¹ Bulus ka maitǝn kǝmte kwar a kurgarang ka nǝbbǝ gramǝm ka sotǝn go, "Chitamiyu, kǝn chi chǝm ba miyǝm rǝ furi nya a kak ka Niyajiyu berǝ kʊ." ² Nigra nǝbbǝ tung jǝniya chǝriya Niyajiyuwi Hannaniya a sotǝnna bǝ ka sira kǝnǝm go a bau a nyi. ³ Bulus ka sotǝnna hanguwi go, "Niyajiyu ba ban, mu ni bwira. Chi mǝn nǝngngaimǝn dutte a jiya sori, bo kǝn dǝg mo bai, a kak rǝ sori?" ⁴ Bǝ ka sira gaiyǝm a sotǝn go, "Bǝn kǝbba nigra tung jǝniya a chǝriya Niyajiyuwi nyangnyǝngkǝ ga?" ⁵ Bulus a sotǝn go "Yǝmbe, chətte, mo ngǝ nigra nǝbbǝ tung jǝni ya chǝriya Niyajiyuwi." Bǝra kǝn mula mo, “Kari bǝn kǝbba nigra nǝbba mummi." ⁶ Bulus a yǝm go kǝng kiyǝn Sadukiyawa na kǝngkiyǝn Farisiyawang, ka su yǝm rǝ kumni a mura kurgarang ka nǝbbǝ gramǝng go "Chəttǝta miyu mǝn niya Farisawai, yǝlliya Farisawai. Bǝra kǝ mǝn titang a furri, guntang ka bwiyatǝng durra sisi gun nǝngngamǝn dute gǝri." ⁷ A suwe nyangǝng, buri ka dǝgiya jʊggʊr da Farisawan tǝn Sadukiyawa, kulǝn ka wutǝgo bwi fangni tǝssu. ⁸ Bǝraki Sadukiyawa suwe go me guntang a bwiyatuwe, me weni tǝmri we, me weni we, mǝnni Farisawa ka nga rǝ jǝni yaiye warigu. ⁹ Buri ka gun, kǝ bagi nǝb mularǝm ba Farisiyawam ka gun rǝ buri go "Nǝn nya bǝ ni waiwe rǝ bwiran. Tǝ yǝmma le kǝna nu we, kǝn tǝmri, a sotǝn yǝmma hanguwi ki? ¹⁰ A bukk buri a gunnǝn, nigra nǝbbǝ barǝ kǝrangngǝm ka nwi tate go kari hanjim ba bura Bulus, ka sotǝnna nǝbbǝ barǝ kǝrangngem go tǝ di na tǝ tawe Bulus rǝ kumni a gu nǝbba a kʊrga bwi wi, tǝ be gra gun kawukawuri. ¹¹ Kumma mang kǝ Nigra be si ya kǝngka gǝng rǝ do as sotǝn go, "Kari nwi tate, nyǝngkǝng kǝn bu bukka miyǝng a Urshalimang, a chin kwag bu buka miyǝng a Roma. ¹² A fulla tǝmma silai,bagi Yahuduwa ka nga-ga mǝnni a bu dǝgtangnga nyi a dutǝtang jiyu rǝ bauntangnga bunia go me bǝtǝ jau me bǝtǝ no guji yigira ji tǝ jun Bulusi. ¹³ Nǝb kali fʊrtǝ gwar ba nga-ga rǝ dan bwirannǝm. ¹⁴ Ka diga a gwa nǝbbǝ gram ba nǝbbǝ tung jǝni a chǝriya Niyajiyuwi tǝn nǝbbǝ gramǝm, a sotǝn go, "Kǝnǝn dǝg duttǝta nǝnnu a dǝgtangnga nyi no, me bǝnǝn jau guji yiigira fula bǝnǝn ju Bulusi. ¹⁵ Kʊ, masi dǝntǝlǝn da nǝbbǝ gramǝn a ne sǝr nigra nǝbbǝ barǝ kǝrangngǝm a be gǝra kak ka dǝntǝlǝn da mun, da mǝn jiga dutettan gu nyagu. A gwa nǝniyu, kǝnnǝn bu bwi bǝnǝn ju hangu me ba lauwe gai we. ¹⁶ Mǝnni Yellisuniya