¹ A wai fulawe nidʊ Hiridus ka dəg bagi nəb a kag nəbba kʊlənəm go na gə ne kunang hanjim. ² Ka ju Yakubu ci ya ̈Yohanai rə dampo. ³ A chu ji wa nəngai ka ləmbwi Yahudawatəng ka jaukag a tau Bitrus bong. A nyang kota mwantəttə fum-fumi tə me rə bariyu. ⁴ A tau hanguwung, ka maya jarəməng a jugər da nəb bə barə krangəm bə gwar fangni tə gwar go tore; rə kəmarang go mwarmen bwiləm ra Yautangngi ki gəbə jəg təne wa nəbe. ⁵ Kən dəg Bitrus a jarəm, məni ka nəngnga nyiniruwani deni a mura nəbbə ka kʊlənnəm bəra nən hangu yəgira gwa Niyajiyuwi. ⁶ A wai kumwu Hiridus ba jəge hangu ki mənna dʊ nəngngatən duti, a wai kum, Bitrus ka dum a jugər da nəb bə barə krangəm bisu, buwa rə chəntə təsu, rə bagi nəb bə torəm a nyiya fugongi jəgarə jarəm ⁷ Nyang nyəngkəng, we təmriya Niyajiyuwi ka jərtəne wa hanguwi tʊng, kwetərei ka məra kandə hangu kawun. Ka məbra hangu a kulong, sotənə go, "Gun wulage." Kə chəntə buwa rə gi a kwiyon məna kanan guwung. ⁸ We təmri go, "Du dutəttamu rə ləbərte." Kə Bitrus a nənga nyangəng. Kə We təmrə go, "Mai duk kə kuntang ka mung nan fungngiye." ⁹ Kə Bitrus a fung we-təmri a jire kinəng. A yəmbə go ji we təmri a nəngngai bə nyam. Bətə go wullo. ¹⁰ A buk ka suməna nəb bə torəm bɨrɨ jiguwum na bə suwuməng, lauwera fʊgang ka chəmmərəng kə digira bɨrɨng ka wumən bwi rə bwigo. Ka juro a jʊwiyəng kə we təmri a du hangʊwʊng re kwang. ¹¹ A fulla wun Bitrus a kauwe bwi a yobiyanguwi, ka suwe go , "Yəmbə nyam ku kən yəm mo Nigra ka təmme we təmri go na be jigiye wa kang ka Hiridusəng, na bo a yənə jini warigu yə Yahudawa kəmari. ¹² A yəm nyangəng, ka be kaita Maryamu ne Yohanai, wu bərə mo Markusi; a gu bə fungrəm mwam a kura bwita gai ruwanyiniwi. ¹³ A ji wu hangu a be buro fugangngi, kə gu bwira bwe-chuwiyu wu bərə mo Rodai ka be go na gə chu ni buro fugangngi. ¹⁴ A nwi jir da Bitrusinəng, bəra bwiləmri a dəmən ba wummən fugang, ka kaba muri rə singəng sotəna bagi go Bitrus ka səssi a fugong ¹⁵ Hanjim go, "Jɨni ka talən." Ka jaukag go ngə suwe yəmbə nyam. Hanjim go, "Weng gu." ¹⁶ Mənni Bitrus ka jaukag rə burotang a fugangəng, mənni a jiwu hanjim a wummən fugang na chu nən hanguwun ka məna bunte. ¹⁷ Kə Bitrus a nəngnga təna hanjimi rə kang go marasiyəng, ka sotən nyəngkə Niyajiyu a jəge gra jarəməng. Ka sotən go, "A sotəna Yakubuwi tən chətte warigu." A gaiyəng ka jər a diya gukang. ¹⁸ Təma silang, men dur busarən də baniyin a nya nəbbə barə kərangəm bən ti mo torə hanguwum, bərarə ji a nəngnga bwi nən Bitrusi. ¹⁹ A jiwu Hiridus a fau hangu na nyabi, ka dəg go juwo nəb bə barə kərangəməng. Kə hangu a diya Yahudiyang, a lau Kaisariyang ka chi a gaiyəng. . ²⁰ Hiridus ka nwi jwagər rə nəb ba Tayam na Sidonəm. A yiga gwan hanguwi kin. A chəlla ni tugara nidʊwi-Blastus, go tugai gi. Ka nəngnga chəllan da chim bə ləmangəməng, bəraki təmba hanjiməm bə nya jəni-jauran jiwu a təmba nidʊ hiyəm. ²¹ A gu kong nidʊ ka du dutətta dʊtti tangu ka chi ya dəntəllən da gratən da gən; ka sotən yəm a hanjimiyəng. ²² Nəb ka mauwuri go, "Dan jir de da Niyajiyʊwun, me da niyin." ²³ Rəkwa-rəkwang we təmri ya Niyajiyuwi ka bau hangu bəraki a nebbən gratən Niyajiyuwung; kə gəlgota jauwun ka bwiyang. ²⁴ Mənni bomər da Niyajiyuwun ka wumbwi a yəgtən bwi. ²⁵ Buk kə Barnabas tən Shawulu a mwarmən swer da jiyən, ka wulga bwi a kaba Urshalimang; ka dəb Yohana wu dagi dundan gən mo Markusi a diya ki nəng.