¹ A jiya jɨnni tǝ mulawi: ''Ka nǝngnga nyagu ni kari ba mǝbra nyi.'' ² Mǝnni bǝra rǝ bǝnggorang ka jǝllǝn da taltǝn, wunə ni ki a chi rə nyiyangʊ, na wʊni nyi ki a chi rə nibarangʊ. ³ Niwun nibariyu ka ne nyiyangu jiya dautəwi, na wune nyi ki a ne nibarangu jiya dautənwi wa chigatang a bwiti ⁴ Nyi merǝ kumni a bwiyangu nibari gǝrǝ ge. A nyang bo nibari merǝ kumni a bwiyangu, nyihi gǝrǝge. ⁵ Kari bǝtǝ dang bwita jǝnnu chigatang, a chi rǝ ngatang ka jǝnnǝng bǝrǝ a fulla banni. Tǝ nǝngnga nyang nan ba tə ne dutǝtta jǝnnu ruwatang a nyini. A bukka nyangəng kǝtǝ kaubwi tǝ chiga bǝri Chetan ba bǝngo gǝn, bǝrarǝ bunai ya tautang nga duri ya jǝnnu. ⁶ Mǝn sugumǝn jǝnni yaiye a jiya nʊng tang, me mon sori. ⁷ Kǝn fau mo wunə ni ki a chi nyəra nən me. Mǝnni wunə ki karə nǝbbǝn tang ka ngǝng a gwa Niyajiyuwi. Gʊ karǝ kǝ gang nǝbbǝntang, wure karǝ kǝgang nǝbbǝntang. ⁸ A gwa bǝ merǝ natǝmmi tǝn yʊggǝyonǝm mǝn suwe mo, ka nyagu a ji a chi mǝrǝ nate, nyǝra kǝmǝn kagrǝng. ⁹ Mǝnni na me ba dǝmǝn a tau durda jiyǝng ki ka dautuwa nǝngnga nate. Bǝraki ka litǝn nyagu a nǝngnga nate tǝ kǝ ba rii rə jǝlǝn nǝng. ¹⁰ A nǝbbǝrǝ natǝm kǝmǝn nǝbbǝn wai sori we- me nǝn me, mǝnni nən Nigra-kari nyi ba diməna nibarangu, ¹¹ (Mǝnna chi ka dimən a nibarangu ki, a chi merǝ nate ki ba kaubwi a nwigo a chi chim bajiyǝm) nǝn nyang bo, kari nibari ba jamǝn kang a nyiyanggu. ¹² Mǝnni a baggi mǝn suwe mo- Me, men Nigra- ki kare guchi wu karǝ nyi na wu me bǝ fungri ki na ka nga go tǝ chi kin ki kari ba jamǝn kang. ¹³ Ki karǝ nyi wu rǝ nibari me bǝ fungri, ki ka nga go tǝ chi kiyǝn ki kara jurə natangʊ. ¹⁴ Bǝraki nibari wu merǝ nǝbbǝntang a yǝm bǝ nyammi ka yullo wun kawur bǝrǝ nyiyangʊwi na bo nyi nǝbbǝ yǝm bǝ nyammi kǝn kawʊr bǝri nibarangʊ wʊ fungri. Me nyang ki bǝttǝm ba jǝnnǝm ba yullo me bə kaluriyǝm, mǝnni a yǝm bǝ nyam bǝn samǝn nǝm. ¹⁵ Mǝnni chugo nati wu me bǝ fungri a jir ki duwa di. A wai yobiwe chitte, ki wʊ bari ki, ki wʊ chuwi ki a buwabe bwite mura yǝmburǝm ba jiya nata jiyu. Niyajiyu wa bǝbbǝn ne go nǝn chi chim bǝ lǝmmamngngǝm. ¹⁶ N'yǝm mo nyǝnne mu wuchuwi, ki bǝn jǝg nibara mu ki? N'yǝm mo nyǝne, muwu bari ki bən jǝg nyiyamu ki? ¹⁷ Massi nǝn wunǝ ki a yoyom bǝ Nigra titǝnnǝm, nyǝra kǝ Niyajiyu a buwe rǝ gǝng. Waiwe gǝn soriya miyu a Ekklisiyai warigʊ. ¹⁸ Karǝ wʊ mwetən jwini ka dʊ bu a nəbbən yəmbə nyami ga? Kari ba jir nyəra ni mwetən bə jwini. Karə wʊ mwetən jwini ka dʊ a bu a nəbən yəmbə nyami ga? Kari ba fau mwetang a jwin. ¹⁹ Bǝrki rǝ mwetanga jwin rə bunai a mwetang ka jwinəng me nǝn guji. Jin fari nwitangnga yəm rə fungtang a soriya Niyajiyuwi. ²⁰ Nǝn wune ki a sitəna buwong kǝ Niyajiyu a buwe gra nǝbbǝntang a yǝmbǝ nyammǝm. ²¹ Mǝn kewe jii wu niyajiyu wa bǝnne ga? Kari ba daan. Mǝnni na ki bən nya chim ba durəm ki, nǝngnga nyang . ²² Bǝrki wu Nigra buwe a jii wu ka n'kewei, ka nya chim ba dʊrəm a gwa Nigra. Nǝn nyang, wu ka nya chim ba dʊrəm mi a ji wu ka mura nəbəntang a yəmbə nyami n'kewe Kristiyu. ²³ Kǝn sʊtagǝn rǝ chǝmmǝr deni, bǝri nyang kari bǝtə yullo kewe ta nǝbbi. ²⁴ Chittǝ, bǝnə chimbǝ wunə na nʊwa muriyəm a jii wʊn buwe a nǝbǝn yǝmbǝ nyammi, masi nǝn chi nyang. ²⁵ A jiya ba nǝngnga mǝn bǝ natǝ wum me mǝnǝ gu sori a gwa Nigra. Mǝnni mǝn suwe wa kǝmmarang ka miyǝng nyǝra ri wa mura bumta Niyajiyuwi, kən ngarǝgi. ²⁶ Bǝri nyang, mǝn suwe bǝri kʊnong kə berəng ka dautən we niya chinyang. ²⁷ Kǝn buwa bwi rǝ nyiga? Kari bǝn jǝgmǝn dur we. N'buwa bǝ bwi rǝnyi ga? Kari bǝn na nyi. ²⁸ Mənni ki kən nəngnga nate ki, nǝngnga bə jɨnni bwirai. Mǝnni nyi merǝ nati, a nəngngabe jɨnni bwirai. Mənni ba nəngnga natǝm ba no kunang dang dang a jii wu karǝ yummi mǝnni bo mǝn fau mǝn wʊlgagǝn kin. ²⁹ Mǝnni ji mǝn suweri chǝttǝ: Jii nən tɨngɨm. A kʊ yǝggire kak, masi bǝ karǝ nyiməm a chi da merǝ ge. ³⁰ Bǝ ti wiyǝm a chi da me bǝ tiwi, bǝrǝ fʊri kwauwiyǝm a chi da merǝ fʊri kwauwi, bə suta jǝnniyǝm a chi da merǝ guji; ³¹ bǝ fung yobi ya gʊsǝtiyəm a chi da mebǝ nǝngnga kin, bǝrki yobi ya gʊsǝti ka bera jitang. ³² Mǝn fau mo tǝ jǝg dur da jǝnnǝn na jǝnni. Ni wu merǝ nati a chiya kemmarǝ jɨnni ya Nigra, nyǝngkə ba dautǝn gəra giyǝng. ³³ Mǝnni wʊrǝ nati bǝ kǝmma jɨniya gʊsǝtti, nyǝngkǝ ba dautǝn rǝga nyiyangʊ wʊng- ³⁴ ka wutugo bwi. Nyi mǝrǝ nati tǝn bwiwi bə kǝmma jɨnna Nigrai, nyəngkǝ ba kawur durdan gǝn rəgǝn a mura bwi na we, mǝnni nyi rǝ nati bǝ nǝngnga kǝmmarang a jɨnna gʊsǝti nyǝngkə ba dautǝn rǝ ga nibaranguwʊng. ³⁵ Mǝn suwe nyang bǝri finitan jɨnnu me mo na fumma gǝn bo. N'suwe nyang bǝri ji ka dautuwi, nyǝngke bǝtǝ fung Nigra merǝ wutugotnag a yoban jɨnnʊwʊng. ³⁶ Mǝnni ki karǝ gu nǝngnga kǝmmarang go me gǝ nǝngnga jiya dautǝn bǝwi- a bwiyangu na su jǝttǝtta nati, na ka chi kwak ki- a nǝngnga ji fari. Men jɨnni bwirai, a nǝngnga nate. ³⁷ Mǝnni ka si rǝ kumni a firiyangʊ ki, na me bǝ nya fumtang ki, na bo ka tau dur dangǝn ki, na ka kǝmma a furiyangu go gə nǝngnga nyang ki, nagə so bwiyangu wa jǝrtǝnni ki, nyangki ba nǝngnga nyagu. ³⁸ Bǝrǝ nyang wa na bwiyanguwi ka nǝngnga nyagu, mǝnni wa samǝn go me gǝ nǝngnga nati bali nyaguwi. ³⁹ Nyi ya buwa-buwa bwi a ji wʊ nibarangʊ a jii wu nibarangʊ karə yumi. Mənni nibarihi a bwiya ki karǝ sǝr a nabǝn a wunǝ fari warigu, mǝnni a tǝktəna ba mura Nigram. ⁴⁰ Mǝnni a chutangka miyǝng, ba li furi kwauwi naba dǝmǝn a chi nyǝngkǝ karǝ gǝng ki. Mǝnni bo mǝn kǝmma mo mǝn ka mǝnǝ we Niyajiyuwi.