¹ Me mǝnǝ chim ba durəm ga? Me mǝn ni Tǝmri ga? N’chube Yesʊ Nigranǝnnu ga? Me tǝn swer da kangka miyənnəng a gwa Nigrai ga? ² Ki me mən ni təmri a bagi ki a gwa jəniyu mən ni təmri. Bʊtangnga buk ka swer da miyən da ni təmriyən a gwa Nigrai nən jɨn. ³ Kangkǝ gən siməntang ka durəng ka miyəng a bǝ jǝgairǝm: ⁴ Me nǝnnə ‘da nǝn jau nǝn no ga? ⁵ Me nǝnnǝ da nə dǝb nyi ya nǝbban yǝmba nyami nyəngki bagi nǝb tǝmrǝm, chitətta Nigrai na Kefasi ga? ⁶ A chin kwak mənnən Barnabas nǝn nəngnga swer hǝn ga? ⁷ Wune ngǝ nǝngna swer da bautang a kǝrrangǝng a mura lugongʊ? Wune gə ju kwu a beta retiyu mǝnni me bǝ jare? Mǝnni wune ngǝ torǝ kʊlmur mǝnni me bǝ yammǝn yimwe? ⁸ Mǝn sʊ yǝmbambe rǝ kumni ta nǝbbi ga? Sori a suwebe nyǝngki ga? ⁹ Mǝnni mʊla a mura sora Musai, “Kari tə kwaitən langtang a nyiya gʊmtəlləni a jiwu surmən kwaiyu" Bǝn jum tǝnga a gwa Niyajiyuwi ga? ¹⁰ Me bǝ suwe bǝrarǝ nǝn ga? Mʊla bǝrnǝn nǝn, bǝra nǝn wʊ jʊ swerǝ, a chi rə titangnga da. Wu surmǝn kwaiyu a nǝngnga rǝ titang a da ba nya a fula sənangngi. ¹¹ Kǝ bǝnǝn wau yobi ya Wei a mura jɨnni ki, ba chi ji mwami nə har jɨna bwiyu a jɨnnu ga? ¹² Ki bagi ba nəngnga fini rǝ da waiwe ki, nǝn libə nyang ga? Mənni nən nǝngnga bǝ fini rǝ wai da, bǝri nyang, nǝn mida warigu bǝrǝ ji ba dang wautang a yǝmba Kristiyəm. ¹³ Tǝ yǝmbə to nǝbbǝ nǝngnga swer a kanda ruwatang a nyiniyǝn bǝ nya jǝni jauran jiyu a kanda ruwatang a nyiniyǝng ga? Tǝ yǝmbǝ to nǝbbǝ nǝngnga swer a chiriyǝm bǝ nya wugi ji a jɨnni nǝb be gəra chiriyu ga? ¹⁴ A wai juwi Nigra ne sori hanjim go bə si finang ka gəməng ba nya jɨnni jauran jiyu a mura yəmbə ləngngəm. ¹⁵ Mǝnni nəngnga bǝ fini rǝ dagi sir dande, mʊlabǝ mo na ba tə nǝngngǝmǝn guji, kǝ li fautang bwiya tən kə gʊ ba dangi rǝ wertang a bwiyəng. ¹⁶ Ki mən na wau yǝm ləmangngəm ki, me mǝnnǝ ji bǝn gug dʊr gəri bǝraki a chi mǝn kwak nǝngnga. Jiya kunnang a gwa miyu wabə yǝmbǝ ləmangngəm ki! ¹⁷ Mǝnni bo nǝngnga swer dandǝ rǝ ngatang ka furiying ki, mǝn ka mǝnnə jangǝmi, mǝnni nǝngnga bǝ rǝ furi kwan ki, mǝn ka mǝnni nǝggǝni a dʊr da miyǝn. ¹⁸ Wulai ba chi jiya jangǝmi ya miyuwi? A jiwe wau yǝm waurangngi, bǝn wau yǝm ba Niyajiyuwʊm a date, kari bən dəb dagi sir da miyən a mura wautang a yəm bə lǝmangngǝm. ¹⁹ Muwa chim ba durəm ba miyəm, mənni kən chi bwira nəbbi warigʊ, ba na nya wuwe bagi mwam. ²⁰ Mǝnni a gwa Yahudawai, kǝn yullo niya Yahudai, na nya wuwe Yahudawa. Bǝ duute ka durran jiyǝm, kǝn yullo kwan na mura ba soriyǝm, na ban nya wuwe ba soriyǝm. Nǝngnga nyangkǝ nǝn kwini me bəraki mərə bwimi muwa mura soriyəng. ²¹ A gwa bǝ me mura soriyǝm, kǝnchi da mǝn me mura soriǝ, mǝnni bo yamǝn ba soriya Niyajiyuwi mə rə bwimi, mǝnni muwa soriya Kristiyu. Nǝngnga nyǝnki ba na wuwe bǝ me mura soriyəm. ²² A bǝ merǝ kumniyǝm, kən chi me mǝnnǝ kumni, na nya wuwe bǝ merǝ kumniyǝm. Kǝn chi jɨnni warigʊ a gwa nǝb warigʊwi, na ba nya a jʊtǝ warigʊ yiya bagi. ²³ Nǝngnga jɨnni warigʊ bəra rə wautang a yǝmbǝ lǝmangngǝm, na ba nya dʊrda miyǝn a mura dǝgtantang a kangka ngǝn. ²⁴ Tǝ yǝmbǝ to a yʊta mwarantang a sǝngniyu nǝb warigʊ mwara səngni, mǝnnni ni kwan kwan bwigi yǝrǝ nǝttǝ ga? Bǝrə nyang tə mwa sǝng na tǝ nya nətte. ²⁵ Wʊ nəngnga yuti warigʊ bǝ nəngnga nən tautang a dʊr. Bǝ nǝngnga nyang go na gǝ yʊ nəttəttə ba kiyai, mǝnni bo nən nǝngnga nyangki ba nǝn yʊ nǝttǝtǝ me bǝ kiyari. ²⁶ Bǝra rǝ nyang me mǝn mwa sǝk kǝ merǝ finiyǝng na bo nwigotang a bwi tǝn bautang a sǝmba. ²⁷ Mǝnni bo kə fʊma bwiyamiyu n'dǝg a chi kewe, kari ba chi a jiwʊn wautən yǝmba nyam a bagiyǝng ki mərə bwimi kai.