¹ Kʊ nǝb tǝmrǝm tǝn chite bǝ ka Yahudiyam ka nwi go nəbba kuməm rə kəggiyəng ka yʊ yəmba Niyajiyuwum. ² Bitrus a be Urshalimang, nǝb ba mura bǝn muyatǝn kwaltǝm ka be kǝba rǝ hangu; ³ suwerǝ go, "Kǝmən murga dur tǝ nǝb ba mwiyamǝn bə kwaltəm tə jarə jini-jauri kwang." ⁴ Kən Bitrus a su jəggatən yəmnihi a hanjimi a tariyəng; suwerə go, ⁵ Muwa bər da Yafan mǝn ruwa nyina gai, kǝn chu wulo gujiyuwung sige bwi a təm, nyira rə duk kǝ kuntang sige bwi a tǝm rǝ nyini tə gwar. Ka sigi məne bwiyəng. ⁶ Kəmən jigare mən nənga kəmarang a jiyəng. Kən chu namta gusiti yi rə nani tə gwari, namta yiri, rə yi yorə rə fura təmi, na rə kəleta jiyu. ⁷ Kə nui jir swimənə go, "Bitrius gun; ju na jau!" ⁸ Kən sotən mo, "Ta jiyu, me nən nyang: bəraki me rə ji wʊ me yulgoi ka dəgi muwa nyiya miyuwi." ⁹ Kə jirhən a ngaiməne wa ji go, "Ji wʊ Niyajiyu a nəngnga kaluriyu, karbən bu mo me kalwur. ¹⁰ Ji hi a nəngnga bwi nyenke kali tə bwanbi, kən kabi rə wuni ji a jiyəng bo. ¹² Kə We Duwi a ni sori go nə diya kinəng, kə go karbən nəngnga dan-dangngi bəra nə hanjim. Chitətta nənu te bə nukkun bə nən diya kinəm, kə nən yigiya kaita nihiyu. ¹³ Kə nihi a subəmən nyənka chu we təmrə a sissi a kaitanguwung suwe rə go, "Təm nəb yəgira Yafa na be nən Siman wʊ bərə mo Bitrusi. ¹⁴ Ba sunən yəm bəbən nya nəd də fiyən rə gən. Mwe tən kaita mu warigu." ¹⁶ Kə kəma yəmba Ta jiyuwuməng, nyənka suwe go, "Bə nyam Yohana bə nəngnga gəmən batisma nən hii; mənni jən bən nəngnga gəmən batisma nə We Yulgoi." ¹⁷ Kin Niyajiyu ga ne hanjəm nəte nyənka nəbən rə ga jiwu nən nəbən yəmbə nyami a Ta jiyu Yesu Kristyu ki, mənnə wune, kə bən kwila ji wu Niyajiyu a nəngaiyəng?" ¹⁸ Ji wʊ hanjim a nui nyenki, a sotən bə guji a hanguwi, ka ne gratə Niyajiyuwung go, "Niyajiyu ka ne butang a kang nəbba kuməm rə kəggiyəng." ¹⁹ Kə bagi nǝb ba nǝbǝn yəmbǝ nyamǝm bǝ na wusilamən bwita Urshalimam a jiwu kunang a gun bǝra rǝ bwiyatan Istifanusi, nǝb ba nǝbǝn yəmbə nyaməm bambe ka diya lau Afiniki, Kuburus, na Antakiya. Ka sotǝn yəmba Yesuwum a Yahudawa dang nǝ jiyəng, me gu we. ²⁰ Mǝnni bagi ba jiyim, nǝb ba kuburusim, na Kurane, ka be Antakiyang ka sotǝn yima Helinawatəng wautən yimba Nigra Yesuwum. ²¹ Kang ka Ta jiyuwung ka nən ji; nəb mwam ka nəbən yəmbə nyam a kautən bwi ya Ta jiyu. ²² Yim ban jiyim ka lawe suna kulən ni a Urshalima: kǝ hanjim a təm Barnabas a di a lau Antakiyang. ²³ A ji wa be na chu nətətta Niyajiyuwi, Ka nui bwiləmri; ka ne furi hanjim warigu go ka ra jir mənna Ta jiyuwi rə furnajiyu wargu. ²⁴ Bəra ki nanu ni nya wa ri rə We Yulgoi na rə nəbən tang a furiyu, kən nya nəb mwam bən yəgtəna Ta jiyuwum. ²⁵ Kən Barnabas a diya təm ba Tarsusəm go na ngə fau Shawulu. ²⁶ A nyawung, ka be nǝ hangu a Antakiyang, ka chi jǝr din ka kurabwite tǝn kʊlǝn rə məsatəntang a nəb. Su butang a bwiranəm mo nəb bə fungrəm a Antakiya. ²⁷ A yai kote bagi nəb bə yuwe yəməm ka diyawa Urshalima a be Antakiya. ²⁸ Kwana jiyu wʊ bərə mo Agabasi, ka gun a sissiying rǝ fungtang ka We Duwiyəng go bǝn nənga jun rə kwani a gusite wargu. Ka nənga bwi nyang a kotang Kalaudiyasi. ²⁹ Bəra rǝ nyang, bwiranǝm, wuna jiyu ki rǝ nyinka dǝmǝn rǝ ngǝng, ka tung tugarang kan jiyəng yəgira gwa chəti tə ka Yahudiyai. ³⁰ A nəngnga nyang nyəngki; ka təm Barnabas tən Shawulu rə cimər a gwan tabiying.