¹ Agaiyǝng a bukka juttǝ kwau a jir gwarǝng kǝn kauwe bwi a Urshalima mǝnǝng Barnaba. Mǝnni kǝn dǝb Titus nǝn diya kin. ² N'diya gai bǝrǝ churong kǝ nʊngi hanjim yǝngkǝ si finang ka yǝmba lǝmangǝm a mura nǝbbə me Yahudawam. mǝnni su yǝm bǝmanbuwi a bǝn churi kari finiyǝm, Nangnga nyang na ba nʊngǝn mo me mǝn mwa sǝk-mwa bǝ sǝk-rǝ kʊn. ³ Mǝnni me nǝn Titus, wuna nun ni ya Hellinawai, dǝg bə kwan mwemǝn biyan ka jʊnnǝn. ⁴ Chǝtǝtta nyati ka digiye a kǝlukǝlubwi go na tǝ sǝnna sǝrdǝ nǝn nya a mura Kristi Yesu. Hanjim bǝ fau go tǝ dǝgbǝn nǝn chi keweta. ⁵ Nǝn nǝbbǝn bǝ dutte hanjimi a fulla bayǝ, na ba yǝmbǝ lǝmmangngǝm bǝ nyam a chi nǝn jɨn. ⁶ Mǝni bǝ ka chiro mo kari finiyǝm (wʊnni ji hanjim a nǝngngai a daibe. Niyajiyu me bǝ nʊng dǝndangngi)- Bǝ rǝ nyang, kǝn sʊwe mo bǝn churǝ nǝn finiyǝm a tugai bǝ rə guji. ⁷ A gu kullo dang, hanjim ka chu go kǝn nga nǝn me a yǝmbǝ lǝmmangngǝm yigira bǝn mwetǝn bǝ jʊnnǝm, nǝngkǝ ne Bitrus finag ka yǝmbǝ lǝmmǝngngǝm a gwa nǝbbǝ mwetǝn biyangka jʊnnǝng. ⁸ Mǝni Niyajiyu gǝ nǝngnga swiyer a mura Bitrusi bǝra swiyer da ni tǝmri yigira nǝbbǝ mwetǝn biyang ka jʊnnǝyǝng, nyang bo bǝ nǝngnga swiyer a muriya me jigira fʊbe. ⁹ Ji Yakubu, Kefas, na Yohana, bǝ yǝm yira ba mwo kʊllǝn da Niyajiyuwi na jǝgga nǝtǝttǝn niyu, ka nǝbbǝn kang kǝ nyan ka murgatangnga durrǝn Barnabas na me. A nǝngnga nyang go na nǝn diya kin yigira nǝbbǝ ka kʊmmǝm, na ba tǝ diya bǝn mǝtang biyang ka jʊnnǝn. ¹⁰ Hanjim ka nǝngnga chəllan go nǝn kǝmma rǝ nǝbbǝ me rǝ jǝnna kaniyǝm bwigi, gǝn ji mǝn kǝmma rǝ mo mǝn nǝngngai. ¹¹ Mǝnni a fulla Kefas a be i a Antikiyai, kǝn melatǝn yǝm rǝ kak rǝ kak bǝra ki ka jǝggǝ durdang gu a mura bwiran. ¹² A fulla nǝbhem a dimǝnne wa Yakubuwi, Kefas ka jarǝ jɨnni jauri tǝn nǝbba me Yahudawam. Mǝnni a ji nǝbbam bǝ bei, hangu ka si, ka jǝngmǝn bwi a gwa nǝbbə me Yahudawam. Hangu nanu bǝ nwi tate bǝ farə go mwiya gǝmǝn biyanka kwaltang. ¹³ Nǝn yang bo rǝ bagi Yahudawa bǝ ka gaiyǝm ka fʊng juwiya nǝbbǝ nyuni tǝsʊwʊm. Barnabas rǝ kǝggan ka fung nǝbbǝ nyuni tǝsʊwʊm ¹⁴ Mǝnni a fulla chu yobiya jiyu me bǝ fʊng yǝmbǝ nyam ba yǝmbǝ lǝmmangngǝm, kǝn sotǝna Kefasi a kak ka jɨyǝng warigu mo, "Kǝmman ni Yahudai ki mǝnni mǝn nǝngna jǝniya nǝbbǝ Yahudawam na me nyəra ni a Yahudai, ba nǝngnga go yǝnni ki tǝ dǝg kwak nǝbba kʊmmǝm a chi yira Yahudawa?'' ¹⁵ Nɨn na butɨnɨnni nǝn Yahudawa agwa buwongngi, me ''nǝbbǝ me Yahudawam rǝ jɨnni bwiraiyǝm." v 16 Kʊ kǝ nǝn yǝm, merǝ ni ba nya jǝgtang bǝra swiyer da soriyǝn da gǝn, mǝnni a gwa nǝbbǝntangnga yǝmbǝ a mura Yesʊ Kristiyu. Nǝn be gu nǝbbantanga yǝmbǝ nyammi a mura Kristiyu, na ba nǝn nya jǝgtangnga agwa nǝbbantangnga yǝmbǝ yǝmmi a mura Kristiyu me gwa swiyertǝta soriyu. Bǝra swiyertǝta soriyu me ni ba nya jǝgtngngi. ¹⁷ Mǝnni nǝn fau jǝgtangnga a mura Kristiyu ki, nǝn rǝ kǝnniyǝn kǝn nyabǝn rǝ jinibwirai, Kristi ka yǝgtǝn grate jinibwirai ga? Me bǝ nǝngnga bwi. ¹⁸ Mǝni kǝ bǝn kabi mo jini mǝnna luktiki, kǝn ti durdamiyǝn me mǝn fung sori. ¹⁹ A gwa soriyu kǝn bwiya a sori, na ba chi bǝre Niyajiyu. ²⁰ Kǝn yuwai a riyang yuwarang nǝn Kristi. Me nǝn me rǝ yummi, mǝni Kristi ga mura mi. Yombǝ me yorǝm kʊwʊm a mura bwi, mǝn yo mura nǝbbǝntang a yǝmbǝ nyam a mura Yǝla Niyajiyuwi wa yomǝndaai, na nǝbbǝn durda gǝn bǝra nǝn mi. ²¹ Ti be nǝtǝtta Niyajiyuwi rǝ kǝng, kǝ jǝgtang bǝ nya bwi a gwa soriyu ki, nyangki Kristi bwiya nǝn kwʊn.