba tirǝ kǝng, na bo yǝgtǝn, nyǝngka yullon yobi. ¹⁶ Ku yəm bʊrʊm bambe sotəna Ibrahimi tən suwur da gən. ''A Suwe be go a gwa suwur da gəni'' yigira bǝ mwami, mǝnni a nyangi a kwan bwigi 'na tǝn suwur da mung, wu nǝn Kristiyu. ¹⁷ Ku ji mən kǝmmari gwe: Yobi ya be jəttə bǝtǝttǝ gwar rə furtə bwanbi a bugi a tursamǝn bǝ yəm bʊrǝm bə Niyajiyuwa bu kuniyǝm. ¹⁸ Na lungo kulla hi a be gwa soriyu ki, nyangki a bebǝ gwa yəm bʊrǝmi. Mǝnni Niyajiyu wa ne Ibrahjim a gwa yəmbʊrǝmi. ¹⁹ Wulai, bo, gǝn fini ta soriyu? A yǝgtǝn bwi bərarə jǝni bwirai, yigira fulla suwur da Ibrahimǝm ba ben, bǝ nǝngngatǝn yǝm burǝm a jiyǝm. Kǝn su swiyer rǝ soriya mura weni tǝmri a gwa ni dəgəra sǝttənniyu. ²⁰ Ku ni dəgira səttənni ka sumen a ni kwan mǝnni Niyajiyu kwan. ²¹ Mǝnni sori bǝ nǝngnga kag rǝ yəmburəm ba Niyajiyuwun ga? Me nǝn nyang! Na lungo kən nəbən sori wu ba dǝmǝn a nǝbǝn yummi ki, nyangki nǝngngatang a ji nya na ba be a gwa soriyu. ²² Mǝnni Dundǝ yulgoiyǝn ka mǝra jǝni warigu a mura jǝni bwirai. Niyajiyu a nǝngnga nyang na ba yǝmburǝm a yiya bǝn a gwa nǝbbǝntang a yǝm a yǝmbǝ nyam a mura Yesu Kristiyu wu bǝn nǝbbǝn a ba yu yǝmbǝ nyamǝm. ²³ Ku bera fulla yutang a yǝmbǝ nyam a bei, na nu nǝn keweta soriyu, buwabǝn a jarǝm bera fulla bǝn jǝgge yu yǝmbǝ nyamǝm. ²⁴ Bǝrsrǝ nyang sori ya yullo bǝnǝn ni tori yigira fulla Kristi ya bei go na tǝnǝn nya yiyatang a gwa nǝbbǝntang a yǝmbǝ nyami. ²⁵ Mǝnni ku nǝbbǝntang a yǝmbǝ nyam a beng, me kangka ni toriyǝng. ²⁶ Tǝ yillǝm ba Niyajiyuwun warigu a gwa nǝbǝntang a yǝmbǝ nyam a mura Kristi Yesuwi. ²⁷ Nyǝngkǝ mwama jǝnu nǝngngatǝn batisma a mura Kristiyu, kǝtǝ yu Kristi. ²⁸ Me Yahuduwa we, me Helinawa we, me kewe mǝ bwe kaiyu, me nibari,me nyi we, bǝrare ki waringǝm ba jǝnǝm ti ji kwan a mura Kristi Yesuwi. ²⁹ Kǝn jǝn tǝ ba Kristiyǝm ki, tǝn suwur da Ibrahimǝm ,tǝn bǝ jarǝ kullam bǝra yǝm buwarǝmǝm.