¹ Bǝn yotǝn dam, a chi nǝn bə rǝ yǝm burǝməm, masi nǝn tumǝn dutǝtta nǝnun a jiya jǝniyǝ dǝg bəmənə kursǝnni a bwita nənnu tən we nǝnnuwi. Masi nǝn fau yulgoi a mura tata Niyajiyuwi. ² Tǝ nǝbbǝn sǝr! Nǝn lʊktǝmǝn bǝ furi ya gu. Nǝn nǝngngatǝn bǝ bwiran a gʊ bo nǝn yǝmǝn bǝ guji a gu. ³ Suwe bǝ nyang mo na bǝgǝn rə bwiran. Bǝrakǝ kǝn sugǝmǝn kuni, mo tǝ ka furra nǝnnu, na ba tǝnǝn bǝtǝro kin na nǝn nǝngnga yum kin. ⁴ Mǝn ka mǝnǝ titangnga a furri rǝ kwani a jəni, kamǝn mǝksarǝ nǝn jǝn. Ka mənə mitang ka daan. Furi ya miyu ka ri rə bwilǝmri a mura kunong kǝ nǝn norǝng warigu. ⁵ A fulla nǝn be Makidoniyai, nǝn netǝn bǝ griya bwita nənnu. A jiya nyangngi, kǝn nya dur busarǝn a jutǝ warigu a gwa gugtangnga furiyu a tari tatǝ bo a muri. ⁶ Mǝnni Niyajiyu, wu ne mitangkadang wa yarmǝnni, ka nǝbbǝn mitangkadang a gwa betang ka Titusǝngi. ⁷ Me bǝri betang ka gǝng gǝ kwan gu Niyajiyuwa nǝbǝn mitangka dang gǝri-mǝni bo bǝri mitangkadang kǝn Titus a nya gwa jǝni yuwung. Ka sǝbǝmmǝn mwamiya yodai ya jǝnu, furdǝ yulluwun da jǝnǝn, rǝ wulʊlloi ya totang ka jǝnǝngngi a jiya mi. Mǝni kǝn nǝngnga furdǝ kwanwun rǝ kwani. ⁸ Nǝn kwini wangka miyǝng, ka luktǝ gǝmǝn furri, nǝngnga bǝ kə mǝna yǝmrǝng. Mǝnni chu wangka miyǝng ka luktǝgǝmən furriyǝng ka nǝngnga kəməna yəmrəng. Mənni jən kətə nəngna furdə yulluwun a fulla bani. ⁹ A kʊ nyǝngke, kǝn nǝngnga furdǝ kwauwun, me bǝrarə luktǝtang ka furiyəng ka jǝnəng, mǝni bǝrakǝ laktǝtang ka furiyəng ka jǝnəng ka be gǝmǝne rǝ butangnga kang. Kǝtǝ nwi furdǝ yulluwun ka be gəmən rǝ yəngtangngəng, bǝrarə nyang tə nəngnga bə bunai bǝra nǝn nǝn. ¹⁰ Bǝraki furdǝ yallʊwun a gwa Niyajiyuwi bǝ be nǝn butang ka kangngǝng kǝ mwarmǝn yiyarangngǝng kə me-mǝna nəngnga məna yǝmrǝng. Furdǝ yullʊwun da gusətǝn bo bǝ be nǝn bwiyate. ¹¹ Tǝ chu wulluloi ya kəmarang nyaguwi wu furdǝ yullʊwun da gwa Niyajiyuwun a be rǝga jǝna muriyu. Wulluloi ya kəmarang ka jəgtang a durda jǝnən to tə me tənən bwirani nən nyənne. Gǝran da jwagǝr da jǝnǝnǝng gune, tatan jǝnu, rǝ titang ka furan jǝnuwung, tǝrsatang ka jǝnǝng, rǝ jǝtǝn da jǝnǝn da chutang to kǝn nǝngnga jinyai! A mura wunǝji kǝtǝ nung dudan jǝnǝn to tǝ metǝnǝ bwiran a mura yai jǝniye. ¹² Nǝn kwini kǝn mulla gǝmǝnne, mulla bǝ bǝri wai wu rǝ bwirani. Mullawu mo na ba tǝrsatang ka jǝnǝng bǝri nǝn nǝn a nya yǝmtang a kakka Niyajiyuwung. ¹³ A nyangngi gu nǝn nya kumni rǝgi. A bukka nǝbbǝntang a mitangka dang, kǝnǝn nwi bwilǝmri rǝ kwani bǝri furdǝ kwauwun da Titusǝn, bǝraki wen gu ka nya kumni bəra nən jǝn warigu. ¹⁴ Bǝraki n'wergǝn a kakka gǝng ki, nwibǝ bujiri. A nigatangka sǝtəng rə nyangngǝng, nyǝngkǝ jiwu nǝn sugǝmǝnni warigu yǝmbǝ nyamǝng, weriya nǝnnu a gwan jǝniyu a jiya Titusi ka chi yǝmbǝ nyam. ¹⁵ Yodaiyangu a gwa jǝni yu ka rǝ kumni, nyǝngka chi kǝma rǝ-rǝ yobiyan jǝnu rǝgǝ wariguwung, nyǝngkǝ tǝ yu rǝge rǝ tate na yǝllang ka bwiyǝng. ¹⁶ Mǝn ka mǝnə furdǝ kwauwun deni bǝraki mǝn kamǝnǝ titangng a riribwi a sǝtǝni tan jǝnu.