¹ Me, Bulus, mǝn chǝllagənə deni rə bwimi, a gwa sǝgtang a duri rə dǝnni a Kristiyu. Mǝnǝn dǝn a fulla mǝn ka kak ka jǝnǝngngi, mǝnni mǝn me mənnə tate fulla nǝn me kini. ² Kǝmǝn chǝllagǝne, tǝnǝn ka kini ki, me mǝn farǝ mo chi rǝ yobi me tatəttuwi. Mǝnni mǝn chu mo a chim bwi a n'chi me tatəttə we a fulla mən bautǝn jər a bə lʊngrǝ go nǝn chi-chimba bwiyǝmmi. ³ Nǝn kwini nǝn yoyom a mura bwi, me nǝn nǝngnga kuna muriya bwi. ⁴ Bǝraki jǝna kʊni ya nǝnnu me ya bwiyu. A jiya nyangngi, jǝna kunni ya nənnu nǝn kumni ta Niyajiyuwi bərarə nyintang a kumni ta Chetani. Ka tursǝmǝnǝ wugatang kǝ berǝ yartangəng warigu. ⁵ Ka nǝn lugtǝrǝ wunə ji wu berǝrǝ nǝngngatang a kak rǝ yǝmtang ka Niyajiyuwi. Ka nǝn tarǝ kǝnǝ kǝmmarang berǝ netangnga gratǝ Kristiyu. ⁶ Kǝnǝn kʊra bwi na nən nǝngnga duute a jiya swiyer dǝ be rǝ rə bunai ya nwiangnga yəmi, a fulla wu nwitang ka yǝməng ka jǝnu a riyəng. ⁷ Tə jəga nyagu ji ka kakkan jǝnǝngngi. Ki gu ka nǝbǝn yǝmbǝ nyam go guwa Kristiyu ki, masi ya kǝmmatǝnna dudagǝn go nyǝnkǝ guwa Kristiyu rǝgǝng, nǝn nyang nǝn-nǝn. ⁸ Ki na bǝn bau furi bani a jiya kumnita nǝnnu, tǝ Nigra nǝbǝn go na ba nǝ yǝngna gǝnni ki, me bǝri mo nǝn lugtǝtangngi, me bǝn nwi bujǝri. ⁹ Me mǝn farə mo a yullo da mǝn nǝgǝn tatǝ rǝ wana miyu. ¹⁰ B̵ǝraki bagi nǝb bǝ suwe go, ''Waniyan gu nǝn kwewu rə kumni, mǝnni chu hangu ki nǝn bug-rǝ bug. Bwantǝtan gu me jiya dautən kautǝn suwi. ¹¹ Masi bam nǝb a yəm go ji nǝn suwere a mura bwantǝta wana nǝnnuwi a jii wu nǝn me gwi, ba chi swiyer da nənnən a fulla nǝng ka gaiyu. ¹² Nǝn me nǝn murga dutətta na bagi, bo rǝ bǝngotang a dutətta nǝnnu rǝ bǝ wer dutǝttan jiyuwum. Mǝnni bǝnggo bwitan jiyuwi ki, na bo jǝga dǝndangngi a bwitanjiyuwi ki, me rǝ yǝmtang. ¹³ Mǝnni, nən me bǝnǝn bau furi a bwita nənnu a sumənsuwi we. A jiya nyangngi, bǝnǝn nǝngnga nyang a sitǝnna ji Niyajiyuwa nəbbən go nǝn nǝngngai, a lau gwan jǝniyu. ¹⁴ Bǝrarǝ nyang nǝn yabǝ yəg a fulla nǝn laggənni. Nǝn nǝn si kag nən laggən rǝ yǝmbǝ lǝmmangngǝm ba Kristiyəm. ¹⁵ Nǝn gug bǝ dutətta a sumǝn a swiyetǝtta bagiyu. A jiya nyangngi, nǝn ti furi no yutang ka yǝmbǝ nyamǝm ba jǝnǝm a yǝgtǝn bwi na ba kullo swiyer da nǝnǝnni a yǝgtǝn jautangnga kak nyagu, bo a sitǝnna yǝk kangngǝng. ¹⁶ Nǝn nǝngnga ti furi nyang, na bə nǝn lau rǝ yǝmbǝ lǝmangngǝm a yigira murti ka kak nǝn jǝnni. Me bǝnǝn bau furi rǝ swiyer dǝn nǝngnga kullo guwiyǝn. ¹⁷ ''Mǝnni masi wu bau furi, a bau furi rǝ Nigrai. ¹⁸ Mǝnni me mo wu suwe yǝm a dura gun nga rǝgi. A jiya nyangngi, mǝn nga rǝ wu Nigra su yǝm a dura jiyu.