¹ Kǝ gʊ karǝ yǝm tǝn gʊ ki mǝnni ya diya kandda duutǝng a kak ka ni nǝngnga duuti wʊ mǝra nǝbbǝntang a yǝmbǝ nyami, me bumni ya diya kak ka nǝbbǝ fungrǝmǝ ga? ² Mǝnni bo tǝ yǝmbǝ to, nǝbbǝ fungrǝm ji ba nǝngngatǝn duuta gʊsʊte ga? Mǝnni bo kǝ jǝn bǝtǝ nǝngngatǝn duuta gʊsʊte ki mǝnni jən mǝ bǝtǝ dǝmǝn tǝ nwigo jɨnna yarmən mǝrǝ fini ga? ³ Tǝ yǝmbǝ to nɨn bǝnən nǝngngatən duuta a weni tǝmri ga? Bʊlʊm duutǝta jɨnna ban dam bi? ⁴ Ki katǝ nǝngnga duuta jɨnni nəngnga bwi a wunə koi ki, wulai jiya nǝngngna ki tǝ yǝgira rə yai yǝmni yaiye a kakka nǝbbǝ me bǝ fungrǝmǝng? ⁵ Mǝn suwe nyang mo na tǝ nwi bʊjɨri. Mǝnni me gʊ kwan a mura jɨnnu rǝ bǝrsan yǝmtang ba dǝmǝn a dǝgi a nwiygo chittǝn ga? ⁶ Mǝnni bo kǝ ka gǝrəng, ni fʊngri yǝggirǝ rǝ ni fungri a kanda duutǝn, mǝnni bo, kak ka ni nǝngnga duute wu me ni fungǝrǝyu! ⁷ Bunnai a nwigotangngi a jʊgʊr da nǝbbǝ fungrǝmǝn bǝ nʊngbǝngo kǝ tǝ yarmǝn. Wulai ya nǝngnga ki me bǝn nga funoiyəng? ⁸ Mǝnni bo kǝtǝ nǝngngtang bwiran rə funoi ya bagi, bǝn chittǝtan jǝnnuwʊm! ⁹ Tǝ yǝmbǝ to nǝbbǝ me bə təm ji nyam me ba dǝggi a dʊʊtǝtta Niyajiyuwi ga? Karǝ bǝt nga rǝ nyate. nǝbbǝ nǝngnga swiyer də sirǝmǝn da dagatangǝng, rǝ nǝbbǝ fʊng yəttənatəm, rǝ talbe, rǝ nǝbbǝ daga rə bwitǝm, ¹⁰ rǝ kube, rǝ nǝbbǝ funno nǝbbǝm, merǝ guwan jiyu ba dǝggǝ a mura dʊʊtǝta Niyajiiyuwi. ¹¹ Bagi ban jɨnnǝm na nʊ nyǝngke. Mǝnni kǝn tʊgǝmmǝn, kǝn kawʊrgǝn tə chi yʊlgo gwa we Niyajiyuwi a mura dʊnda Nigra Yesʊ Kristi na a gwa Niyajiyu wa nənnʊwi. ¹² "Jɨnni warigʊ sori ka ngaimən rə ge," mənni men jɨnni warigʊ rə fini. "Jɨnni warigʊ sori ka ngamən rə ge," mənni me bən chi kewe gwan jiyuwi. ¹³ ''Jɨnni jauri nǝngnga bǝ rǝ fur, fur bǝrǝ rǝ jǝnni jauri,'' mǝnni bo Niyajiyu ba ləbtə warigʊ kʊng. Nǝngngabe bwi bǝra rǝ talte. Mǝnni bo nǝngnga bwi bǝra rǝ Nigra, mǝnni bo Nigra ba nǝngngatǝn ji bwi fare. ¹⁴ Niyjajiyu ka guk Nigra, mǝnni bo ba guk bǝn a mura kumni tan gʊ. ¹⁵ Tǝ yǝmbǝ to bwitang jɨnnu sunibwiya Kristiyu ga? Bǝng dǝb sunibwiya Ni Jǝgriyu murga tǝng talbe ga? Niyajiyu a sǝgmǝn! ¹⁶ Tǝ yǝmbǝ to wa murga bwi rǝ taliyu, ka yulo bwi kwna tǝn talihi ga? Nyǝra kǝ wang suwegrǝng, "Ji bǝ bǝsʊwʊm ba yulo nam kwan." ¹⁷ Mǝnni bo wa murga bwi tǝn Niyajiyuwi ka yulo we kwan kin. ¹⁸ Tǝ mwamǝnna swiyer da taltǝn! Wuni ji bwira ni nǝngngari wa kag bwiya gʊwʊng, mǝnni bo ni nǝngnga swiyer da taltǝni bǝ nǝngnga jǝnni bwirai a kak rǝ bwiyangu. ¹⁹ Tǝ yǝmbǝ ga bwiya jǝnnu gwa chiri ya We Yulgoyu wu ka chiya mura jǝnniyu. Wu tǝ nya a gwa Niyajiyuwi ga? Tǝ yǝmbǝ to tə me wa bwitang jǝnnuwi ga? ²⁰ Sʊtagǝn nǝn duwʊng dǝni yu. Bǝrǝ nyang, tǝ ne gratǝ Niyajiyu rǝ bwita jǝnnu.