¹ A bukka nǝn sǝk bwi lǝmǝngəng, kǝn nǝn nwi mo hamjim ka fʊr da Malitan. ² Kǝ nǝbba tǝmhǝməm a yǝgbəmǝn bwilǝmriyəng, ka mwa bəmən kərrang ba nǝn gər, bǝrarə hiyajiyu swiri rǝ lattǝtiyu. ³ A bukka Bulus a kurawe jʊmai na mwa kəran gəreng, bəra kwəwe a kərangi, kə so jire a kulmantən bwi a kangka gəngəng. ⁴ Nəbba təmhəməm a chu so hi a kulmatən bwi a kang ka gəngəng kə nəb həm sugara bwitən jiyu go, ''Me jʊggər we ni waiwe ni juwo nəbbi bəraki nihi ka kwarawe a wimang, bərarə nyang duute meba du rə yuum. ⁵ Ka wasəlmən sohi a karrangəng mənni bo sohi a nwitən bə bwate. ⁶ Ba hamji ka kwi kəmtə go ki sohi ba riromən bwi a dəg hanguwa bwiya ki. A bukka fulla baniyəng hamjim ka chu merə ji a nənganga bwi nən hanguwiyəng kə sugare go ni we nən gu kojiyu. ⁷ Rə do rə fur ka gu ni jure gənda kuwun a bəmtən a fʊrhən, mən bu ni mo Babiliyase.Ka yəbən a tibən a kai tangu kotətə bwanbi. ⁸ Mənni bo a nya ten Babiliyasi me bwiləmang. A bukkən Bulus a yigi a ruwatən nyini, a tiyatən kaniyəng, ka kwarang. ⁹ A bukka jəni yaiye a nəngnga bwiyəng, nəb mwam a Fʊrhən bə me bwiləməngəm ka be. ¹⁰ Nəb ka nəbbən gratə deni. A fulla nən kura bwi a ditangngi ka nəbbən ji nən fauwi. ¹¹ A bukka swangngər tə bwanbiyəng, kənən digi a buntolong ka chi kaan a furhən nəng, buntəlong ka Iskandariyang, rə bugartə barri a jərgotən nəbbi. ¹² A bukkə nan sək bwi a Sirakusəng, nən nəngnga kote tə bwanbi a gai. ¹³ Nən guna gaiyəng kənən diya bɨr də bəre mo Rigiyumən. A bukka ko kwanəng gu səmba ka gune rə kumni a kullo tuwangi, a mura kote təsʊwungəng kə nən lauwe wa bɨrda Butiyoliyəng. ¹⁴ A gai ke nən nya chəttəta chəllabən go nən chi nən hanjim yigire koti ti nyibi. Nən fung wai juwi yigira Roma. ¹⁵ Mən ka gaiyəng Chittətta nənnu ka nwi mo kənnən laweng ka jirowe na tə yəbbən a Banduwan Abiyasi na kungnai tə bwanbiyu. Bulus a chu hanjiməng, ka ru a təm a wunnatənna Niyajiyuwung ka nya kumni deniyəng. ¹⁶ A ji wu nən digi ya Romai, kən ngatənna Bulus mo chi gən kwan na nəbbə barəkarangəm bə torə hanguwum. ¹⁷ Mən ka gaiyəng a bukka koti ti bwanbiyəng Bulus ka buwe nəbbə gram ba Yahudawam. A bukka kura bwiyəng ka sotən go, ''chittəta miyu, kən yəm nəngngatən bə bwiran a ni, mənni bo ji wa chi me nyaguwi wa daam ba təbbəba nənu, mənni kən digi a kangka dʊʊte a Urshlima yigira Roma. ¹⁸ A bukkə nəngnga dʊʊtən, kən na nu fau go tə jaimən kang, bərkə nəngnga be ji ba dəggi bən juwiyu. ¹⁹ Mənni bo nəbba Yahudawam ka si a ji ka furiyan jiwu, ka yullo kwak n'yang rə dʊʊta a gwan Kaisari, me mu mən kamənnə ji duutə ajiya təmba miyimi. A waiwə jiyya nǝngnai kǝn bu wogamani ngri bara nǝn titǝ ka dang nǝn jigatankǝ furiri a jiyang Isa'ilai. ²⁰ Bǝrarə nyǝng kǝn fangən mu nǝn suga yǝm nan kin. Bǝrarə tidai Isra'ila ka rǝgə gu mǝn ka muri a chǝnti." ²¹ Ka sotǝn go "Nǝn yu bə wang a Yahudiya a jiya mwi, mirǝ bagi chittǝta nənnu ta be bǝbbǝn rǝ yǝm bo nǝn tǝmrang a dur a mwiyu. ²² Mǝnni nǝn fauna nǝn nwi a gwa mwiyu ji nəngnga kǝmmǝrang a jiyu bǝrkǝ kǝnnǝn yim mǝn ka sure yǝm a dura ji" ²³ A ji wǝn hanjim a titǝn koi, nǝb mwam ka nya hangu a gwa sǝg bwi wi. Ka sotǝn yǝmni dəndang mwam a hanjimi sotǝnnə ji ba nǝngnga bwi a dʊttəta Niyajiyuwi. Mǝnnǝ bo ka fau go gǝ wu furnan jiyuwa a jiyan Yesuwi, a jiwe surrǝ soriyya Musai yigira wanna nǝbbǝ yuwerəm a su yəm rə mori yigira yu. ²⁴ Bagi a nǝngnga bǝ jugər rə ji hanguwa suwai bagi a nǝbbən bǝ yǝmbǝ nyam mo. ²⁵ Bǝrkə hanjim a nga bə rǝ bwitan jiyuwung, ka bagii a diya a ji wu Bulus a suwe bwan din de "We yolgoi ka su yǝm a nyi ya ni yuwe yǝmi Ishaya yigira tebǝ gram ba nənnəm. ²⁶ Ka suwe go, Yigi a gwa nǝbbǝ na sotǝn mo a nwitang bǝtǝ nwi, mǝnni bo me bǝ tǝ jigga: a chutang bətə chu, mǝnni bo mǝ bǝ tǝ yəm. ²⁷ Bǝraki furna nǝbbi ka nǝngnga kəng kang, suna jiyu me bǝ nwirə nyagu, ka mǝra kǝmtan jiyu. Bərə kari ba chu rə kəmtajiyu, na nwi rə suna jiyu, na yǝm rə furna jiyu, na wulga wə bwi na kwara. ²⁸ Bǝrarǝ nyang, ti yǝm dan jəgtang ka Niyajiyuwung kən tʊngtǝn na nǝbbǝ me nəbba Yahudawam, bo ba hanjim kautǝn suwe". ²⁹ A bukka su jǝni yaiyǝng Yahudawa ka gun mulgara bwitan jiyu. ³¹ Ware yǝmba dutetta jiyu ta Niyajiyuwi, mǝsatǝn jəni ya dutǝta Nigra Yesu Kristi dʊr a sǝssi. me rə wa dangǝri.