¹ A jiya swiyer bǝrarǝ ba nǝbba yəbbə yəmbə nyaməm, men kwak mula gəmən. ² Kǝn yǝm fautangka jǝnǝng, kǝn mǝksa rǝga kakka nǝbba Makidoniyam. Kǝn sotǝna hanjimi mo Akaya ka kʊrabwi kuni a jǝr da suwun. Fautang ka jǝnǝng ka dǝg hanjim a dǝgiya swiyer. ³ Ku kǝn təm chitətta nənnu, na bo bautang ka furiyəng a nənnu nən jən kari bachi r kun, na bo tə chi rə kuratang a bwi, nyəngkǝ suwe mo bǝtǝ chi rǝgǝng. ⁴ Mən me nyangki, guwa Makidoniyai a fungngiye na be nya tǝ kʊra bǝ bwi ki, bǝnǝn nwi bujǝri-me bǝn suwe guji a jǝna ji-bǝraki kǝn bau furi nǝn jǝn. ⁵ Mǝnni chu ka dautǝwe tǝmgǝmǝn chǝtte a be gwan jǝniyu na tə kulmən kuratang a bwi bərarə nətəttə tə bu yǝm ba gǝmmi. Kang ka chi nyang na ba kʊra bwi a jiya nǝbbǝntang ka dǝgtang a kangngǝng, men jiya yutang rǝ kumniyu. ⁶ Yǝmhǝm go: wa wau baniyu ba har bani, bo wa wau rǝ kǝmarang ka dǝgtang a kangngi wa wau mulami. ⁷ Masi wunǝ ki ya nǝbbǝn nyǝnkǝ furiyangu a nga rǝgǝng. Kariba nǝbǝn rǝ furi kiya dan dǝgga kwaggi. Bǝrakǝ Niyajiyu bǝ yotǝn dah bǝ nǝbbǝnǝ rǝ furri kwanǝm. ⁸ Niyajiyu karǝ kumni ya dǝk kǝnǝ dǝgtang ka kangngǝng a yumən bǝra nǝn jǝn, bǝraki, a wunǝ fulla, a mura wunǝ ji warigu, na tǝ nya ji tǝ farri. Nyangngi ba nǝngnga bwi na swiyǝtǝtttǝ nyai tan jǝnu a yumən. ⁹ Nyǝnkǝ mulla rǝgǝng, ''Ka wutugo jǝna kaniyuwa gu, ka ne bǝrǝ bunǝnnǝm. Swiyer dǝ nyan da gǝn ka chi kʊrəkwang. ¹⁰ Gǝ wu nerǝ dum wu warriyu, tən mwan də fum-fumən bəra jəni jauriyu, ba ne na yumən dum bəri wautang. Ba hartang ka swiyer də jinni nyai ya nəngngai. ¹¹ Bǝtǝ nǝngnga jǝna kaniyu a jutǝ warigu na ba tǝ yǝllo rǝ nǝtte. Kangkǝ bo ba dǝg nǝngngatǝn wunnan a Niyajiyu a bəra nǝn nən. ¹² Ritang a dan swiyer de me mo bǝ mǝr bunǝn da bǝ yʊlgoiyǝm bwigi. Bo bǝ yǝgtǝn buuwʊng yǝggira swiyetǝ mwam ta nǝngngatangnga wunnan na Niyajiyuwi. ¹³ Bǝraki kǝn bǝnggogǝn kǝn nǝbǝn yǝmbǝ nyam an jǝni a jiya dan swiyerde, bo bǝtǝ ne gratǝ Niyajiyu a gwa nwitang ka yəmmi a gwa sutangnga yǝmbǝ lǝmangngǝm ba Kristiyəm. Bo bǝtǝ ne gratǝ Niyajiyu a gwa nǝbǝntang ka jǝnǝngngi a gwan jiyu rǝ warigu. ¹⁴ Dan hanjim ka jǝni, bo hanjim ka ruwa gǝmǝn nyini.Bǝ nǝngnga nyang bǝrarǝ nǝtǝttǝ nǝn dabbi ta Niyajiyu wu grai wa dutǝttan jǝnuwi. ¹⁵ Masi wunnan a chi ya Niyajiyuwi bǝrarǝ nǝtǝttangu ta li jǝggatangngi!