¹ Kʊ a jiya jɨnni jauri ne yəttənate baniniyu kənǝn yǝm warigʊ no ka nǝnnǝ yǝmtang. Yǝmtang bǝ be nən wertang nga dʊr, mǝnni yotang a da ka mure. ² Kǝ karǝ gu kǝmmarǝ go kǝgǝ yǝm guji ki wai niwe a yǝmbə fu ji ya dautənwa yəmi. ³ Mǝnni ki karǝ gʊwa yotǝn da Niyajiyuwi hangʊ ka yǝm wai ni. ⁴ Bǝraki jɨnni jauri ne yəttənate kǝnǝn yǝm no, "Yəttənate a gʊsǝtte me nǝn guji" bo ''Nyang megu Niyajiyuwe a diməna mǝnna wʊ gən kwani.'' ⁵ Bəraki bən bərəmo bana kojiyuwi kawe, ki wa mura ji ki, ki wa mura gʊsǝttiki, bǝrki karǝ bagi bǝn bǝrǝ mo kojiyutəm dang-dang a gʊsǝtte na ji nyǝra kǝ ka "kojiyutə", rǝ "nǝbbə gram" mwam. ⁶ A gwa nǝn niyu, ''Niyajiyu kwan, Te, jɨnni warigʊwi a jɨre wangi, bǝri nən ge gunǝn chi rǝ yuummi, Nigra kwan Yesʊ Kristi, wa gwan giyu jɨnni wargʊ ka chi bwi, a gwan giyu gunə yori.'' ⁷ Mənni warigʊ rə nyang, men warigu rǝ kang yǝmtangke. Jiya nǝngnga ki bəgai chire bǝ ne gratə yəttənate mǝnni bo kǝ jare jɨnni jauri yaiye nyǝra jɨnni ne yəttənati, furiya jiyu ka nǝngnga yagsǝr bǝraki nǝn latəttiyəng. ⁸ Mǝnni jɨnni jauri me ba yɨgi nǝ nən a gwa Niyajiyuwi. Nǝn jabəki me nənnə bwiran rə kwani, yɨgtǝnbe nyɨyar nən jau ki. ⁹ Mǝnni fung den kari nyatang ka sǝrǝng ka mʊng ba yullo jiya tǝltangnga nai a gʊ wʊ nəbbəntang a yǝmbǝ nyam ba gǝm merǝ kumniyu. ¹⁰ Bǝraki a chi gu wa yarməni ka chun ki, wʊ karə yəmtangngi mən jarə jɨnni jauri a kaita yəttənati. Mǝnni nebǝ kumni mo a jau jɨnni jauri yəgtənna yəttənate ga? ¹¹ Bǝrarə fumtang ka mʊng kǝ nyang a jiya yobi ya weniyu, wʊ merə kumniyu, chi wʊn Kristi a bwiya bəra nən gi kən ləbte. ¹² Bǝrarǝ nyang a fulla wu tə nəngngatǝn bwiran a chitti tǝ meri kʊmni a furiyu ki, kǝn nǝngngatən jɨnni bwirai ya Kritiyu. ¹³ Ki jɨnni jauri ba dǝg chiya miyu a tǝlna ki, me bǝn kabi jau namtə bo, kari bǝn dɨg chiya miyu a yarte.