¹ Nǝn nyang, kwam tǝnǝn nǝngnga swiyer kinǝng, kǝn chillagǝn kari bǝt nǝngnga yutǝ rǝ nǝtǝtta Niyajiyuwi. ² Bǝraki ka suwe go, ''A fulla nǝtti kǝn nwigǝn, bo a ko yiyarangngi kǝn tugagǝn. ''Ku gun fulla nətti. Jǝgga, ku gu fulla yiyarangngi. ³ Me nǝn dǝgrə jiya təltangngi a kak ka guwung, bǝraki me nǝn farǝ no swiyer da nǝnǝn a yullo merǝ fini. ⁴ A jiya nyangngi, kǝnǝn nga rǝ dutǝtta nǝnnu a gwa swiyetǝtta nǝnnuwi warigu, no nǝn bwiranǝm ba Niyajiyuwum. Nǝn bwiranǝm ba gǝm a gwa mitang ka dangngi deni, kwewi, bunai, kunong, ⁵ baurang, jarǝm, ləngotəlungoi, a mura swiyer me huwai we, a mura bunaiya dummi, a mura jʊn, ⁶ a mura yulgoi, yǝmtang, mitangka dang, nyaguwi, a mura We Yulgoi, rǝ yodai nya. ⁷ Nǝn bwiranǝm ba a mura bwanda yǝmbǝ nyamǝn, a mura kumni ta Niyajiyuwi. Nǝn ka nǝnǝ jəna kuni ya yǝmbǝ nyami, a kangkǝ nyang rǝ kǝ gwilang. ⁸ Nǝn nǝngnga swiyǝr a mura grate rə bunaiya grati, a mura dur a bunai ya wertangngi. Kəbabǝne mo nǝn nǝngnga jullai, a nyangngi nǝn nǝbbǝrǝ yǝmbǝ nyamǝm. ⁹ Nǝn nǝngnga swiyǝr da yǝmbǝn be, mǝni kə yǝmbǝn. Nǝn nǝngnga swiyǝr da nǝn nəbbə bǝtǝtero, chu! nǝn ka nǝnnə yuum. Nǝn nǝngnga swiyer da mwebǝmǝn duute, mǝnni me duutǝtta jurangngi. ¹⁰ Nǝn nǝngnga swiyǝr da nuwa furdǝ yulluwun, mǝni a jətəkwang nu wa furdǝ kwauwun. Nǝn nǝngnga swiyer da nǝnǝn bunǝn, mǝnni nǝn dǝg nǝb mwam nǝngnga jǝna kaniyu. Nǝn nǝngnga swiyer da me nǝnǝ guji, mǝnni kǝnǝn kura jǝni warigu. ¹¹ Kǝnǝn sʊgǝmǝn yǝmbǝ nyam warigu, jən Korintiyawa, mǝnni furna nǝnnu wa wumǝn wuwi bwi. ¹² Nǝn məra bǝ furna jǝnu, jǝn tǝ məra bǝmǝn furna jǝnu. ¹³ Kʊ a nigatang kə nyang- mǝn sʊgǝmǝn yǝm nyǝra bǝtǝmba miyəm-tǝ wum furna jənu. ¹⁴ Kar bǝtǝ murga dur tǝn bǝ merǝ yǝmbǝ nyamǝm. Wulai ya murga yobi nya tǝn yobi bwirai? Na Mənni wullai a murga kwetǝrei tǝn kum? ¹⁵ Kǝnǝ nigotang kǝka jʊgʊr da Kristiyǝn tǝn Chetan? Na bo wula murga ba yu yǝmbǝ nyamǝm tǝn ba yǝbbǝ yǝmbǝ nyamǝm? ¹⁶ Na bo kǝnǝ nigotang kǝ ka jʊgʊrda kanda ruwani nyiniya Niyajiyuwi tǝn jibai? Bǝraki nǝn kanda ruwani nyiniyən da Niyajiyu rǝ yumiyən, nyǝngkǝ Niyajiyu a suwe go, ''Bǝn chi a muriya ji na yoyom a sǝtǝnitan jiyu bo. Bǝn yullo Niyajiyuwa jiyu, hanjim bo ba yullo nǝbba miyǝm.'' ¹⁷ Bǝrarǝ nyang, 'Tǝ jǝrmǝne wa sǝtǝni tan jiyu, bo tǝ yullo bǝn kawurǝm, ''Sutang ka Nigrang. ''Kari bǝtǝ mǝbra ji kursǝnni, na ki yʊgǝn. ¹⁸ Bǝn chi gəmən Te jǝnu, jǝn bo bǝtǝ chi mən yǝllǝm tǝn wutǝm, ''Nigra rǝ kumni wariguwi ga suwe.