¹ Bərarə nyang, Kristi a no kʊnang a mʊra bwi, tə bʊ bwi rə kəmmarang kə kinəng. Nə wʊna no kʊnnang a bwiyʊ, ka dʊ bwi a jɨni bwirai. ² A nyangngi, wai ni we, bo kari ba kaubwi a fʊng yobi bwira bwiyʊ, a mʊra kotangʊ dʊtənna bwiyʊ warigʊ, me ba kaubwi a chi rə fautang ka nəbbəng, mənni bo rə ngatangka Niyajiyʊwʊng. ³ Bəraki fʊlla ka su wʊ bənən nəngnga jɨni nəbba yəmbə Niyajiyʊwʊm nəngngari-nyəra talte, jəllən da bwiyən, jutang ka chʊwang, nəngngatangnga a jɨnna bujiiriyʊ, norotangnga jɨni bwirai, nəngngatang a weni na jɨni sərəmmi. ⁴ Bə kəmma go ji fi tə nəngngare bəraki me tə mʊrga dʊr nən ji a jɨni yaiye, bəngə sʊra jɨni bwirai. ⁵ Ba ke jɨnna nəngngai a kak ka wʊ kʊra bwi ba nəngngatən duuta bərə yuumum na ba bəttəro-bəttəroyəmi. ⁶ Bəra nyangngi gʊn wautan yəm bə ləmmangəm a ba bəttərom, mo nən kwini kən nəngnga tən duuta hanjimi a bwi nyəra nəb, na chi nyəra Niyajiyʊ a we. ^{7 7} Jitang ka jɨni warigʊwʊng kə kwarere do. Bərə nyang tə chi rə tautangnga dʊr a kəmmarang ka jɨnnəng bərə rʊwatangnga nyini. ⁸ Ji ya li warigʊwi, tə mʊtən ji a yogotang a date, bəraki yodai me bə fari məratangnga a jɨni bwirai ya bagiyʊ mwam. ⁹ Tə chi rə yʊtangnga bwite me kʊglatang we. ¹⁰ Nyəngkə wʊna jɨnnʊ a yʊ nətte gərəng, tə nəngnga fini rəgə bəri tʊgatangnga bwite. Tə nəngnga nyang nyera rə Niyajiyʊwa nga gəra ne nəttə mwami. ¹¹ Kə gʊ bə wau yəm bə ləmmangngəm ki, a chi bə sʊ bwantətta Niyajiyʊwi. Ki gʊ bə nəngngan swiyer ki, a nəngnga rə kʊmnitə Niyajiyʊ a nei. Tə nəngnga jɨni yaiye, na ba Niyajiyʊwa nya grate a jʊtə warigʊ a mʊra Yesʊ Kristiyʊ. Masi grate tən kʊmni a chi ta Yesʊ Kristiyʊ yɨgira kʊrəkwang. Amin. ¹² Ba yodaiyəm, kari tə dəb to ji fi bɨngorang ka be gəmən gəra kərangngəng, ki da nən gʊji fi a nəngnga bwi nən jɨn. ¹³ A nyangngi, kəttə ka kiyən tən Kristi a mʊra kʊnang ka gəng ki, tə nəngnga bwiləmri, na bo tə nəngnga bwiləmri rə fur də kwauwʊn, a fʊlla ba nʊngngere gratəttang gʊwi. ¹⁴ Kə mən kəbbagən bərarə dʊn da Kristiyən ki, kən dəgmən kang, bəraki We grati, na We Niyajiyʊwi ka chitənna jɨnnʊ. ¹⁵ Mənni kari gʊwan jɨnnu ba no kʊnang nyəra ni juwo nəbbi, ki nikʊ, ni nəngnga bwirai, ni dəg dʊr a jiya yəmbi. ¹⁶ Mənni ki gʊ ba no kʊnang nyəra rə ni fʊngrə Kristiyʊ ki, kari ba nwi bujiiri; a jiya nyangngi, masi a ne gratə Niyajiyʊ rə dan dʊnd e. ¹⁷ Bərarə ki jii ka lau wʊ bən sʊ duute a kaita nəbba Niyajiyʊwʊm. Ki bən sʊ nənnən ki, wʊllai ji ba chi jitangnga ba kwila yʊtang a yəmbə ləmmangəm ba Niyajiyʊwʊm? ¹⁸ Mənni ki "ni nəngnga ji nyai bən yiya bwaigʊ ki, wʊlai ba nəngnga bwi rə ni mebə fʊng Niyajiyʊwi tən ni rə jɨni bwiraiyʊ a kak ka gəng bo? ¹⁹ Bərarə nyang, masi bə no kʊnnang a jiya kəmmarang ka Niyajiyʊwʊng, a nəbbən yuumum ba jiyəm a wʊri yəm bə nyam na nəngnga jɨni warigʊwi.