Bulusi ka nwi go hanjim ka damǝn fug, ka di ya gun kauwurri,ka sotǝnna Bulusǝng. ¹⁷ Bulus ka buwe kwan a mura kwelǝm a sotǝn go, "Dǝb bweliwe na di gra gwa nigra nǝbbǝ barǝ kǝrangngǝm karǝ ji ba sotǝnni". ¹⁸ Kwelihi ka dǝb bweli hi a di gra gwa nigra nǝbbǝ barǝ kǝrangngǝm a sotǝn go "Bulus a mura jarǝmi kabi a swimǝn go benǝn rǝ bweliwe kari ji ba sunǝnni". ¹⁹ Ni gra nǝbbǝ barǝ kǝrangngǝm ka di rǝ bwelihi a gwa bǝmǝnbwiyu ka gul go wulai ji mǝn fari mo swimǝnni?" ²⁰ Bwelihi a sotǝn go, Yahudawa ka nga-ga go bǝtǝ chǝllan be nǝn Bulus rǝ sila a gwa kurgarangngi, da tǝ jiga yǝmhǝm. ²¹ Kari ngatǝnne, bǝraki nǝb ka li furte gwar bǝ da fugǝm. Ka buwe dǝgtangnga a nyi a dutǝtan jiyu go me bǝtǝ jau me bǝtǝ no yigira fulla bǝtǝ ju hanguwi. A kʊ nyangnyǝngke ka bu bwi yamre ngatangnga a gwa mwiyu. ²² Kǝ nigra nǝbbǝ barǝ kǝrangngǝm a sotǝnna bwelihi go di, karin sotǝnna guni mokǝn swimǝn jǝni yaiye." ²³ Ka bu kwelǝm bǝsu a sotǝn go, tǝ nya nǝ nǝbbǝ barǝ kǝrangngǝm betǝ tǝsu bǝka kwara a di yigira Kaisariyam, na bǝ rǝ gǝrmatǝm fur nyibi, na bǝrǝ yartǝm betǝ tǝsu. Na tǝ di fulla koi tǝ bwanbi rǝ kummi." ²⁴ Ka sotǝn go nya jǝni rǝ yumǝ yǝn Bulus ba gwi, na tǝ di gǝrǝ bwi lǝmmang a nigra gwamna Filikusi. ²⁵ Wang ka mulang nǝn nyǝngke: ²⁶ "Kuludiyas Lisiyas, nigra Filikus, surang. ²⁷ Yahudawa ka tau ni waiwe lagarǝ go tǝ jʊ, kǝn jirtǝn na hanjim rǝ nǝbbǝ barǝ kǝrangngǝm kǝn yuwe hangu, bǝrkǝ kǝn nwi mo hangu ni muri ya Romai. ²⁸ Kǝn fau mo mǝn yǝm jiya nǝngngai, kǝn di gra dǝntǝlǝng da jiyǝmmǝng. ²⁹ Kǝn nwi mo mǝn kǝbba hangu a jiya soriyan jiyu, mǝnni me kǝbbar da dautǝnna buwatang tǝn bwiyatǝn. ³⁰ Kǝn swimǝn kǝmmarang kǝ bwiran da jiyǝn, kǝn tung a mwi rekwa-rǝkwang, kǝn mo ya rǝ yǝm ba jiyǝm a gwa mwǝyu. Gǝrmǝn lǝmmang." ³¹ Kǝ nǝbbǝ barǝ krangngǝm ka nwi yǝm ba miyim. Ka di nǝn Bulus rǝ jugǝr da kummǝn a gwa Antibatris. ³² Tǝmma silang, kǝ nǝbbǝ barǝ kǝrangngǝm a du nǝbbǝ rǝ gǝrmatǝm a diya tǝn hanguwung, kǝ hanjim a kaubwi ya gun kawurriyǝng. ³³ A buk kǝ nǝbbǝ rǝ gǝrmatǝm a lau Kaisariyang ka yagtǝn wang a nigrang, ka du Bulus a kang ka gǝngngeng. ³⁴ A fulla nigra ke wanghǝngǝng, ka gul go Bulus a jire wa kǝnne kǝng? A nwi mo wa kǝngka Kiliyangǝng, ³⁵ ka suwe go, Bǝn nwi yǝmhǝm nyagu a fulla nǝbbǝ rǝ yǝm mwam a be." Ka nǝbbǝn yǝm go du Bulus a kaitan Hiridusi.