¹ Kə nən yəm no kai taite nən chiwi a gusəti a yarki, nən ka nənə tagi tǝn muwi a gwa Niyajiyuwi. Kaitə mu bə rə kana nǝbbiyu, mǝnni kaitə kurəkwangngi a ji. ² Bǝraki a wai guchiri waiwe nu wa tənni, nǝn fauwerǝ no mǝrabən rə gu chiriya nǝnu a jiyu. ³ Nǝn fau nyang bǝraki məbrabən ki me bǝn nyabǝn bwi rə kun. ⁴ Me jugurwe a fulla nǝn ka dan kungngorri, nǝn tənne, rə nǝggǝni. Me nən farə no nǝn du bwitərə kun. A nyangngi, nǝn fau no kwi bəmən jəni, yuum a mii ji bwiyari. ⁵ Wu yǝngna bǝn bǝri wai jiwi Niyajiyu, wa nǝbǝn We a chi butang ka yǝmǝng a ji ka beri. ⁶ Bǝrarə nyang nǝn chi rǝ durra sim jɨtǝkwang. Nǝn chi rə yəmtang no a fulla nǝn ka mura bwiyu,nǝn ka pre rə Nigra. ⁷ Bǝrakǝ nǝn yoyom a yutangnga yǝmbǝ nyam, me chutangnga kəmte. ⁸ Bǝrarǝ nyang nǝn ka nənni titangnga furi. Kən li bəmən nən dimənna bwi na nənən chi nən Nigra. ⁹ Ka chi ji nǝn dəgga kaggi, ki nuwa bwi ki, ki nǝn me muri ki, a nwi lǝmmang ka nǝnǝng. ¹⁰ Bǝraki a chi kwak waringəm nǝnnu nǝn be kak ka dǝntǝlǝn da dutǝn da Kristiyǝn, nan ba wunǝ ki ya yu janggǝmi a jiya nǝngnga bwiyu, kǝ yə nyai ki kǝ yǝ bwirai ki. ¹¹ Bǝrarə nyang, bərarə yǝmtang ka tata Nigrai, nǝn no wu dutǝtta nǝbbi. Niyaijiyu ka chubǝnnǝ tansang nyǝngkǝ nǝn ka gǝrǝng. Mǝn ti furri mo nǝn tansang nyang a kǝmarnag ka jǝnǝng. ¹² Me mo nǝn tǝrsa no na nǝn no dutǝttan jǝnu na ba tǝ chubǝn da nǝn nǝbbǝ nyam. A jiya nyangngi, nǝn nəgən juta məksatang nǝn nǝnni, na ba tə nya ji bǝtǝ jautǝna bǝ gug dur rə kəmtə churi mǝnni me bǝrarǝ ji ka furiyu. ¹³ Bǝrki kǝmarang ka nənnu a le ki, bǝrarǝ Niyajiyu; bo nǝn ka mura kəmarang ka nǝnnu ki, bǝri nǝn jǝn. ¹⁴ Bǝraki yoidai ya Kristiyu ka dǝgbǝn kwak, bəraki kənǝn ngarǝ wai ji we: no ni kwan ka bwiya bǝrǝ warigu, bo bǝrarǝ nyang waringəm ka bǝtǝro. ¹⁵ Hangu ka bwiya bǝrarǝ warigu, na ba bǝ ka rǝ yuumǝn kari ba kabiya chi-chim bǝrarə dutǝttan jiyu, a jiya nyangngi, a chi-chimba jiyǝm bǝrarǝ wa bwiya nang guggi. ¹⁶ Bǝrarǝ wai ji we, me bǝnǝn nǝngnga tǝn duta gu a jiya kəmarang ka nəbbəng, nǝn kwini a kǝn na nən jǝga Kristi a wai juwi we. Mǝni kʊ kǝnǝn du nǝngngatang a duuta a wunǝ ni nyang nyǝngke. ¹⁷ Bǝrarǝ nyang, wu ka mura Kristiyu, ka chi wu fi. Jǝni funi ka su. Chu, ka yullʊ yǝ fi. ¹⁸ Jǝni yaiyǝ warigu wa gwa Niyajiyuwi. Ka dǝga jugərda nǝnǝn rǝ bwigo, a gwa Kristiyu, ka nǝbǝn swiyer da dǝgitang a sǝtǝniyǝn. ¹⁹ A nyang, a mura Kristiyu, Niyajiyu bǝ dǝga sǝtǝni ta gusəti yigira durda gən, me bǝ ke jǝni bwiraiyan jiyu a dutǝtan jiyu. Bǝ nǝbǝn tǝmrang ka dǝgitang ka sǝtǝniyǝng. ²⁰ Bǝrarǝ nyan kǝn sabǝmǝn nən nǝb tǝmrǝm ba Kristiyu, nyǝra ki da Niyajiyu bǝ buwe nǝb a gwa nǝnniyu. Kǝnǝn chillagǝne, bǝrarǝ Kristi: ''Tǝ nwigo tən Niyajiyu!'' ²¹ Ga dəg Kristi a chi ji tungri bǝrarǝ jǝni bwirai ya nǝnnu. Hangu gǝ wa nǝngngamǝn bǝ jǝni bwirai wi. A nǝngnga nyang na ba tǝnǝn chi ji nya Niyajiyuwi a mura gi.