¹ Mən fau mo tə yəm nyəngkən prəsə bwi grə deniyəng bəra nən jɨn, na bərarə bə ka Lawʊdikiyam, na bo bagi mwam ba chʊməm bə kak ka miyəng a mʊra bwiyəm. ² N'nəngnga swiyer na ba furna jiyʊ a nya kumni a gwa mʊrgatang ka dʊrəngngi a mʊra yodai yɨgira jina kaniyʊ ya yəmbə nyami na rə titang a daa warigʊ yɨgira yəmtang a jiya kəllʊtang ka yəmbə nyam ba Niyajiyʊwʊmi, nən Kristi. ³ A gwan giyʊ warigʊ bənni a dəlti na yəmtangngi a barabara bwi ⁴ N'sʊwe nyang bəri gʊ ba jʊlagən rə yəm bambe a wʊ kəmmarang ka jɨnəng. ⁵ Nyəngkə nən me kin a mʊra bwi, a nyangngi nən ka kin a mʊra we. Bənnə nəngnga bwiləmri rə chutang ka jɨnəng a yobi nya, na bo, rə kumnita nəbbəntang ka yəmbə nyam ba jɨnəm a mʊra Kristiyʊ. ⁶ Nyəngkə tə yʊ Kristi Nigrang tə yoyom a mʊragi. ⁷ Tə si rə kumni a mʊriyangi, tə mʊ bwi yangi, tə si rə kumni a nəbbəntang a yəmbə nyam nyəngkən məssagəmmən gərəng, tə yɨgtən bwi a mʊriya nəngngatangnga wʊnnan. ⁸ Tə jəga nyagʊ kari gʊ ba wʊgən a jʊwi ya yəmtangngi na jʊlai rə kʊnni wa gwa yobi a nəbbi a jiya fʊngtangnga jɨna gʊsəti me wa Kristiyʊ. ⁹ A mʊriya gi ka jəgge Niyajiyʊtangʊ a mʊra bwi. ¹⁰ Jɨn kətə rii a mʊra gi. Gən dʊr tən kumni na dʊʊte. ¹¹ A mʊriyang gi n'gʊn mwiyagəmən kwalte me nyəra rə ka nəbba gʊsətəmi, nyəngkə mwemən kwaltə gərəng, mənni a mʊra mweməntang a kwaliyəng ka Kristiyəng. ¹² Kən dəggən kin a jʊwiya batismai. Mənni bo a mʊriyang gi kin guggən kin a nəbbəntangnga yəmbə nyam a mʊriya kumnita Niyajiyʊwi. Wa gug hangʊwa bwiyati. ¹³ Fʊlla tə katə bətəro-bətərroiyʊ a mʊra bwiran da jɨnən, a mʊra bʊnaiya mwetang kwali ya bwiya jinʊwʊng, ka nəggən yuumum tən hangʊ, ka yəno bəmən bwiran da nən nən. ¹⁴ Ka tʊrsəmən sʊunte mʊla mʊlaiyʊ na sori nəngnga kak nən nənni. Ka jəgmən warigʊ a bu a riyang yʊwarang. ¹⁵ Ka tʊrsamən kumni tən dʊʊte, a tari kwetərre, ka gʊlla swiyir da jiyən, ka jau hanjim rə kun a gwa riyang yʊwarangngi. ¹⁶ Bərarə nyang kari gʊ ba nəngnga gəmən duute. A gwa jautangngi tən notang, na bo bwiləmri a swangkə fiyəngngi, na kota gəriyʊ. ¹⁷ Yaiye gən kəngləng ka jɨni ba be a kak ki, mənni wʊ nən Kristi. ¹⁸ Kari wʊnə wʊ fari səgtangnga dʊrəng ka netangnga grate weni təmriyəng a nəngnga gəmən duute kitə bʊna nəttətta jɨnnʊ. Wai ni bə dɨgiya mʊri a jɨniya chʊwi, ka chi ni rə gugtang a dʊri a kəmmarang kagəng na bwi. ¹⁹ A mʊrga bə bwi tən dʊr. A gwa dʊrhənni warigʊ sʊnni bwi na nətte nəngnga fini a mʊrga bwi grare rə gran də Niyajiyʊwʊ nəbbən nən. ²⁰ Kətə bwiya tən Kristi a mʊra jɨna gʊsətə ki wʊlai ya ma k itə yoyom da tʊwa mʊra gʊsəttəng; ²¹ ''Kari bətə tau, kari bətə məbra, kari bətə nwi''? ²² Jɨni yaiyə warigʊ jitang ka gəng bə kiya-kiya ka nəngnga fini rəgə ki, a jiya sori na məssartətta nəbbi. ²³ Sorihi waiwe warigʊ nən bərsan nyəra da fʊnkorən da səgtang ka dʊrrən na netangnga kʊnang a bwi. Mənni merə finita gʊjiyʊ, a ji jəllan bwi farən.