¹ Bǝrarǝ nyang, bǝrakǝ nǝn ka nǝnǝ dan swiyǝrdǝng, na nyǝngkǝ nǝn yu bomtǝng, furna nǝnnu wa yǝra be. ² A nyangngi, kǝnǝn jamǝn juta bujiriyu, na ya bǝmǝn buwiyu. Nen chi bǝrǝ furni bwirai, bo me nǝn nǝngnga yutǝ rǝ yǝmba Niyajiyuwum. A gwa jǝggatangnga yǝmbǝ nyami, nǝn nǝbǝn dutǝtta nǝnnu a kǝmarang ka nǝb wariguwǝm a kakka Niyajiyuwung. ³ Mǝnni ki yǝmbǝ lǝmmangngǝm ba nǝmǝm a mǝra-mǝra bwi ki, a mǝramǝn bwi, a nǝbbǝ bǝtǝrom. ⁴ A kullon jiyu, niyajiyuwa gusǝti ka mǝramǝn furna jiyu ya nǝbba yəbbə yǝmbǝ nyamǝm. Janggǝmi a nyangngi, me bǝ dǝmǝnǝ churǝ kwetǝrei ya yǝmbǝ lǝmangngǝm ba gratǝta Kristiyu, wu gǝn bwanda Niyajuwuni. ⁵ Me nǝn fin finang ka dutǝtta nǝnuwung, mǝni Kristi Yesu wu gǝ Nigrai, nǝn bo nǝn bwiranǝm ba jǝnǝm bǝra nǝn Yesu. ⁶ Bǝraki Niyajiyu gǝ wa suwe go, ''Kwetǝrei ba yǝn a mura kum,'' ka yǝn a mura furna nǝnnu na ba nǝbǝn kwetǝrei wa yǝmtangnga Niyajiyuwi a kakka Yesu Kristiyǝng. ⁷ Mǝnni nǝn kanǝnǝ wai gǝna a mura gutǝtta tǝllai, nyǝngkǝ ba nungbǝn gǝrǝ go gratǝtǝ rǝ kumniyu ta Niyajiyuwi me nǝn tǝnni. ⁸ Kǝn nǝbbǝn kunang a jutǝ dǝndang, mǝnni nǝn nǝngnga bǝ lattiti. Kǝnǝn lǝmma mǝni furna nǝnu a yǝra be, ⁹ Kǝn nǝbǝn kunang mǝni kobǝn be. Kǝn buktǝbǝn mǝnni nǝn kiya be. ¹⁰ jǝtǝkwang nǝn ka nǝn dǝb bwiyatan Yesuwi a bwita nǝnnu, na ba chu yom ba Yesuwum a bwita nǝnnu. ¹¹ Nǝn bǝnǝn karǝ yuumǝm jutǝkwangng ka nǝn dǝb rǝ bwiyatan Yesuwi a bwita nǝnnu, na ba chim ba Yesuwun a yullʊ ji bǝn jǝggai a bwita nǝnunu na yobiya bwiyu. ¹² Bǝrarǝ nyang, bwiyatǝ ka nǝngnga swiyǝr a mura nǝnni, mǝnni yum ka nǝngnga swiyer a mura jǝni. ¹³ Mǝnni nǝn ka nǝn We kwani wa yǝbbə yǝmbǝ nyami nyǝngkǝ mula rǝgǝng: ''Kǝn nǝbǝn yǝmbǝ nyam, bǝrarǝ nyang kǝn su yǝm.'' Nǝn nǝ kǝniyǝng kǝnǝ nǝbbǝn yǝmbǝ nyam, nǝn suwe nyang. ¹⁴ Kǝnǝn yǝm no wa gug Nigra Yesuwi ba gugbǝn nyang na Yesu. Kǝn nǝn yǝm no ba be nǝn nǝn na jǝn a kakka gǝng. ¹⁵ Jǝni warigu bǝra nǝn jǝn, nyǝngkǝ nǝtǝttǝn dautǝnbǝwi a wassǝtǝn bwi a nǝb mwami, wunnan ba yǝgtǝn bwi yigira gratǝta Niyajiyuwi. ¹⁶ Bǝrarǝ nyang furna nǝnnu wa yǝrabe. Nǝn kwini a tari nǝn kiya kiya, a muri mǝn yəngnga bǝn kotǝ warigu. ¹⁷ Bǝrarǝ kunang ka fulla baniyǝng mǝn yǝngnabǝn yigira gratǝtǝ mwami tǝ ka sumǝnna bǝnggotangngi. ¹⁸ Bǝraki me mo nǝn jǝga jǝni churi, mǝni nǝn jǝga yǝ memǝn churi. Jǝni bǝnǝn dǝmǝn chutangngi me yǝba langngi, mǝni yǝ memǝn churi yǝ kurǝkwangngi.