¹ Kǝnǝn nwi mo ka talte tǝ bwirai a mura jɨni, tai talte tə nəbba kuməm a nga bə rə gi. Yǝm bǝn nyam go, guwa mura jɨni bə dara nən nyiya tei. ² Kətǝ gugo dutə rǝ kwani! A dautǝ bǝtǝ nǝngnga furdǝ yuluwǝn ga? Wai wǝ nǝngnga nyangi, a chin kwak n'jǝgmǝna jʊgʊr da jǝnnən. ³ Na bo a chi nǝn me kin a mura bwiyǝng, mǝnni nǝn kakin a mura We Yulgoi kǝn mwe tǝn duuta wa nǝngnga nyangngi, a nʊngtang da mǝn ka gai. ⁴ Jii wutǝ kʊrabwi a mura dunda Nigranǝnnʊ Yesʊ wun. We miyʊ ka gai nǝn jǝn a mura kumni ta Nigra nǝnnʊ Yesʊwi, kǝn mwetǝn duuta wai niwe. ⁵ N'nǝngnga nyang mona ne ni waiwe chetan na ba n'ju bwigi, na yiya wengʊ a ko Nigrai. ⁶ Gugtang ka dutǝng kan jənəng me nyagʊ. Tǝ yǝmbǝ ga bari bani ka lǝbtǝ gumtǝli warigʊ? ⁷ Tǝ tʊmǝn bwita jinu agwa bari funiyu natǝ yulo gumtǝli fi, gǝn mwan də fumfummǝn dǝ merǝ bariyǝn. Bǝrki Kristi Be-bəngla yautangngi kən yuwa. ⁸ Bǝri nyang masi nǝn nǝngnga bwilǝmra nǝnnu merǝ bari funi, bari ya yobi bwirai na yobi bwirai. A nyangngi, tənǝn nǝngnga bwilǝmri rǝ mwan dǝ fum-fummǝn də merǝ bariyǝn, da yobi nyan tǝn yǝmbǝ nyam. ⁹ Kǝn mula gǝmǝn a mura wanka miyǝng mo kari tǝ murga bwi tǝn nǝb bǝrǝ gɨnǝngngǝm. ¹⁰ Me mǝn nǝngnga kəmmarang a nǝb bǝrǝ gɨnnǝngngǝm ba gʊsǝtǝm, bǝrǝ sʊwʊm, bərə funoiyǝm na bǝ fung yəttənatǝm, na chi me bǝtǝ wulga tǝn hanjiyǝm kʊ yǝggira jiiwʊ bǝtǝ dʊ gʊsǝti. ¹¹ Mǝnni kʊ kǝmǝn mula gǝmǝn ne mo kari tǝ murga bwi tən gʊ wʊn bərɨ mo chiyʊ mənni chi ra mura talti, nuggʊn, yəttənate, yǝmbǝ bwiram ba nyiyǝm, ni no chuwai, ni rǝ funoiyu. Kari bǝtǝ jau jɨni jauri kin. ¹² Mǝnni ba nǝngnga go nyǝnne kǝn dǝmǝn mwetǝn duuta bǝ me bǝ fungrǝm? A jiya nynagngi, men jǝn bǝtǝ mwetǝn duuta a mura bǝ Ekklisiya ga? ¹³ Mǝnni Niyajiyu gǝn mwetǝn duuta bǝ ka tariyǝm. ''Tǝ jǝgmǝn ni bwira a mura jǝnni.''