¹ A buk ka kotǝ tǝ nuwʊng, Ananiyas nigra nǝbbǝ tung jǝni a chǝriya Niyajiyuwi, bagi nǝbbǝ gram, na dǝmǝn yǝmi bǝrǝ mo Tartilus ka diya gaiyǝng. Nǝbhǝm bambe ka mwau wuri ya Bulusi a gwan gwamnai. ² A jii Bulus a siya kak ka gwamnaiyǝng; Tartilus ka su kǝbbarəng hanguwung, ka sotǝnna gwamnai go, "Bǝra nǝn mwe kǝnǝn nya chim bǝ lǝmmangngǝm, chutang ka kakgǝng ka mun ka be rǝ fulgotang a tǝm ba nǝnnǝm. ³ Bǝrarǝ nyang ji nǝngnga wariguwi ki nǝn yu rǝ wunnan, mwe li grati Filikus. ⁴ Na kari bǝn jaukag rǝ mǝratang rǝ kun, mǝn chǝllan mo kautǝn suwa mi nyagu. ⁵ Nǝn nya ni waiwe bǝ dugor dǝ kǝssǝ jǝniyǝn, wa bo swi nǝbba Yahudawam a gusǝtǝm warigu go nǝngnga nwi nyi. Hangu ngǝ nigra kulǝn da nǝbbǝ fungrǝmi. ⁶ Ka nǝngnga go gǝ lugtǝ kanda ruwaninyinǝn, kǝnǝn tauwe hanguwung. ⁷ Mǝnni kweli Lisiyas ka be yǝbǝmǝn rǝ kumni a kang ka nǝnnǝng. ⁸ A fulla nǝngngatǝn gullen a Bulusi a jiya jǝni yaiyi, ki bǝn yǝm yǝmbǝ nǝnnǝn gǝra jiya guwi. ⁹ Yahudawa mwam bǝ kǝbba Bulus go jǝni yaiye warigu yǝmbǝ nyam. ¹⁰ A jii nigra ne sǝr Bulus go su yǝmmi, Bulus ka suwe go, "Kʊ kǝn yim kǝn lang mǝn nǝngnga dʊʊta tǝm bambe, bǝrarǝ nyang mǝn jigga nǝn kwetǝrre. ¹¹ Bǝn dǝmǝn jigga mo a libǝ kotǝ kwu a jir tǝssu wun yigi na ne gratǝ Niyajiyu a Urshalimai. ¹² A fulla hanjim a nyai a kanda ruwanyiniyǝng nǝngnga bǝ buri rə gu ni, gug furna kulǝnni, ki a kanda ruwani nyiniwun ki, ki a bɨr ki. ¹³ Bǝ rǝ nyan ba hanjim me rǝ yim bi nyam bǝbba suwe a jɨni kǝbbai gǝri kʊwi. ¹⁴ Kǝni sunǝn yəmbǝ ji hanjiyim bǝrǝ go funkori, ni nyan mǝn tǝn swiyer a Niyajiyu Tǝbǝbbə ngram ba nǝnnǝm kǝn nǝnnga ji nya, kǝn tau sorǝ , kǝn nǝnga sorǝ fung jini mula wang kan Musang tǝn waniya nǝbbǝ yuwe yimmǝm. ¹⁵ Ti furi a Niyajiyu, nyira kǝn bǝn kug ba bǝterom. ¹⁶ Bǝrǝ nyang dǝg dur mo, kari bǝn chi jiya kǝbbarǝ a kak ka Niyajiyuwʊng, na nǝb a jini warigu. ¹⁷ A buk ka tagi jutǝn mwam kǝn be tǝn tugarang a nǝbba miyim na rǝ nite ta nga tang nǝrrǝ. ¹⁸ Dǝg dur mǝn nga nyang ki bagi Yahudawa tǝm ba Asiyam ka nyanyi a mora sorǝ a tumǝmtangngi a kan dǝn ruwanyiniwʊn me nǝb we, me bwigtʊwe. ¹⁹ ngagu nǝb bambe a be kak ka mung kʊ ki kari ji ba kǝbbai gǝ rǝ ki? ²⁰ Me nyang ki masi nǝb bambe a suwe yim; kǝ ka nyamwǝn rǝ bwirang ki a jii siya kak ka dǝntǝllǝn da Yahudawan. ²¹ Bwigi ji kwan wʊng suwe rǝ jir di kuntang a kak ka jiying o yim ba kuntang a nǝbba bǝtʊro-bǝtʊrang gan farə mo nyamǝn duute kʊwi." ²² Filikus ka rǝ yintang a juwihi nyagu, ji ya nǝnnga ki ya gug dute grǝ. A sotǝn grǝ go a jii Lisiyas ni nǝbbǝn yim a kawebwi a Urushalimai ki bǝn mwe dute". ²³ Ka sotǝn na kweli jiggan Bulus gi nǝngnga ba den nǝng hangu,kari bǝn dang kagǝm a betang a surang. Na ba nǝngngatǝn tʊgarang. ²⁴ Da mǝn kotǝng Filikus ka kauwe bwi tǝn nyiyan gu Druaskila, nyi hi langnger da Yahudan ka tǝm go buwe Bulus go na gə nwi yəm bǝ nyam ba gǝm ba Kristi Yesuwum. ²⁵ A jii Bulus sweri yim be nyam rǝ tautang ka durǝng na dute tǝ bǝ ri, tatǝ ka ma Filikus. Ka sotǝn go "kabwi nya ji bani a kak ki bǝn kabwi fane. ²⁶ A wai jii a tida go Bulus ba nəggǝn chəmmər kə farə hangu wulag-wulag go nagi sotǝn yəm. ²⁷ Bukka jutǝ tʊsʊwʊng, Barkiyas Festa ka chi nigra a buk kang Filikusǝng, bǝ rǝ fautang a dugǝm bǝ kwawʊm a gwa Yahudawai ka du Bulus a jarǝm .