¹ Bukǝn nga rǝ yom ba Italiyam, kǝn yaking Bulus tǝn bagi nǝbba mura halatǝm a kangkang ka gu kweli bɨrǝ mo Yuliyas, wa mura dǝgriyang Agustasi. ² Kǝnǝn dǝgi a buntulung ka hiyəng a Adramatiya, wu farǝ guntang yigi rǝ do rǝ kǝngka wimangka Asiyang. Kǝnǝn dǝgi a wimangǝng. Aristakus niya Tasalonika a mura Madokiyai ka fungbǝn. ³ Tǝmasilang kǝnǝn sǝg bwi a bɨr da Sidonəng, gun Yuliyas a yu Bulus re grati na ka nga go kagǝm ba yomǝm a fung hangu na gǝ no rǝ ge. ⁴ Nǝn gun a gaiyəng kǝnǝn kwaitǝn wimang yigira fun da Kuburusǝnəng bǝrarǝ simba re kumni a dǝgbǝna kaggǝ. ⁵ A bukkə nǝn yau hiyəng yigira ganiya Kilikiya tǝn Bamfaliyai, kǝnǝn lauwe Mira tǝn bɨr da Lisiyan. ⁶ Mǝn ka gaiyǝng kǝ kweli a nya buntulong ka hiyəng, ka jǝre wa Iskandariya yigira Italiyan. Ka dǝgbǝn na muriyəng. ⁷ Kotə rǝ kote nǝn yǝgi yom denden rǝ bwaigu kǝ nǝn sǝg bwi rə dori Sinidus, simba ka dangbǝn rə yom kǝ nǝn mul a Karitang, bǝmtǝna Silomi. ⁸ Rǝ kǝnʊng kənən fung kǝng ka wimangǝng yigira gun bǝrǝ mo gu nya bǝmǝn wi. ⁹ Kǝnǝn lang deni, fula Yahudawa so hi wi ka su, yombem ka ci ba mitanga a yumǝm. Bulus ka wu bǝmǝn suwʊng. ¹⁰ Go nǝb mǝn cu yom bambe ba chi rǝ bwiran deni, me ba tǝktǝna bontulong rǝ jǝni dang nin ji, nyang rǝ yuum ba nǝnnum. ¹¹ Mǝnni kwelihi ka li kautang a su a nigrangu tǝn ni wu bontəlongi a li jin Bulus a suwai. ¹² Brakǝ gu bontəlongtə seg bwi rǝ guntangi me ba lǝm chim a fula lattǝtiyuwu, nǝb mwam ka suwe gon du gai, yom a nga bǝmǝn ki nən lau bɨr da Finikiyam, na nǝn nǝngnga fula latitiyu a gai. Finikiya gwa guntang tən sǝgtang ka bontəlongtən a Karita, bǝ jigang kulo jiyəng tən tur. ¹³ Fulla sǝmba jire den a kulo tuwangngiyəng hanjim bə lungo kǝtǝ nya dǝndini kǝn hanjim a wumən dukkǝ tarǝ buntulongǝng, ka duwa Karitang, a bəmtənna bangangǝng. ¹⁴ A wu bǝ rǝ sunəng kǝ yu səmba brǝ mo Yurokilidon, ka su wunglabǝngnǝng. ¹⁵ Braki bontəlong hǝng a dǝmǝn ba yoyom kag rǝ kag tǝn səmbang kǝnǝn fulga bwi nǝn fung səmbahiyəng. ¹⁶ Kǝnǝn fun gu nǝn nya yiyarǝngngiwi do rǝ dǝgai fur dǝn brǝ mo Kaudan, bo rǝ bwaigu nǝn nya nǝn butǝn be bontulong kə kətəlləng a kə kuntang. ¹⁷ A gugǝng ka nəngnga fini rə həllate go na tǝ buwa bontulong kari ba yar a jusai a Sirtisi, ka du bantolung nən hanjiməng. ¹⁸ Sǝmba hi ka wunglabǝn deni, tǝma silang nǝbbǝ fung nǝngnga swiyer rə bontəlungəməm ka su kwi sǝ rǝ jəna mura bontʊlongǝng. ¹⁹ A kong bwanbiyunwung nǝbbǝ fung buntulongǝm ka kwiyo sǝre jəni warigu rǝ kanajiyu. ²⁰ Ka dǝb kotǝ mwam me kwetǝrai koyi tǝn betǝ swangngi a jita nǝnnu,səmba rə kumniyu yo nən nən, kənən jigmən furni a nəngngatanga a yuum. ²¹ Ka dǝb kote jabǝ jəni jauriyəng, kən Bulus a guna sissi a kakka nəbbə nəngnga swiyer a buntəlongəm a suwe go, chətte lungo kǝ tǝ kautǝn suwa mi ki na tǝnǝn gunmǝn ba Karita, bo me na bǝnǝn nya wai yariwe rǝ bunai. ²² Kǝ mǝn sugəmǝnǝ tǝ tau fri bəraki merǝ wu ba buna yuum ba gəmmi a mura jǝni, ba tǝktǝna buntəlong gǝn kwan bǝnǝn jirr. ²³ Braki kum a suwi we tǝmri ya Niyajiyuwi mǝnǝn wugai, mə bo mǝn fungriyu we tǝmriyangu ka si rǝ do nǝn me, ²⁴ Ka suwe go "kari bǝn nwi tate, Bulus, a cin kwak siya kakkan Kaisarəng, jiga bo, Niyajiyu bərarǝ bumtangu ka nǝn kagǝm ba yomǝm ba mum warigu, ²⁵ Brarə nyang birmǝn tǝ tau fri kǝn nǝbbǝn yǝmbǝ nyam a Niyajiyu mo nyəngkən sǝmǝn rəgǝng ba chi nyang. ²⁶ Mǝnni a chi kwak in kwibən a ji ta dəgai funni. ²⁷ A fulla kumwə kwu a ajir gwari a lauwəng, səmba ka nyəngobǝna buktǝ kak a wimang ka Adariyang, rǝ jugǝr da kumǝn, nǝb bǝ wurə bontəlongǝm kǝ lungrǝ go kǝ tǝ nəngnga do rə bagi tǝm. ²⁸ A bǝnggo wululoi a nya furtǝsu, a yǝtǝnəng ka kaubwi a bǝngong a nya kwu a jǝrtǝ nʊ. ²⁹ Tate ka tau hanjim, kaiki kwi bǝnna wete, ka kwi duttǝtǝ dǝg bontəlung a sissiyu tǝ kwar, ka dǝgiya ruwaninyiniyəng go tǝma sila wulag. ³⁰ Nǝbbǝ nəngnga swiyera bontəlungəm ka fau juwi bə wulga tǝn buntlungəm, bo ka maitǝn be buntǝlungni a wiimangəm, ka fau go tǝ kwi jəni dǝg bontəlung ka sissiyu a kak ka bontlungǝng. ³¹ Mǝnni Bulus a sotǝn na kweli tǝn nǝbbǝ barǝ kǝrangngǝm go nǝbhəm bambe a chi ba mura bontulung ke me bǝn yiya ³² Kǝ nǝbbǝ barə kǝrangngǝm a mwiyamən dutətta bwantulungngi a du a yarǝng. ³³ Tǝma silang, Bulus ka chəlla hanjim warigu go jau jəni jauri bani. Hangu ka suwe go, ko kuwi gən kwau a jǝr tǝ gwari tǝ jabǝ guji. ³⁴ Bərarǝ nyang mǝn chəllagǝn mo tǝ jau jəni jauri bərarǝ bwi lamǝngi ya jǝnnu, yiyəng ka durəng me wu ba bunai. ³⁵ A mwarmǝn yǝmǝng ka dǝb mwan da fumfumǝn, ka nǝngngatǝn wunnan a Niyajiyu a kǝmta nǝb wariguwum. Ka kǝtəllang ka su jautangǝng. ³⁶ Ka nya kumni wariguwung a juwa jəni jauriyəng. ³⁷ Nǝb betə tǝssu rə fur nyibi ajir nukun (276) a mura buntəlong ³⁸ A juwa a rirang, ka kwisire nyanmi a mura wimang, go na tǝ mamǝn ngǝni a buntəlongi. ³⁹ Tǝmasilang, hanjim a yǝmbǝ tǝm bǝ kawum mǝnni ka chu gu bəmri a yawur ka bugo a sǝttənitan jiyu go tǝ wu bontəlong yigira gai ga? ⁴⁰ Ka mwiya mǝn dutǝng ka duwa mura wimagǝng a fulla kwan, ka kuwo dutette fulga bontəlungi. Ka jamən kangnga ritəng nyəng bontəlung rəgəng ka jau kak yigira nyiya wimangi. ⁴¹ A lauwe gu hitǝ tǝsu a ciga wi kə bontəlong ka hiyəng a sǝssi a gai a tau tǝm me rǝ sər a kwar mǝna gai. Kak ka fum bərarǝ səmba buntəlong ka su busarre. ⁴² Kǝmarang ka nǝbbǝ barǝ kǝrangǝm go tǝ juwo nǝba mura həllatəm bra ba kwa juli ka yau a kwi sǝngni. ⁴³ Mǝnni nigran jiyu kǝ nǝngnga kǝmarang kǝ ba jəg Bulus rǝgǝng, ka dang rǝ kǝmarang kan jiyəngəng, ka ne jir go, warigu wa dǝmǝn hiyu a mutǝnna hi a kwa juli a yau bangang. ⁴⁴ Na bagi a fʊng buk, bagi a wulni ya rita buntulungi, bagi a yagi jəni dang-dang a mura bwantulong. Rǝ nyang nǝb warigu ka jǝr rǝ yuum.